Айналамыздағы өсімдіктер туралы балабақша конспектісі

Ұйымдастырылған оқу іс-әрекетінің картасы

Оқытушы: Ахаева Т.Е.

Топ: Мектепалды даярлық «Б» тобы

Мезгіл:

Өтпелі тақырып: Табиғат әлемі.

Тақырыбы: Айналамыздағы өсімдіктер

Білім беру саласы:Коммуникация

Бөлімдері: Қазақ тілі

Мақсаты: Қазақ тіліндегі сөздер мен сөйлемдерді түсінуді және қолдануды үйрету.

Міндеттері: Қазақ тіліне тән дыбыстарды күнделікті қолданыста дұрыс айтуға жаттықтыру. Жаңа сөздерді меңгерте отырып өсімдіктерді атай білуге дағдыландыру.

Білімділік: Өсімдіктерді салыстыра білу, олардың айырмашылығы мен ұқсастығын таба алу, олардың өсуіне қажетті жағдаймен таныстыру. Өсімдіктерді өсіруге, күтуге деген қызығушылықтарын арттыру

Дамытушылық: Өсімдіктер туралы білімдерін дамыту.

Тәрбиелік: Әңгімеге араласа білуге, өз көзқарасын айта алуға тәрбиелеу.

Қолданылатын көрнекі құралдар:бөлме өсімдіктері, дем.материалдар, таяқшалар, су сепкіш

Қажетті құрал-жабдықтар: үлестірмелі материал, түрлі-түсті қарындаштар.

Әдіс-тәсілдері: түсіндірме, сұрақ-жауап, практикалық.

Билингвалды компонент: бөлме өсімдіктері – комнатные растения.

Іс – әрекет кезеңдері

Педагогтың іс-әрекеті

Балалардың іс – әрекеті

Мотивациялық- қозғаушылық

Арайлап таң атты, Алтын сәуле таратты. Жарқырайды күніміз Жарқырайды даламыз. Сәлеметсіздерме, балалар, Тату доспыз бәріміз. Балалар, табиғат бұрышынан білуге құмар Қоянның хатын тауып алдым. Ол хатында бөлме өсімдіктерін жақсы көретінін, бірақ оны қалай күту керектігін білмейтінін айтыпты.

Балалар шаттық шеңберін жасап, амандасады.

Ұйымдастырушылық- ізденістік

Олай болса, Қоянға біздің бөлмедегі өсімдіктерді көрсетіп, оны қалай күту керектігін үйретейік.

Қоян қарашы, біздің топта бөлме өсімдіктері қандай көп. Балалар, осы өсімдіктердің атын атап көрейікші.

Балалар, өсімдіктердің бәріне ортақ ұқсастықты айтып беріңдерші.

Олардың бірбірінен қандай айырмашылығы бар?

Сөздік жұмысы жүргізіледі.

Бөлме өсімдігі сөзін түсіндіру.

Енді – Қоянға өсімдіктердің тірі организм екенін дәлелдеп беріңдер.

Олар аузы жоқ болса, қалай қоректенеді, су ішеді?

Ал, ауамен қалай демалады?

Жарайсыңдар балалар, Қоянға көп нәрсе айтып бердіңдер.

Сергіту сәті:

Өсімдіктер алғаш өнген кезде қандай болады?

Қалай өседі?

Жапырағын қалай жаяды?

Гүлдері қайда өседі?

Жаңбыр жауғанда гүлдер қайтеді?

Практикалық жұмыс.

Балалар, енді Қоянға өсімдіктерді қалай күту керек екендігін көрсетейік.

Өсімдік жақсы өсу үшін не керек?

Олай болса, өсімдіктерді жарық жерге қойып, өсімдіктерге күтім жасайық.

1.Топырақты таяқшамен қопсытамыз.

2.Жапырақтарының шаңын жұмсақ шүберекпен сүртеміз.

3.Су құямыз.