Қысқы баспана туралы сабақ жоспары, 3-сынып

Ұйымдастырылған ашық оқу қызметі

II кіші «Балапан» тобы

Тақырыбы: Қысқы баспана.

Мақсаты:

1.Білімділік: Балаларды оқылған ертегілер мазмұнын тәрбиешінің көмегінсіз өз беттерімен жүйелі түрде мәнерлі етіп, мазмұнын өзгертпей, әңгімелей білуге, байланыстыра сөйлеуге, мінез – құлық ерекшеліктерін ажырата білуге үйрету.

2.Дамытушылық: Балаларға ертегіні оқып таныстыру арқылы ойлау қабілетін, тілін дамыту.

3.Тәрбиелік: Бір біріне бауырмал, қамқор болуға, адалдыққа, шыншылдыққа, ормандағы аңдарға қамқорлық жасауға тәрбиелеу.

Әдіс – тәсілі: әңгімелеу, сұрақ – жауап, көрсету, ойын.Оқу іс - әрекетінің көрнекілігі: Ертегі кейіпкерлерінің ойыншықтары.

Көрнекі құралдар: сюжетті суреттер, жануарлар бейнесі, үйшік.

Қайырлы күн, балалар!

Алтын күн, жер анаға өзінің мейірлі шуағын төгіп, біздің жан дүниемізге жарық сәулесін шашып тұр.Бізде бір-бірімізге жүрек жылуымызды сыйлайықшы.Қане, балалар бәріміз орнымыздан тұрайық.

Психологиялық дайындық!

Армысың асыл күнім!

Армысың асыл Жерім !

Армысың асыл досым !

Міне, менің қолым ,

Жылуыма жылу қос.

Ұйымдастыру кезеңі.

-Қазір қай жыл мезгілі?

-Қыс мезгілі екенін қайдан білдіңдер?

-Ертегінің суретін тақтаға көрсетіп,балалардан өз ойларымен ертегіні көріп,қалай аяқтауға болады?

-Бүгін біз сендермен «Қысқы баспана» ертегісімен танысамыз.

Сергіту сәті

Орнымыздан тұрайық

Алақанды ұрайық

Бір отырып , бір тұрып

Біз тынығып алайық .

Оң жақтағы балаға,

Шапалақта шапалақ.

Сол жақтағы балаға ,

Шапалақта шапалақ .

Қысқы баспана.

(ертегі)

Ертеде Бұқа, Қошқар, Шошқа, Мысық, Әтеш - бәрі орманды мекен етіпті. Жазда орман іші қандай көңілді! Бұқа мен Қошқар шөпке кенеледі. Мысық тышқан аулайды. Әтеш жидек теріп, құрттарды шоқып жейді. Шошқа ағаштың тамыры мен жаңғағын тамақ қылады. Бұл достар осылай рақат өмір сүреді.

Жаз өтіп, күз болды. Орман іші суыта түсті. Бәрінен бұрын қыс қамын Бұқа ойлай бастады. Ол Қошқарға келіп:

- Кел, достым, қыс қамын істейік, баспана жасайық! - дейді.

- Жарайды, құп болады, - деді Қошқар. Бұқа мен Қошқар Шошқаға келіп:

- Жүр, қорсылдағым, үй салайық, - деді.

Шошқа келісе кетеді. Бұқа, Қошқар, Шошқа үшеуі келе жатып, Мысыққа кездеседі.