Қысқы орман тақырыбына арналған мектепке дейінгі ашық сабақ

Сабақ «Қысқы орман»

Мақсаты : Балаларды қыс мезгілі туралы білімдерін кеңейту , сөздік қорын байыту. Сұраққа нақты жауап беріп , табиғат көрінісін сипаттап, қызықтарын әңгімелету арқылы балалардың шығармашылық қабілеттерін дамыту. Бір – біріне қамқор болуға , ұйымшылдықпен ойнауға тәрбиелеу.

Аққаланың дене бөліктерін,әр түрлі көлемдегі домалақтардан біріктіру арқылы ермексазбен қалай мүсіндеу керектігін үйрету. Ұсақ қол қимылдарын дамыту.

Жапсырудың әдіс – тәсілдерін меңгерту, көркемдік эстетикалық талғамдарын дамыту, еңбексүйгіштікке тәрбиелеу.

Қимылды ойындар арқылы балалардың денсаулығын нығайтып, ептілікке, жылдамдыққа тәрбиелеу , дене шынықтыруға деген қығығушылығын арттыру.

Көрнекіліктер:Слайд,іздер, орман көрінісі,сабынды су көпіргіштері, қорап, аңдардың суреттері.

Құрал жабдықтар : Ермексаз, тақтайша ,сүрткіш, желім қылқалам, дайын қолғап үлгісі, түрлі- түсті қағаздар қиындысы

Алдын ала жүргізілетін жұмыстар : серуенде қысқы табиғатты байқау.

Билингвальды компонент: марғау- котенок, қыс- зима, қар – снег, аппақ-белый.

Тәрбиешінің іс – әрекеті

Баланың іс -әрекеті

Балаларды шаттық шеңберіне тұрғызып, бір біріне ыстық тілектер айтуын ұйымдастырады.

Армысын- алтын күн

Армысын – жер ана

Армысын көк аспан

Армысын жан досым

Балалар , бүгін бізге қонаққа жүні үлпілдеген марғау келді . Марғау – мысықтың баласы. Марғаудың басынан өткізген қызықты бір оқиғаны айтып берейін. Мұқият қарап мыны слайдқа назар аударыңдар.

Бір күні марғау таңертең көзін ашып, керіліп, ұйқысынан оянды. Күндегі әдетінше далаға серуенге шықпақшы болады. Ол есіктен шыға бергенде аяғы аппақ, жұмсақ , суық нәрсеге тиеді. Ол қатты қорқып, таңғалып , үйге кіріп төсектің астына тығылып қалады .

– Балалар ,марғау неден қорқып тығылып қалды ?

– Қыста не жауады ?

– Ал қазір жылдың қай мезгілі?

– Қыста боран соққанда, «у,у,у,у,у» деген дыбыс шығарады.

– Балалар, қане бәріміз көрсетейікші боран қалай ұйытқып соғады?

Балалар , марғау қарға үйреніп, қорықпас үшін, оны өзімізбен бірге қысқы орманға серуенге алып шығайық.

-Кәне, олай болса қысқы орманда жаурап қалмас үшін.

Бас киімді киеміз.

Мойынорағышты тағамыз.

Сырт киімімізді киеміз.

Етігімізді киеміз.

Қолғабымызды киеміз.

Біз серуенге дайынбыз.

-Жарайсыңдар, балалар!

Серуенге немен баруға болады ?

Ал, бүгін біз ,серуенге жаяу барамыз.

( Жаяу әні қойылады С. Ибрагимовтің)

– Міне, балалар біз қысқы орманға да келіп жеттік. Балалар, орман іші қандай керемет. Айналаның бәрі аппақ. Қане ,бәріміз орман ауасымен тыныстайық, мұрнымызбен терең дем алайық.

(Тыныс алу жаттығуын жасайды ұлпақарларды үрілеу)

Балалар ,сендер білесіңде ме орманда қандай аңдар мекендейді?

-Дұрыс айтасыңдар.

Ал, қыста қандай орман аңы ұйықтайды?

Мына жерде орман аңдарының іздері жатыр, қане сол іздермен жүріп көрейік.

Балалар, енді кішкене отырып дем алайық орманның тамаша таза ауасымен тыныстайық.

(Шырша түбіне көжек жылап отырады)

Балалар, кім жылап отырған?

-Көжек сен неге жылап отырсың ?

-Мен ойнап жүріп анамнан адасып қалдым.

-Кәне ,балалар көжектің көңілін көтерейік .

Ұзын құлақ сұр қоян.

Естіп қалып сыбдырды.

Ойлы-қырлы жерлермен

Ытқып-ытқып секірді

Қарап еді артына

Қиығын салып көзінің

Келе жатқан томпаңдап

Көжегі екен өзінің.