Қытай Азияның жетекші дамушы елі, 10-сынып

Сабақтын тақырыбы: Қытай – Азияның жетекші дамушы елі.

Сабақтың түрі: Білімдерін тексеру және қорытындылау.

Сабақтың мақсаттары:

Білімділік: Қытай елі бойынша алған білімдерін тиянақтап, тақырып мазмұнын толық меңгерту.

Тәрбиелік: Өздігінен белсенді іс - әрекет жасауға баулу. Халықтар арасындағы достықты құрметтей білуге үйрету, кәсіптік бағдар беру.

Дамытушылық: Оқушылардың шығармашылық белсенділігін арттыру.

Пәнаралық байланыс: тарихпен, информатикамен, әдебиетпен, экономикамен.

Сабақтың көрнекілігі: Дүние жүзінің саяси картасы, Қытайдың жеке карта – сызбасы, 10 сыныпқа арналған атлас, жоспар – сызба, тірек – сызбалар (экспорты мен импорты), жеке суреттер мен қосымша әдебиеттер, ұлттық киімі мен тауарлары, ұлттық тағамдары (күріш, көк шай ), таяқшалар.

Сабақтың барысы:

1. Ұйымдастыру, мақсат қою.

2. Білімді шығармашылықпен дамыту, білімдерін тексеру.

3.“Венн жүйесі”.

4. Қорытынды.

Қайталау жоспары:

1. Құрамы және ЭГЖ.

2. Қалыптасу тарихы және геосаяси жағдайы.

3. Табиғаты және табиғат ресурстары.

4. Қытайдың халқы.

5. Халықтың тұрмысы мен мәдениеті.

6. Шаруашылығының жалпы сипаты.

7. Өнеркәсібі.

8. Ауыл шаруашылығы.

9. Көлік географиясы.

10. Ерекше экономикалық аудандар ( ЕЭА ).

11. Сыртқы сауда.

12. Туризм.

Сабақтың жүрісі:

1.Сынып оқушыларын, біріншіден, үш топқа бөлеміз. Интерактивті тақтада Қытайдың туы мен мемлекет басшысы көрсетіледі. Оқушылар ол қай елдік туы және басшысы екендігін анықтайды. Әр слайдқа қысқаша мәлімет береді. Үстінгі берілген жоспар бойынша, енді негізгі бөлімі басталады.

2. Қытайдың экономикалық-географиялық жағдайы туралы мәлімет айтылған соң, үш топқа бірдей тапсырма беріледі. Кескін картаға Қытайдың көрші елдерін, жағалаудағы теңіздерін түсіреді.

3. Қытай мемлекеттінің қалыптасу тарихы мен геосаяси жағдайы. Археологиялық қазба жұмыстарының нәтижелеріне қарағанда, Қытай аумағында осыдан 400000-500000 жыл бұрын ертедегі жабайы адамдар (юан-моу, лантян, синантроптар – қытай питекантроптары) тіршілік еткен. 1911 жылы Қытайда Сунь Ятсен басқарған буржуазиялық-демократиялық революция болды. 1979 жылы Қытай әскерлері Вьетнамға шабуыл жасады. 1989 жылы Пекинде студенттер қозғалысы болды және т.б.

4. Табиғаты және табиғат ресурстары. Наньмин, Юньнань-Гуйчжоу таулы үстірті, Гималай, Қарақорым, Наньшань, Куньлун, Тибет. Такла-Макан, Тарим, Жоңғар, Алашань, Ұлы Қытай жазығы. Басты өзендері. Пайдалы қазбалары. Климаттық белдеулері.