Р дыбысына саяхат логопедиялық ашық сабақ

Мұғалжар ауданындағы психологиялық-

Педагогикалық түзеу кабинеті

ММ кабинеттің мұғалім –логопед Алмагамбетова Арайлым Максатовна

Ашық сабақ: «Р» дыбысына саяхат.

Сабақтың мақсаты: «Р» дыбысын буында, сөз, сөйлем ішінде дұрыс, анық етіп айтуға машықтандыру. Сөздік қорларын молайту. Ойын және жұмбақ- жаңылтпаштар арқылы ойлау қабілеттерін дамыту. Сабақтың көрнекілігі: айна,қима суреттер,әріптер,буындар, «киндер-жұмыртқа».

Сабақтың барысы: І.Психологиялық дайындық : Біз қандаймыз,қандаймыз, Шұғыланы таңдаймыз. Күлімдеген күндейміз Ренжуді білмейміз. Қуанамын мен де Қуанасың сен де. Қуанайық достарым, Арайлап атқан күнге! - Балалар, бүгін бізге сабаққа көптеген қонақтар келіпті. Олар сендердің дыбыстарды қалай айтатындарыңды, тілдік жаттығуларды қаншалықты меңгергендеріңді білгісі келіп отыр. - «Ғажайып сәт» Мұғалім: - Балалар,біздің есікті біреу қағып тұр ма? Балалар : - Иә. Мұғалім: - Ендеше есікті ашып көрейік (сол сәтте есіктен қоян кіріп келеді). Қоян: - Сәлеметсіздер ме,балалар! Мен сендерге ертегілер елінен Білім ханшайымынан хат әкелдім. Мұғалім: - Балалар, Білім ханшайымының тапсырмасын орындай аламыз ба,қалай ойлайсыңдар? Қоян,кел, сен де балалармен бірге отырып сабаққа қатыс. 1- тапсырма. «Көңілді тіл» ертегісі арқылы артикуляциялық және ерін жаттығуларын жасау. Мұғалім: Білім ханшайымының тапсырмасын орындай аламыз ба?

Балалар: - Орындаймыз. Мұғалім: - Ендеше, балалар,мен сендерге «Көңілді тіл» ертегісін айтып берейін, ал сендер ертегіні мұқият тыңдап отырып,артикуляциялық жаттығуларды жасаңдар. (Әр баланың алдында айна тұрады,олар соған қарап тілдік жаттығуларын жасайды).

- Ерте,ерте,ертеде, ешкі жүні бөртеде,кішкентай үйшіктің ішінде тіл өмір сүріпті. (Балалар еріндерін үйшік қылып көрсетеді). - Арайлап таң атқанда, ұйқысынан оянып,тіл тұрады. - Есігін ашып,көзін уқалап,оңға-солға қарайды. (Сағат) - Далаға шығып,таза ауада таңғы жаттығуын жасайды. (Алтыбақан) - Жаттығудан кейін тіл таңғы асын ішеді. (Тәтті шырын) - Астан кейін тіл атпен шауып ойнайды,тілдің көңіл-күйі өте көңілді. (Атпен шабу) Ерін жаттығуы: - Содан кейін тіл өлең айтуға кіріседі (-а, -о, -и, -у) Мұғалім: - Жақсы, балалар. Жаңа сабақты хабарлау: - Білім ханшайымының 2-ші тапсырмасы мына конверттің ішіндегі суреттерді құрастырып,ненің суреті екенін табу. (раушан гүл, ракета, радио) - Суреттегі заттардың атын атайық,қандай дыбыстан басталып тұр? - Суретпен сөйлем құрастыру. - «Р» дыбыстарына байланысты кім қандай тақпақ біледі? - «Р» дыбысына буындық талдау жасау. Қа-ра Қа – рау Қо-ра Та-рау Да-ра Қы -рау Са-ры Со - ру Та-ры То -ру Ша-р Тұ -ру Қа-р Су – ыр - Буындарды қайтала. Ра- ро- ру Ұр- ыр-ұр Ро-ру- рұ Ыр- ұр- ыр Ро- ру- ры Ар- ор- ур Ры – рұ- ру Ұр- ур- өр - «Р» дыбысын анық айт, созып айт. -Ра-ра-ра- рас Ар-ар-ар- қар Ру-ру-ру- рух Ор-ор-ор-тор Ро-ро-ро- ром Ыр-ыр-ыр- отыр

- Дәптермен жұмыс.1. Жазба әріпті бастырып жазу. 2.Тақтада жазу. 3.Ауада жазу. Тыныс алу жаттығулары: Мұғалім: Енді шаршағанымызды басып,демімізді алып,тынысымызды шығарайық.