Ресми стиль туралы қазақ тілі сабақ жоспары

Сабақтың тақырыбы : Ресми іс-қағаздар стилі

Сабақтың мақсаты : ресми іс-қағаздар стилі туралы түсінік беру;

оқушылардың ой-өрісін,сана-сезімін,белсенді ойлау дағдыларын жандандырып,сыни тұрғысынан ойлау материалдарын қолдана отырып қызығушылығын арттыру,білімін дамыту,сауаттылыққа баулу,сабаққа ынталандыру;

оқушының тіл байлығын дамыту арқылы тілдік құрлымдарды өз бетінше талдап меңгере білу,іс-әрекет,ізденімпаздық дағдыларын қалыптастыру.

Сабақтың түрі : аралас сабақ

Сабақтың әдісі : сұрақ-жауап,шығармашылық іздену

Сабақтың көрнекілігі : кеспе қағаздар, таблицалар

Пәнаралық байланыс : әдебиет,тарих

Сабақтың барысы :

а) Ұйымдастыру кезеңі :

Оқушылармен амандасу,түгелдеу,оқу құралдарын тексеру.Сыныптың тазалығына көңіл бөлу.Оқушылардың зейінін сабаққа аудару.

ә) Үй тапсырмасын пысықтау :

Үйге берілген тапсырманы сұраймын . Оқушыларға өткен тапсырма бойынша бірнеше сұрақтар қоямын

б) Жаңа сабақты түсіндіру.

Ресми іс-қағаздар стилі

Тілдік амал-тәсілдері

Стильдік сипаты

Қолданылу

аясы

Қолданылу

аясы

Мақсаты

Кітаби, ресми сөздер мен тіркестер, ха-барлы сөйлемдер, даяр тіркестер мен терминдер

Ресми, ақпараттық, есептік,

дәл,

нақты.

Ресми, ақпараттық, есептік,

дәл,

нақты.

Іс-қағаздар, нұсқау хаттар мен кеңсе, жеке қызмет құжаттарында

Хабарлау, ақпарат, анық мәліметтер беру.

Стильдің бұл түрі - құқықтық қарым-қатынас, әкімшілік саласында, кеңсе қызметінде қолданылады. Іс қағаздары қолданылу аясына қарай бірнеше түрге бөлінеді. Арнайы орындарда (мекеме, пошта, банктерде, қызметке орналастыру бөлімдерінде) алдын ала дайындалған үлгілері де болады.

Тілдік айырмашылығын байқау мақсатында төмендегі мысалдарға назар аударайық:

Әдеби қолданыс

Ресми қолданыс

Тапсырма жауапкершілікті сезініп, тиянақты жұмыс істейтін жандарға бөлініп берілсе нұр үстіне нұр болар еді. Олар шындықты анықтап, шынайы мәліметтерді көпшілік назарына келесі жиында ұсынса. Сандық мәліметтерді де нақты айтудың сәті келді.

Тапсырма жауапты жандарға міндеттелсін. Олар нақты мәліметтерді жинап, келесі жиында есеп берсін. Сандық мәліметтер нақтылансын.

Салыстырудан байқалатын жайт - сөйлем тиянақты, нақты, ресми. Мазмұны «тапсырма», «бұйыру» ыңғайында болады. Сөз, сөз тіркестері тілдегі өз мағынасына сай жұмсалады, әсірелеу, ауыспалы мағынадағы сөз қолданыстарын пайдалану жоқ.

Жаттығумен жұмыс: 55-жаттығу. Үш топқа бөлініп, әр топ сыныпта соңғы өткен жиынның хаттамасын жазып, нұсқаларды салыстырып,талқылыңдар.

Шығармашылық жұмыс: Үлгіні пайдалана отырып (кеш, кездесу) өткізуге рұқсат сұрап өтініш жазыңдар.