Сабақ жайлы жазбалар жаңартылған бағдарлама мақаласы

Сабақ жайлы жазба

Сыныбы: 8

Пәні: қазақ әдебиеті. Сабақтың тақырыбы: Д.Исабеков «Әпке» драмасы

Ұзақ мерзімді жоспарда ұсынылған оқу мақсаттарына сәйкес оқу мақсаты алынды: 8.Т/Ж3.Көркем шығармадағы кейіпкерлерді сомдауда тура және жанама мінездеулерді жіктеу. 8.Б/С3.Шығарманың көркемдік-идеялық құндылығын гуманистік тұрғыдан талдап, әдеби эссе жазу. Сабақ мақсаттары: Барлық оқушылар орындай алады: «Әпке» драмасының мазмұнын біледі, түсінеді. Шығармадағы кейіпкерлерді жіктеп, эссе жазады. Оқушылардың көпшілігі орындай алады: шығармадағы кейіпкерлерді сомдауда тура және жанама мінездеулерге талдау жасай алады. Шығарманың көркемдік-идеялық құндылықтарын қолдана отырып эссе жазады. Кейбір оқушылар орындай алады: кейіпкерлер арасындағы диалогты қара сөзбен баяндай алады. Шығарманың көркемдік-идеялық құндылығын гуманистік тұрғыдан талдап, әдеби эссе жазады.Бағалау критерилері: драмалық шығармадағы кейіпкерлер бейнесін талдайды. Гуманистік тұрғыдан өз көзқарасын білдіреді.

Ойлау деңгейлеріне Блумның жоғары ойлау дағдылары: талдау, жинақтау, бағалау алынды. Тілдік мақсаттарға оқушылар: бауырмалдық, қамқорлық туралы қасиеттерді меңгереді. Әпке сөзінің мағынасын жан-жақты түсінеді. Оның өмірде алатын орны мен атқарар рөлі туралы қй бөліседі. Шығармадағы тірек сөздер мен термин сөздерді үш тілге аударады. Бас кейіпкер әпке арқылы отбасы мейірімін жоғары ұстайды; қаламгердің суреткер ретіндегі мүмкіншілігін таниды, «Отан отбасынан басталады» дегендей, бүгінгі Қазақ елінің дамуына үлес қосуға тырысады. Сабақтың өн бойында талқыланатын мынадай сұрақтарды ұсындым: 1.Қамажай неліктен Қабенге тұрмысқа шықпауға бел байлады? 2.Тимур мен Нәзила арасындағы даулы мәселе қайдан басталды? 3.Омар мен Гауһардың арасындағы қарым-қатынас қалай өрбіді? 4.Қамажайдың бауырларына деген қамқорлығы қандай әрекеттерінен білінеді?

Оқушыларды сын тұрғысынан ойлау, топтық жұмыс барысында өзара сыйластық, бауырмалдық, құрметпен қарау, ізгілік, жауапкершілікті сезіну, білім алуға дайын болу секілді құндылықтарға баулимын.

Сабақтың ортасында оқушыларды топқа бөлуден бастадым.

Бауырларына байланысты 4 топқа бөліну (Ағасы, інісі, әпкесі, сіңлі-қарындасы барлар)

Топқа бөлінгеннен кейін оқушыларға оқу мақсаттары мен бағалау критерийлері хабарланады. АКТ мүмкіндіктері арқылы «Әпке» драмасынан үзінді көрсетіледі. Үзіндіні көрсету арылы оқушыларға жетелеу сұрақтары қойылады. Бейнероликтен қандай іс-әрекеттерді көріп отырсыңдар? Бауырлар арасындағы диалогтың деңгейі қандай?