Сабақта интербелсенді әдістерді тиімді қолдану жолдары

Интербелсенді әдістерді сабақта тиімді қолдану

Солтүстік Қазақстан облысы Есіл ауданы «Белгілі ақын Есләм Зікібаев атындағы Өрнек негізгі

мектебі» КММ музыка пәнінің мұғалімі Рахимова Замзагуль Талапкеровна

«Ұстаздың биігі ойлана қарасаң биіктей береді, үңіле қарасаң, тереңдей береді, қол созсаң қарсы алдыңда, айналсаң артыңда тұрғандай» — деп Сократ айтқандай Егеменді еліміздің білім саласында өзгерістер енгізіп, жаңа талаптар қойылып отыр. Жаңаша форматтағы сабақтар өткізу арқылы оқушылардың сабаққа деген қызығушылықтарын одан әрі дами түседі. Үйрете отырып, үйренуге дағдылану; бағыт-бағдар беруде түрлі амал-тәсілдерді қолдана білетін деңгейге жету; мұғалім — оқушы — ата-ана арасындағы қарым- қатынастың ынтымақтастығын құра алатындай жағдайға жету — негізгі мақсат.

Қазіргі білім беру тұжырымдамасының талабында мұғалім мен оқушының қарым-қатынасы түбегейлі өзгеріп, «мұғалім - ұйымдастырушы, бағыттаушы», ал «оқушы -ізденуші, белсенді» субьектіге айналуы тиіс. Оқушыны белсенді тұлғаға айналдырудың жолдары қандай? Бүгінгі ақпараттық техниканың жаңару заманында оқушының белсенділігін арттыруда кеңінен орын алатын технологиялардың бірі – интербелсенді әдістер.

Интербелсенді әдіс дегеніміз — сабақ барысында оқушылардың өз арасындағы және мұғалім мен оқушы арасындағы кез келген мәселенің шешу жолын және бұл шешімнің қаншалықты дәрежеде тиімді екенін талқылау түрінде жүргізілетін жоғары деңгейде өтілетін өзара әрекеттестікпен өтуін айтамыз. Мұндайда қойылған проблеманың жауабынан гөрі, оны шешу үдерісіндегі әрекеттің маңызды екенін түсіну керек. Интербелсенді әдістің мақсаты тек ақпарат беру ғана емес, оқушылардың өздігінен жауап іздеу дағдыларын қалыптастыру. Интербелсенді әдіс өзара әрекеттестіктің алуан түрлері мен міндеттерін қамтиды. Бірақ, қандай әдістер мен тәсілдер қолданылса да, оқушының өмір тәжірибесі мен бұрын меңгерген ұғымдары негізгі білім көзі болып табылады. Ол әрекет мына төмендегі қарым-қатынаста байқалады:

1. Мұалім мен- оқушының арасындағы қарым-қатынас (мұғалімнің сұрақтарына жауап бергенде); 2. Сабаққа қатысып отырған өзге адамдармен арадағы қарым- қатынас; 3. Басқа оқушылармен (жұптасқан жұмыс барысында) қарым- қатынас; 4. Шағын топтармен арадағы қарым-қатынас (3-5 оқушы арасында);