Сәбит Мұқановтың Жылқы шығармасына ашық сабақ, 4 сынып

Сабақ: С. Мұқанов «Жылқы»

Мектеп №101

Мерзім: 10.03.2016.

Оқытушының аты- жөні:Абуова Алима

Сынып: 4 «Г»

Қатысқан оқушылар саны- 24

Қатыспағандар саны-0

Осы сабақтың оқу мақсаттары

С. Мұқановтың « Жылқы» әңгімесімен танысу.

Сабақтың мақсаты

Барлық оқушылар: С. Мұқановтың « Жылқы» атты әңгімесінің мазмұнын түсінеді және әңгіме авторы жайлы мәліметтер біледі.

Оқушылардың көпшілігі: Мәтін мазмұны бойынша сұрақтар қояды және сұрақтарға жауап береді, жылқы туралы алған білімдерін пысықтап, талдау жұмыстарын жүргізеді.

Кейбір оқушылар: Мәтіннен алған әсерін әңгімелей алады. Алған ақпараттарды өмірде пайдалана алады, өлең мағынасына қарай ұйқас таба біледі. Тақырып бойынша өз пікірін білдіреді және оны дәлелдей алады.

Тілдік мақсаттар

Оқушылар

Ауызекі сөйлеуде теңеу, салыстыру сөздерін қолданады. Әңгімеден алған әсерін, өз сезімін білдіре алады.

Пәндік лексика және терминдер: Жылқы- конь (лошадь), қымыз-кумыс,

Диалогқа/ жазылымға қажетті сөз тіркестер:

-Әңгіме не туралы?

-Әңгімеде жылқының аналық мейірімі туралы не айтылады?

-Әңгіме оқып шыққанда қандай сезімде болдың?

- Батырлар жырындағы жылқының қандай қасиеттерін білесіңдер?

Осыған дейін меңгерілген білім

Ә. Тәжібаев «Жарық түнде жайлауда»

Жоспар

Жоспарланған уақыт

Жоспарланған жаттығулар (төмендегі

ескертпелерді өзіңіз жоспарлаған

жаттығулармен алмастырыңыз)

Дерек көздер

Басы

0-3 минут

4-7 минут

8-10 мин

Топтастыру

Наурызда айтылатын тілектер: Ұлыс оң болсын! Ақ мол болсын! Қайда болса, жол болсын! Төрт түлігің ақты болсын! Ұлыс бақытты болсын!

Сүттен жасалған тағамдар: қымыз, шұбат, май, құрт, ірімшік, сүзбе.

Ұлттық ойындар: алтыбақан, көкпар, бәйге, күрес, теңге ілу, қыз қуу

Наурыз көжеге қосылатын дәнді дақылдар: тары, бидай, жүгері, сұлы, қарақұмық, күріш

Үй тапсырмасын сұрау.

« Шеңберге тұру» әдісі

Шарты: Оқушылар 1-2 санамаланып кіші және үлкен шеңберге тұрады, бір-біріне өткен тақырып бойынша өлеңді мәнерлеп оқып береді.

(Оқушылар бір-бірін бағдаршам арқылы бағалайды)

Зейінін шоғырландыру «Математикалық амалдарды орындау арқылы шыққан сөзді тап:

ЖЫЛАН+ҚАЛА- АНА-АЛ+Ы

Қандай сөз шықты балалар?

Бүгінгі сабағымыздың тақырыбы не болады деп ойлайсыздар? Болжам айту( 2 мин)

Жылқы –қазақтың төрт түліктің төресі, орысша оны конь не лошадь деп аударсақ, ағылшынша ------ болады.

Жылқы туралы біз не білеміз?

«Дейін- кейін» кестесін толтыру (2 мин)

Дейін

Кейін

Қима қағаздар

Бағалау текшесі

Кесте

«Дейін- кейін» кестесі

Ортасы

10-12 минут

Бүгін біз С. Мұқановтың «Жылқы» әңгімесін оқып, танысамыз. Шығарма авторы туралы мағлұмат беру.

ЖАЗУШЫМЕН ТАНЫСАЛЫҚ

Бүгінгі өтетін тақырыбымыздың авторы жазушы Сәбит Мұқанов. Сәбит Мұқанов 1900 жылы Солтүстік Қазақстан облысында, Жамбыл ауданында туған. Қазақтың аса көрнекті жазушысы, қоғам қайраткері. Оның «Өмір мектебі»,»Ботакөз»,»Ақ аю»,»Балуан Шолақ» т. б. көптеген шығармалары бар.

Алдымен мәтінде кездесетін қиын сөздермен танысайық;

Бетегелі жазық- беті тегіс немесе сәл толқынды болып келетін жердің үлкен алапты алып жатқан формасы

Тебіндегі жылқы - қарды теуіп, қар астындағы шөпті жеу.

Қос - көшіп қонуға ыңғайлы, тігуі, жығуы оңай баспана.

Қаужалап- тояттап, тойынып

Оттауға кірісті- шөп жеуге кірісті

Мәтінмен жұмыс

1. Мәтінді іштей оқу

2. Топта ой бөлісу

3. Әңгіме не туралы?

-Сендерге ұнады ма?

4. Тізбектей оқу (1 топтан 2 бала оқиды)

Бейнежазба

Жылқы ежелден қазақ батырларының- қанаты . « Жылқы- ер қанаты» деп тегін айтылмаған. Жаугершілік заманда атқа мінген батырлар бір-бір атқа мініп ел қорғаған . Қазір де әскери қызметте таулы аймақта шекара күзетіне ат мінеді. Жылқы –киелі көк пырақ . Елімізің Елтаңбасындағы Қос Тұлпар -осы киелі пырақтар.

Енді мәтін бойынша жұмыс жасаймыз.

Топтық жұмыс

1. «Тақырыптың түйінді сөздері» әдісі арқылы берілген сөздердің арасынан мәтінге қатысты сөздерді тауып, оқулықтан сөл сөздер кездесетін сөйлемдерді тауып оқу.

2. «Екі жақты түсіндірме күнделігі» Мәтіннен өзіне ұнаған немесе таңқалдырған тұстарын айтады және оның себебін түсіндіреді.

3. Ат әбзелдерін жапсырмалау, атын атау.

4. «Ақауы бар мәтін» Өлең жолын толықтырып, ұйқасын табу

«Екі жұлдыз, бір ұсыныс » арқылы бағалау.

Сергіту сәті

Жылқыны шақырудың өзіндік ерекшеліктері:

топ: Биені сауу үшін шақырамыз: құрау- құрау

топ: Жылқыны ұстау үшін айтамыз: моһ- моһ

топ:Жылқының үстіне ер салып мінгенше қозғалмай тұру үшін: тәк- тәк

топ: Жылқыны арба мен шанаға жеккенде тоқтату үшін: тыр-р-р

Жұптық жұмыс

1-жұп. Жылқының жасына қарай аталуы

1 жаста- құлын, 2 жаста- тай, 3 жаста- құнан, 4 жаста- дөнен, 5 жаста бесті.

2- жұп Сәйкестендіру тесті

«Тұлпардың иесін тап» Сәйкестендіру тесті.

Қобыланды батыр Тайбурыл

Ер Тарғын -- Тарлан

Алпамыс ---- Байшұбар

Қамбар --- Қарақасқа

Бөген -- Шұбар ат

Ақан сері --- Құлагер

3- жұп Мақалды жалғастыр

Жылқының сүті- шекер, ..... (еті бал)

Жүзден жүйрік, ........ (мыңнан тұлпар)

Жақсы ат- жанға серік, жақсы ит ..... (малға серік)

Ат тұяғын ... (тай басар)

Дайын жауап үлгілері арқылы өзара жұпта бағалау (Смайликтермен бағалау)

Балалардың білгеніне қосымша ақпарат беру

Жылқының сол жақ қабырғасы оң жағынана артық болады. Санап көр, егер екі жақ қабыррғасы тең болса, мұндай ат жүйрік болады, басқа аттарға жеткізбейді.

Осы алған білімімізді қорыта отырып, мына суреттерді біздің сабағымызбен қалай байланыстырар едіңдер?

Дәрі- дәрмектер

Екі дос немесе асыл текті бекзадалар

Көлік (машина)

Арыстан суреті

Басбармақпен бағалау

Арыстан – аң патшасы. Жылқы мал патшасы

Сәбит Мұқановтың суреті, шығармашылығы

слайд

Суреттер

«Екі жұлдыз бір ұсыныс» бағалау парақшасы

бейнежазба

А-3 форматы

Ат әбзелдері

Қима суреттер

Кесте

Бағалау текшесі

Соңы

Рефлексия

«Дейін- кейін» кестесінің толтыру

Дейін- кейін кестесі

Қосымша ақпарат

Дифференциация- көбірек қолдау

Көрсету үшін сіз не істейсіз? Қабілеті жоғары оқушыларға қандай күрделі тапсырма бересіз?

«Ақауы бар мәтін» әдісі бойынша жұмыс шығармашылық жұмыс, яғни оқушылар өз ойынан тиісті сөздерді өлең ұйқасына байланысты тауып қояды.

Пәнаралық байланыс

Қауіпсіздік ережелері

Орыс тілі, ағылшын тілі, дүниетану

Жылқы және де басқа үй жануарларымен қарым- қатынас жасағанда қауіпсіздік ережелерін сақтау

Рефлексия

Сабақ мақсаттары / оқу мақсаттары қолжетімді болды ма?

Бүгін оқушылар нені үйренді?

Оқыту ортасы қандай болды?

Оқушыларға дифференциация тиімді болды ма?

Мен өз уақытымды тиімді пайдалана алдым ба? Мен жоспардан қандай ауытқулар жасадым және неге?

Мен жоспарыма қандай өзгерістер енгіздім және неліктен?

Сабақтың және оқу мақсаттары қолжетімді болды.

Бүгін оқушылар «Жылқы» мәтінімен танысты және мәтінмен жұмыс істеуді үйренді.

Оқыту ортасы қолайлы болды. Оқушылар еш қобалжымай өз пікірлерін айтып, өздерінің алған білімдерін топтық және жұптық жұмыстарда көрсете білді.

Мен өз уақытымды тиімді пайдалана алдым. Өз жоспарлаған жұмыстарымды толық үлгеріп орындай алдым.