Сабыр түбі сары алтын ашық сабағы

Өзiн-өзi тану сабағының жоспары

Тақырып: Сабыр түбі – сары алтын

Құндылық: Дұрыс іс - әрекет

Қасиеттер: Сабырлылық, ақылдылық, ұстамдылық Мұғалiм: Ахмешова А.К.

Сынып 4«Ә»

Сабақтың тақырыбы: Сабыр түбі – сары алтын

Сабақ мақсаты:

Міндеттері:

- Сабырлы, ұстамды болудың маңыздылығын түсіндіру; - Жағымды қарым – қатынас жасау іскерліктерін дамыту; - Ізеттілікке тәрбиелеу.

Сабақ түрі: дәріс сабақ

Ресурстар:

Кітап, дәптер, нақыл сөздер, интербелсенді тақта.

Сабақтың барысы:

І. Ұйымдастыру кезеңi.

1) Тыныштық сәтi.(5 мин)

Тыныштық сәті Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

2)Үй тапсырмасын тексеру.(5 мин)

- Төзім, табандылық дегенді қалай түсінесіңдер?

- Сендерге төзімділік, табандылық бойынша үлгі – өнеге болатын қай сала адамдары?

- Өз бойыңнан осы қасиеттерді сезіндің бе?

- Сендердің төзімділік пен табандылық танытқан кездерің болды ма? Естеріңе түсіріп айтып беріңдер.

- «Төзімді жан мойымас», «Төзген жетер мұратқа»

деген өлең жолдарын қалай түсінесің?

- Табандылыққа жетудің неше жолы бар?

- Табандылық пен төзімділікке байланысты қандай түйінді ойлар білесіңдер? Табандылыққа жетудің жолдары:

Еңбектеніңдер!

Қиындықтан қашпаңдар!

Бастаған істеріңді аяғына дейін орындаңдар!

Мақсаттарыңа жете біліңдер!

Ұстамды болу;

Ашушаң болмау;

Өзіңді – өзің меңгере алу;

Сабар сақтау;

Сөз бен істе әділ болу.

Сабақ барысын талқылау:

Оқушылардың емін – еркін дұрыс отыруын қадағалау

ІІ. Дәйексөз.

Асығыс түбі өкініш, ойланып алмақ – сабыр сол. Абай Құнанбаев Түйіндеме

Данышпан атаның ақыл-кеңесі арқылы ойларын түйіндейді.

Сабырлы, ұстамды болуды үйреніп алыңдар!