Сабыр түбі сары алтын тақырыбындағы әдеби материал

Тақырыбы: Сабыр түбі - сары алтын Күні:12.02.2016 Сыныбы:4 «б»

Мақсаты: Берілгентақырып бойынша сөйлету, өзгелердің пікірін тыңдай білуге үйрету; сөздік қорларын байыту, адамгершілік қасиеттерін бойларына дарыту, сабырлы болуға шақыру.

Ұйымдастыру бөлімі

Кісілік қасиет жеке адамдардың ақыл-парасатынан өмірге көзқарасынан туындайды. Адам белсенділігі артқан сайын қасиеттер жинақталып, әркімнің кейпін, мінезін көрсетеді. Мінезділік –кісілікке көтерілудің бір жолы. Мінез – киелі қасиеттердің жиынтығы. Адам мінезінің аса бір көркем түрі –сабырлық. Адам баласының бойында оны дәл сабырлылық тәрізді керемет етіп көрсететін мінез кемде-кім. «Сабыр түбі – сары алтын», «Сабырлы жетер мұратқа, сабырсыз қалар ұятқа» деген қанатты сөз тегіннен-тегін айтылмаса керек. Күнделікті өмірде адамдар бір-бірін болмашы нәрсеге ренжітіп алып жатады, ашуланып, асығыс істер жасап жатамыз. Соңынан опынып жататын кездер де болады. Ал осындай жағдайларға тап болмаудың жолы – сабырлы болу. Ал сабырлы болу қиын ба? Бүгінгі пікір таласымыз осы сұрақтың төңірегінде болмақ.

Негізгі бөлім

Сабырлылық дегенді қалай түсінесіңдер?

Оқушы: Сабырлылық адам бойына туа біткеннен дариды

Оқушы: Тәрбиелеу жолымен келеді.

Мұғалім: Олай болса туа біткен дегендеріңіз бір топ, тәрбиеден дегендеріңіз екінші топқа бөліне қоялық. Енді ойымызды толықтырайық.

Бүлдірген мен Күлдіргеннің бір-бірін мазақтауы.

Ән. «Дос болайық бәріміз»

Мұғалім:Сабырлы болу қиын деген пікірмен келіп отырған топқа сөз берейік.

Оқушы: Адамның бір қасиеті – мінез деген. Қазіргі кезде адамдар тез ашуланшақ болып келеді. Егер адам ашуланшақ, ызақор болса, олардың сабырлы болуы қиын сияқты. Бұл менің ойым әрине.

Оқушы: Мен де осы пікірге қосыламын. Қазір қай жерге барсақ та бір-бірінің сөзін көтермей, кез-келген нәрсеге ашуланып журген апаларымыз бен ағаларымызды көреміз. Ал, біздер соларға, яғни улкендерге қарап өсеміз, мінездерін қайталаймыз. Ондай адамдардың сабыр сақтауы қиынға соғады деп ойлаймын.

Оқушы: Мен негізі адам өте сабырлы, салмақты, қарапайым болу керек деп ойлаймын. Неге сондай болуға ұмтылмасқа?

Мұғалім: Ал енді сабырлы болу оңай, ол тек адамның өзіне байланысты деген пікірмен келіп отырған топқа сөз берейік.