Шәмші аға туралы мәдени-танымдық материал

Шәмші аға

Құйрықты жұлдыз секілді

Туды да көп тұрмады

Көрген білген өкінді

Мін тағар жан болмады

Ғ.Құрманғалиев

Қазақ даласын әнмен тербеткен Ш. Қалдаяқовтың тағдыры мен ғұмырына осы төрт жол өлең түгелімен арналғандай. Оның әндерінсіз ешбір мереке де, ешбір той-думан да өтпейді. Оның әндерін еңбектеген баладан бастап, еңкейген кәріге дейін шырқайды. Ал «Шәмші аға» деген сөз «Ән аға» деген сөзбен тұтасып, синоним болып кеткелі қашан…

Шәмші Қалдаяқов – аса көрнекті сазгер, ән жырының майталманы, Қазақстан мәдениетіне еңбегі сіңген қайраткер, осы заманғы қазақ эстарадасының негізін салушылардың бірі, Қазақстанның халық әртісі. Шәмші Қалдаяқов – Шымкент облысы, Отырар ауданында 1930 жылы 15 тамызда дүниеге келген. Оның әндері республикамыздың қай өңірі болмасын жиі айтылып, ән сүйер қауым арасына барынша кең тараған. Ән өнерімізде жарық жұлдыздай сәуле шашып, айрықша із қалдырған Ш.Қалдаяқов күллі қазақ халқының ұлттық мақтанышы, сазгердің серісі.

Шәмші Қалдаяқовтың әндері ғажайып саздылығымен, сылдырап аққан бұлақ суындай тап-таза сыңғырымен, лирикалық наздылығымен ерекшеленеді. Оның шығармашылық жағынан сіңірген еңбегі қазақ эстрадалық әндерінің әуенін ұлттық нақышпен құнарландаруында, яғни халықтық қайнармен қабыстыруында жатыр. Шәмші Қалдаяқов артында мол музыкалық мұра қалдырды.

«Рухани жаңғыру» бағдарламасының «Жаһандық әлемдегі заманауи Қазақстандық мәдениет» арнайы жобасының аясында Шәмші Қалдаяқовтың 90 жылдық мерейтойына орай №10 селолық модельді кітапханасы Қалалық Сазды мәдениет үйімен бірігіп «Ән аға – Шәмші аға» атты онлайн концерт өткізді. Концертте біраз әндері шырқалып, өмір жолы туралы слайд көрсетілді. Кітапхана Шәмші Қалдаяқов туралы кітап көрмесін ұйымдастырып, әлеуметтік желі арқылы көрермендерге ұсынды.

Табиғаты ерекше дарын иесі, дара тұлға Шәмші Қалдаяқовты қазақ даласы есінен шығармас. Өзі өмірден өтсе де, әні мәңгілік қазақ халқының жадында сақталады.

Сүйікті халқын ән бесігіне, вальс ырғағына бөлеген аса белгілі сазгерді есте алу оның әндерін жасөспірімдерге насихаттау мақсатында №9 Пригородный селолық кітапхана Шәмші Қалдаяқовтың 90 жылдығына орай және композитордың шығармашылығын насихаттау барысында «Вальс падишасы» джем-сайшен ақпарат өткізді. Шара барысында Ән өнерімізге жарық жұлдыздай сәуле шашып,айрықша із қалдырған, «Вальс падишасы» атанған Шәмші Қалдаяқовтың…