Салауатты өмір салты тақырыбында 10 сыныпқа ашық сабақ

Өзін - өзі тану пәнінен сабақ жоспары

Мектеп: «Кішішыған орта мектебі мдшо» кмм Күні :27(28).11.2018ж № 14

Тақырып: Салауатты өмір салты

Құндылық : дұрыс әрекет

Қасиеттер: тазалық, ұқыптылық, жауапкершілік

Мұғалiм: Бейсебаева А.Е. Сынып: 10а,10ә

Сабақтың мақсаты: Салауатты өмір салтын ұстанудың мәнін аша отырып, дұрыс әрекет құндылығының өмірдегі маңызын түсіндіру.

Міндеттері:

Салауатты өмір салтын ұстану дұрыс әрекет екендігін түсіндіру;

Оқушылардың бойында сүйіспеншілік, тазалық, ұқыптылық, жауапкершілік қасиеттерін дамыту;

Құмарлықты тыя білуге, қоғамға риясыз қызмет етуге, әлеуметтік және азаматтық жауапкершілікке тәрбиелеу.

Ресурстар: оқулық, үн таспа

Сабақ барысы:

Ұйымдастыру кезеңi.

5 «Т» ережесі

Тәртіп

Талап

Тыныштық

Тазалық

Татулық

Тыныштық сәті

Нұрға бөлену

Ыңғайланып отырыңыздар! Денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: күн нұры сіздің төбеңізден өтіп кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойңызды, әр сезіміңізді, эмоцияңыз бен тілек қалауыңызды шайып, жүрегіңіздің хауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп сәуле шашуда. Қолыңыз тек жақсы ізгі істер істейді және баршаға көмектеседі. Нұр аяқтарыңызға тарады, аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға т

Нұр бірте бірте қарқын және шұғыланы бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... ғаламның барлық түкпір-түкпіріне нұр бағыттаңыз.…