Санның модулі бойынша 6 сынып сабақ жоспары

Cыныбы: 6 сынып

Сабақ тақырыбы: Cанның модулі.

Сабақ мақсаты: Оқушылардың білім-білік дағдыларын қалыптастырып, өткен тақырыптар мен жаңа тақырып бойынша байланыс жасап, ұқсастықтары мен айырмашылықтарын ажырата білуін және теориялық алған білімдерін, практика жүзінде ұштастыра білуін қамтамасыз ету,

Білімділік: Оқушыларға санның модулін табуға есептер шығарту арқылы, олардың дұрыс та, шапшаң, тиімді жолмен шығару тәсілдерін қамтамасыз ете отырып, дағдыландыру.

Тәрбиелік: Оқушыларға патриоттық, адамгершілік, ұлттық және эстетикалық тәрбиеге баули отырып, шапшаңдық пен ұқыптылық, ұстамдылыққа тәрбиелей білім беру;

Дамытушылық: Оқушы білімін тақырыпқа сай және оқулықтан тыс қызықты да , тың мәліметтермен, қосымша дидактикалық құралдар, логикалық есептер, карточкалық есептермен қызықтыра отырып, білімдерін артыру, оқушылар арасында бәсекелестік тудырып, осы арқылы білімдерін дамыту;

Сабақтың пәнаралық байланысы: Геометрия, физика, логика, т.б.

Сабақтың түрі: Жаңа сабақ жүйесі.

Сабақтың әдісі: Түсіндіру, сұрақ-жауап;

Көрнекіліктер: Қима қағаздар, плакаттар, кеспе қағаздар, т.б.

Сабақ жоспары:

І. Ұйымдастыру кезеңі

а) Кезекшіні анықтау;

ә) Оқушыларды түгелдеу;

б) Қатар бойынша оқушыларды нұсқаға бөлу

ІІ. Үй тапсырмасын тексеру;

а) Үйге берілген № 326, 327 есептерді шығару жолдарын тексеріп шығу;

ІІІ. Жаңа тақырыпты түсіндіру.

а) Тапсырмалар беру;

в) Сергіту сәті. (логикалық есептер шығару)

ІV. Сабақты бекіту;

а) Сұрақ-жауаптар алу;

ә) Түсінбеген сұрақтарға оқушылармен бірге жауап іздеу;

V. Үйге тапсырма беру;

VІ. Оқушыларды бағалау;

Сабақ барысы:

Оқушылармен сәлемдесіп, кезекшіні анықтап, оқушыларды түгендеймін. Үйге берілген № 337, № ААТ есептерді тексеріп, түсінбеген, қате шығарған оқушыларға есепті қайта пысықтатамын.

Тапсырма беру арқылы оқушылардың жаңа тақырыпқа алып келемін:

Жаңа тақырыпты түсіндіремін:

1-тапсырма:

Үй санақ басында орналасқан. Бірлік кесіндіні 1 м тең деп алып, иттің жатқан орнына және ағаштың өсіп тұрған орнына координаталарын жазыңдар.

Иттің де, ағаштың да үйден ара –қашықтықтары бірдей ме?

Иттің үйден ара-қашықтығы неше метр? Ағаштың үйден ара-қашықтығы неше метр?

Осы ара қашықтықтарды өрнектейтін сандардың ұқсастығы неде, айырмашылықтары неде?

Электрондық оқулық арқылы түсіндіремін:

Тұрмыста кейбір шамалардың (ұзындықтың, массаның, температураның) өзгерістерінің сан мәні ғана жазылады.

Модуль латынша modulus – қазақша «мөлшер» деген мағынаны білдіреді. Кейбір жағдайда «модульдің» орнына абсолюттік шама деп те атайды.

Санның модулі дегеніміз координаталық түзудегі санды кескіндейтін нүктенің санақ басынан (бірлік кесінді есебімен алынған) қашықтығы.

Ара қашықтығы оң санмен немесе нөл санымен жазылатыны белгілі. Онда санның модулі координаталық түзуде берілген санды кескіндейтін нүктенің санақ басынан қашықтығы болғандықтан, модуль теріс санмен жазылмайды.

Координаталық түзуде 0 санын кескіндейтін нүкте санақ басымен беттеседі. Онда І0І = 0.

Нөл санының модулі 0-ге тең.

Теріс санның модулі оған қарам қарсы санға тең.

Оң санның модулі сол санның өзіне тең.

2-тапсырма:

-3 саны мен 3 саны қандай сандар? Олар санақ басынан қандай қашықтықта жатыр?

-6 мен 6 саны ше? Олар санақ басынан қандай қашықтықта жатыр?