Сары мысық сурет салу конспектісі балабақшаға

«Еркетай» ортаңғы тобындағы ұйымдастырылған оқу қызметінің конспектісі

Білім беру саласы: «Шығармашылық».

Кіші сала: «Сурет салу».

Тақырыбы: «Сары мысық» (қатты, жартылай құрғақ қылқаламмен түрту)

Мақсаты: Балаларды қатты қылқаламмен түрту әдісімен сурет салуды таныстыру, сурет салу кезінде қылқаламды дұрыс ұстау шеберлігін меңгерту. Үй жануарлары туралы білімдерін молайту және оларды жақсы көруге тәрбиелеу. Балалардың бейнелеу өнеріне деген қызығушылықтарын дамытуды жалғастыру.

Қос тілдік компонент: мысық –кошка, көз – глаза, құлақ – уши, құйрық – хвост.

Көрнекілктер: қарындашпен сурет сұлбасы салынған ақ түсті қағаздар, қызғылт-сары түсті гуашь, қылы қатты, қара түсті қылқалам.

Ұйымдастырылған оқу қызметінің барысы

1.Ұйымдастырушылық кезеңі

Жұмбақ шешеміз:

«Өзі жап-жас, мұрты бар,

Ет пен сүтке ұмтылар.

Тастамайды жылы үйде,

Түкті тонын киіп ап»

Ойыншық мысық пайда болады. Ол өзі және басқа да мысықтардың түрлері туралы айта бастайды. Ол:

«Мысықтың әлемдегі орны ерекше. Мысықтар жалғыз болмайды. Олардың түр-түстері, жүндері мен көздері әрқайсысында әртүрлі болады. Жүні қалың, қысқа жүнді т.б. Мысықтың түрлері өте көп»

Ал сендер әдемі, үлпілдек, үлкен мысықтың суретін салғыларың келе ме?

2. Негізгі бөлімі

- Балалар, біз сурет салуды бастауымыз үшін алдымен, мысыққа жан-жақты қарап алайық.

- Мысықтың дене мүшелерін атайықшы?

Мысықтың ең үлкен дене мүшесі қайсы?

-Оның көлемі қандай болады?

-Тағы қандай дене мүшесін айта аласыңдар?

-Ол қандай көлемде т.б.

Қос тілдік компонент:

мысық –кошка, көз – глаза, құлақ – уши, құйрық – хвост.

Қарау

Балалар, үстелдің үстінде қарындашпен сызып, салынған қағаздың парақтары жатыр. Оларды бояу керек, бірақ, ерекше әдіс – қылқаламмен түрту. Қызыл-сары түсті бояуға қылқаламды аздап батырамыз да, мысықтың суретін бояймыз.

Сурет кепсін, содан кейін оның көзі мен мұртын саламыз.

Бейнелеу өнері барысында балаларға қиындық болса,

сөздік әдіспен көмек беремін.

Балалармен жекеше жұмыстар жасау.

Сөздік көмектер арқылы суреттің салынбаған бөлігін саламыз.

3. Қорытынды

Балалар, сендер қандай әдемі сурет салдыңдар, Суреттерің өте тамаша болып шықты. Маған сендердің салған суреттерің қатты ұнады. Біз осы суреттерді ертегі әлеміне жібереміз!