Сарымсақ туралы ғылыми жұмыс бастауыш сыныпқа

Түйін

Сарымсақ – денсаулыққа пайдалы . Сондықтан да әрбір адамзат кеңінен асқа, медицинада пайдалануға болады.

Мазмұны

1. Алғы сөз.

2. Мақсаты, міндеті.

3. Кіріспе

4. Негізгі бөлім

5. Қорытынды.

6. Пайдаланылған әдебиеттер.

Алғы сөз

Қазіргі кезеңдегі білім беру ісінің негізгі нысаны – жас ұрпақтың біліктілігін қалыптастырып қана қоймай, олардың бойында ақпаратты өздері іздеп табатын және талдай алатын, сондай-ақ ұтымды пайдалана білетін жылдам өзгеріп жатқан бүгінгі дүниеге лайықты өмір сүріп, қызмет жасауға қабілетті тұлғалық қасиеттерді қалыптастыру болып отыр.

Ғылымның жедел түрде дамуы, техникалық прогресс, қазіргі заман талабы бастауыш сынып оқушыларының жан-жақты терең ойлау қабілеттерін арттырып отыр.

Сондықтан бәсекеге қабілетті шығармашыл тұлғаны қалыптастыру үшін зерттеу- ізденушілік жұмыстарды бастауыш сыныптан бастау қажет.

Осы орайда мектебімізде оқушыларды танымдық іс-әрекетке баулу негізінде жан-жақты тәрбиелеу мақсатында бастауыш сынып оқушылары арасында зерттеу жұмыстарын ұйымдастыру жолға қойылған.

Мақсаты:

Күнделікті өмірде адамзат кеңінен асқа ,медицинада пайдаланатын сарымсақтың адам өміріндегі алатын орны мен маңызын саралап, зерттеу жұмысын жасау.

Міндеті:

Сарымсақтың тұрмыста пайдалануы туралы деректерді тауып, практика жүзінде пайдалану.

Сарымсақтың маңыздылығын ашуға өзіндік үлес қосу.

Оқушыны ізденушілікке баулу, зерттеу дағдысын үйрету.

Қоршаған ортаны танып, білуге құштарлықтарын арттыру.

Оқушыны қоршаған ортамен таныса отырып, өзіндік зерттеу әрекетінің көмегімен жаңа білімді дайын күйінде емес, өзі ашуға ұмтылту.

Кіріспе

Сарымсақ- пияз тұқымдастарына жататын шөп тәріздес өсімдік. Отаны – Шығыс Азия.

Жабайы сарымсақ екі жылдық, ал шаруашылық мақсатында өсірілетін сарымсақ көпжылдық . Сарымсақтың дәмі ащы, иісі өткір.

Сарымсақты өнімі жер астында өседі. Жер құнарлы әрі жұмсақ болса , сарымсақтың көлемі үлкен болады.Сарымсақтың өнімі бірнеше кішкене бөлікшелерден тұрады. Жинап алар алдында сарымсақтың жапырағын орап немесе байлап тастаймыз. Сабағы қураған кезде жуасын қазып алып, топырағын сілкіп түсіреміз де сабағынан 2см –дей қалдырып кесеміз. Тамыры мен жапырағын қиып тастаймыз.Сарымсақ температурасы

3 градустан, 0 градусқа дейін құрғақ, қоңыр салқын орында сақталады.

Сарымсақ көп жылдар бойы көкөніс ретінде де , емдік өсімдік ретінде де қолданылып келеді. Сарымсақ құрамында В тобының витаминдері,

С витаминдері және Д витаминдері, йод, май тағы басқа заттар бар. Оның ащы және тәтті екі сорты болады. Ащы сорты Солтүстік және Орталық ендікте , тәтті сорты Оңтүстік кең тараған.

Қазіргі кезде сарымсақтың құрамы ғылыми тұрғыда анықталып, адам организмі үшін пайдалы екендігі зерттелген.

Сарымсақтың құрамында ауру тудыратын микробтардың көптеген түрлерін жоятын ерекше заттар болғандықтан, ол медицинада да кеңінен қолданылады. Халық арасында сарымсақты көптеген ауруларды емдеуге ертеден пайдаланған.

Жапон ғалымдарының дәлелдеуінше сарымсақ адам миындағы қартаю процессін бәсеңдетеді. Есте сақтау қабілетімен эмоцияға қарсы жауап беретін жасушаларды жақсартады. Көптеген халықтың халық медицинасында маңызды ролге ие – осы сарымсақ.

Қытайдағы халық медициансында ас қорыту жолдарымен тыныс алу жолдарына қатысты ауруларды емдеуге , обаға , тырысқақ індеттерінен қорғану үшін осы сарымсақты қолданылған.

Ал орыс халқы сарымсақты уды кетіру үшін, жылан шаққанда, шипа болу үшін жұқпалы індеттерден сақтану үшін пайдаланған.

Сарымсақтың сырын Давид Мирельман есімді дәрігер ашқан. Сонда ол сарымсақ адам бойындағы ауру туғызатын зиянды микробтарды өз бойына жұтып алуға бейім екендігін айтқан.

Сарымсақ тек науқас адамдарға ғана емес , дені сау адамдарға керек. Осы орайда мен сарымсақты аурудың алдын алу үшін күніне 2-3 түйірін, ал ауруды емдеу үшін 4-6 түйірін жеу керек деп ойлаймын.Қазіргі кезде көптеген адамдар сарымсақтың пайдасын біліп те,білмей де иісіне бола пайдаланбайды.Кейде мен тіпті тамақтың арасынан теріп отыратындарды да көремін.

Осы орайда сарымсақтың пайдасын тереңірек зерттей отырып қандай ауруларға қарсы тұра алатынын насихаттай отырып,осы өсімдікті дұрыс пайдалануды ұсынамын.Сарымсақты пайдалана отырып,сіздер өздеріңізді көптеген аурулардан алдын-ала сақтай аласыздар.

Негізгі бөлім

Әдетте тұмауратқанда не ас мәзіріне жаратарда еске түсетін сарымсақтың емдік шипасы мол.

Бүгінге дейінгі зерттеген ғалымдардың айтуынша,сарымсақтың құрамында 400-ден аса пайдалы компоненттер бар. Бірқатар пайдалары мыналар:

Құрамындағы антиоксиданттардың жағымды емдік қасиеттері мол. Қан қысымын төмендетеді.Қабынуға қарсы.Перифериялық қан тамырлардың бітелуі мен ластануының,сондай-ақ,ми ісігінің алдын алады.

Имунитетті нығайтады,организмді,қоршаған ортаның зиянды әсерінен қорғайды.Ағзадағы бактерияларды өлтіреді.

Асқазан-ішек жолдарына,жүрек-талма ауруларына ем.Микробты болдырмайды жараны тез жазады,ауруды басады,ішек-құрттарды жояды,қақырықты түсіреді.

Авитаминозға өте пайдалы.Оның құрамындағы селен антиоксидантты құрамымен ерекшеленеді.

Сарымсақ қанды тазалайды,ол табиғи антибиотик болып табылады. Ертеде оба ауруына ұшырағандарды емдеуге баратын дәрігерлердің сарымсақ салынған суға батырылған дәкемен жүздерін орап алуы осы себепті деп білінуде.

Сарымсақ суық тиген ауруларға да таптырмайтын ем. Ол жүйке жүйесі бұзылғанда,зәр жолдарын емдеуге,сондай-ақ организмді тазалауға пайдаланады.

Теріге сүйел,теміреткі,сыздауық, қышыма т.б жаралар шыққанда да емге жаратады.

Сарымсақты негізі шикідей жеген пайдалы.Сарымсақтың өткір иісін артынан алманы,жалбыз жапырақтарын,балдыркөкті шайнау арқылы немесе сүт ішумен кетіруге болады.

Швецияда балалар мектепке барарда сарымсақ жегізу қалыпты әдетке айналған.Өйткені,бұл балаларды мешеулікке ұрынудан сақтайды делінген.

Бүгінгі күні дәріханаларда сарымсақтың ұнтақтары мен арнайы дәрілері де халыққа тарауда.Мамандар күн сайынғы тамақта 10-15гр сарымсақ жеп тұрудың денсаулыққа пайдалы екендігін алға тартуда.

АҚШ пен Швеция ғалымдары сарымсақтың молекулалық тұрғыда адам денсаулығына қаншалықты әсер ететінін зерттеді.Нәтижесінде сарымсақтың әсерімен қан тамырлардың кеңейіп,ашылатыны байқалды. Тағы бір ескере кетер жайт,ғалымдардың зерттеуінше сарымсақты жиі қолданатын әйелдер арасында кеуде ісігі дертіне шалдыққандар саны аз кездескен.

Сарымсақ туралы құранда не дейді?

Сарымсақтың Құранда да,хадистерде де айтылатындығына көңіл аударайық.Әр ісі хикметке толы Хаким Раббымыз сарымсақты да адам баласына өте пайдалы етіп жаратыпты.

Алла тағала Мұса пайғамбар қауымын түрлі сынаққа салып,40 жыл шөлде қаңғыртқаны белгілі. «Көктен бізге тамақ түссің» дегенде,оларға үнемі бөдене еті мен мәннә шырыны түсіп тұрған. Бірақ біршама уақыттан кейін әлгі қауым қайтадан баяғы әніне басады.Өздері бұрын көп тұтынған көкөніс түрлерін,жеңсік астарын асайды.Тамақтың бір түрінен жалыққандарын айтып,Мұса пайғамбарға шағымданады.Осы оқиға баяндалғанда,аяттағы көкөністер қатарында сарымсақта аталған.

«Қане,сендер былай деп едіңдер:Әй,Мұса,тамақтың бір-ақ түріне енді төзе алмаймыз.Біз үшін Раббыңа дұға ет,бізге сәбіз,асқабақ,сарымсақ,жасымық пен пияз секілді жер өнімдерінен берсін » депті.(«Бақара» сүресі,61-айт).

Ардақты Мұхаммед пайғамбарымыз төмендегідей бірқатар хадистерінде сарымсақтың өте пайдалы екендігін,оны емге жарату керектігін білдірген:

«Сарымсақ жеңдер,сонымен емделіңдер.Өйткені ол 70 түрлі ауруға ем» «Сарымсақ немесе пияз жеген кісі (иісі кеткенше) мешіттерімізге жоламасын,үйінде отырсын»

Кейде Расулаллаға көкөністен жасалынған тамақ әкелінгенде,алдымен иісін байқап,неден жасалынғанын сұрайтын.Қай көкөніс түрі екенін анықтап,өзі жемейтін болса жанындағы сахабаларының біріне беретін.Әлгі сахабасының сәл тартынғанын байқаса: «Сен маған қарама,же.Өйткені мен сен секілді емеспін,сен сөйлеспейтіндермен (періштелермен) тілдесемін»дейді.

Сарымсақтың пайдасы жайында кеңестер

Қатты суықтап қалган кезде сарымсақты ұсақтап турап,үстіне ыстық су құйып,сосын сонын буымен дем алу керек.