Ш дыбысы мен әрпін меңгертуге арналған ашық сабақ

Мұғалжар ауданындағы психологиялық-

Педагогикалық түзеу кабинеті

ММ кабинеттің

мұғалім –логопед

Алмагамбетова Арайлым Максатовна

Ашық сабақ

Сабақтың тақырыбы: «Ш» дыбысы және әрпіМақсаты:Артикуляциялық жаттығуларды,саусақ қимыл,тыныс алу жаттығуларын жасай отырып «ш» дыбысының дұрыс артикуляциясын анықтау. «Ш» дыбысын дұрыс, анық дыбыстауға үйрету. Ойлау, есте сақтау, елестету, зейін қою қабілеттерін, сөздік қорын дамыту.

Сабақтың міндеттері:

Баланың ұсақ қол моторикасын, тыныс алуын, сөйлеу мүшелерінің қимыл-қозғалысын дамыту.

Фонематикалық естуін арттыру.

Ойлау қабілеттерін жетілдіру.

Байланыстырып сөйлеуін, сөз қорын дамыту.

Көрнекілігі: айна, «Ш» дыбысының артикуляциясы, артикуляциялық жаттығулар, жәндіктердің суреті, слайд.

САБАҚ БАРЫСЫ:

1. Мотивациялық - қозғаушылықҰйымдастыруЖылулық шеңберіҚайырлы күн, досым,Қайырлы күн болсын!Күлші, кәне, досымБүгінгі күн міне,Сәттілікке толсын.Біздің алар бағамыз,Тек бестіктер болсын!

2.Ұйымдастыру – іздестіру

Жаңа материалдың тақырыбы мен мақсатын хабарлау.Бүгінгі жаңа тақырыпты таныстырмас бұрын мен сендерге бір шумақ өлең оқып берейін, осы өлеңнен бүгінгі біздің танысатын жаңа дыбысымыз жиі естілетін болады. Олай болса, мұқият тыңдаңдар және қандай дыбыс туралы айтқанымды тауып көріңдер.

Шоршиды шортан, шорағай,Шабақ аулап шағала.Шегіртке қуып Шорабай,Шапқылар шилі жағада.Қандай дыбыс екен?

Дұрыс таптыңдар, блұл өлең жолдарында «Ш» дыбысы жиі қайталанып тұр.

3. Балалар, бүгін біздің сабағымызға «Шырылдауық шегіртке» келіп отыр.

Ол орманда өлең айтып жүріп, қыстың қалай тез түскенін байқамай қалыпты. Қыстық азығын дайындамағандықтан, шырылдауық шегіртке бізден көмек сұрап келіпті. Бүгінгі сабақтың соңында барлығымыз бірлесе отырып, шегірткеге қысқы азығын дайындауға көмектесейік. Шегірткеге көмек беру үшін берілген тапсырмалардың барлығын орындау керек. Егер тапсырмалар орындалмай қалса, шегірткеге көмектесе алмаймыз.

Балалар, бәріміз бірге «Ш» дыбысын хормен айтайық. «Ш» дыбысы қандай дыбыс екен? Әрине, дұрыс айтасыңдар. «Ш» дыбысы – дауыссыз дыбыс.Олай болса жалпы артикуляциялық тіл жаттығуын жасаймыз.

4. Артикуляциялық жаттығу

«Бақа – піл тұмсығы»Бақаға ұқсап күлемінҚұлағыма дейін керемінПіл тұмсығы бар менде,Мен кіп – кішкентай пілмін.«Күрекше» Күрек тәрізді тілді қой Осы қалпында санайық1,2,3,4,5,6,7,8,9,10.

5. Тыныс алу жаттығуы

«Піл тұмсығы»

6. «Ш» дыбысын қою кезеңі

«Ш» дыбысын айтқанда: ерін дөңгеленіп, тістер жанасады, тілдің ұшы жоғарғы тістің түбінде, тілдің екі жағы жоғарғы тіске тиеді.