Шағын жинақты мектепте кіріктіре оқыту туралы мақала, 4 сынып

Шағын жинақты мектептің біріктірілген сыныптарында мазмұны ұқсас тақырыптарды кіріктіре оқыту.

Қазіргі таңда қазақстандық білім беру жүйесіндегі негізгі мәселелердің бірі - шағын жинақы мектептердегі оқу-тәрбие жұмысының сапасын арттыру.

Оқушылардың терең білім алуға ынта-ықыласын арттыру, өзіндік білім алу және алған білімін күнделікті өмірде тиімді пайдалану қабілеттері мен дағдыларын қалыптастыру - қазіргі шағын жинақты мектеп қызметінің басты міндеттерінің бірі. Қосарланған сыныптардағы оқушылардың бағдарлама материалын сапалы меңгеруі олардың өзіндік жұмыстарды орындауымен тығыз байланысты. Мұндай жағдайда мұғалім оқушылардың өздігінен орындайтын жұмыстарын, оған жұмсалатын уақыт пен мұғалімнің басшылығымен жүргізілетін жұмыстардың көлемін анықтап алуға тиіс. ШЖМ-дегі оқушылардың өздігінен орындайтын жұмыстары басым болады да, мұғалім оларға бағыт-бағдар сілтеуші рөлін атқарады.

ШЖМ-те ұйымдастырылатын сабақтың өзіндік ерекшелігі - оқу үдерісін бір мезгілде екі сыныпта бірге ұйымдастыру.Көбінесе қазақ тілі, әдебиеттік оқу, математика, дүниетану пәндері тақырыптарының мазмұны мен көлеміне байланысты қиындықтар туындайтындықтан, біріктірілген сыныптарда сабақты ұйымдастыруды жаңаша құру көзделеді.

Біріктірілген сыныптарды сабақты өткізудің тиімді әдіс-тәсілдерін таңдау,әрі қолдана білудің өзі шеберлікті, ізденімпаздықты қажет етеді.Сондықтан білім берудің формалары мен сабақтың түрлерін өзгертіп отыру керек. АКТ-ны сабақта қолдану оқушының сабаққа деген қызығушылығын, талпынысын, ынтасын оятады. Дыбысты есту, бейнені көру, оны іс-әрекет арқылы іске асыру барысында орындалған жұмыстар оқушы жадында ұзақ сақталады.

Содан соң жаңа сабаққа байланысты жаттығулар мен тапсырмаларды жас ерекшеліктеріне қарай әрбір сыныпқа лайықтап, саралап әрқайсысына жеке орындатылады. Шағын жинақты мектептерде пәндерді кіріктіріп оқыту үшін күнтізбелік жоспарды кіріктіріп құрған тиімді. Бұлай айтып отырған себебім, мен өзім бірнеше жыл бойы біріктірілген сыныпты оқытып жүргендіктен әр пәннен мазмұны жағынан ұқсас тақырыптарды кіріктіре отырып өткізуді жоспарлаймын.

Шағын жинақталған мектептерде пәндерді кіріктіре оқыту, оқушылар әртүрлі сыныпта оқығанымен, олардың назарын бір пәннің мазмұнындағы ұқсас тақырыптарға аударуға мүмкіндік жасалады. Әр оқушы өз деңгейіне қарай өзіндік жұмыс түрлерін орындайды.

Шағын жинақталған мектептерде пәндерді кіріктіре оқытудың мақсаты:

- бірнеше сыныптағы мазмұны ұқсас тақырыптарды кіріктіру арқылы жүйелі білім беру;

- сабақты тиімді әдіс-тәсілдер негізінде ұйымдастыру арқылы мұғалім қызметін оңтайландыру және уақытын үнемдеу;

- әртүрлі жастағы оқушылардың мазмұны ұқсас материалды біріге отырып меңгеруіне жағдай туғызу;

біріктірілген сыныптарда кіріктіре оқытудың тиімді жақтары да бар:

- оқушылар екі сыныпта оқығанымен, олардың назарын бір пәннің мазмұнындағы ұқсас тақырыптарға аударуға мүмкіндік жасалады және сол арқылы білім мазмұнының тұтастығы мен сабақтастығы сақталады;

- оқушылардың жас ерекшеліктеріне және дайындық деңгейіне қарай өзіндік жұмыстар орындауына жағдай жасалады;

- оқушылардың бірін-бірі және өзін-өзі тексеруіне, бағалауына мүмкіндік беріледі;

Біріктірілген сыныптардағы ұйымдастырылған сабақтың құрылымы

3 бөлімнен, 3 кезеңнен тұрады. Олар:

1. Кіріктірілген бөлім. Бағдарлау-мотивациялық кезең.