Шебер қол үйірмесіне арналған сабақ жоспары, 1 сынып

Күні

Шебер қолдар

Тақырыбы: Терезесі бар көңілді ашық хаттар құрастыру.

Мақсаты: Оқушыларға қағаздан, қатырма қағаздарды пайдаланып терезесі бар көңілді ашықхаттар жасауды үйрету. Білімін, ой – өрісін дамыту. Ұқыптылыққа тәрбиелеу.

Сабақ типі: Жаңа білімдерді меңгеру сабағы. Әдісі: Түсіндіру, әңгімелеу

Көрнекілігі: Суреттер, әр түсті қағаз,қайшы,желім, фото.

Сабақ барысы:I Ұйымдасу кезеңі:Сабаққа дайындық

II Мақсатын қою кезеңі:Тақырыбын,мақсатын хабарлау

IIІ Жаңа материалды түсіндіру кезеңі: 1. Ашықхат қандай болуы керек? Әрине көңілді. 2. Сурет бойынша жұмыс 31-32бет. 3. Күн бейнесі көтеріңкі күйден хабар береді. Терезе ашықхаттың жалпы композициясының ішіне кіруі тиіс. Алдымен қалың қағаздан өзімізге қажет өлшемдерді тік төртбұрыш етіп қиып аламыз. Терезенің пішіні мен өлшемдері әр түрлі болуы мүмкін. Дөңгелек терезені циркульмен сыз.1-3 суреттерде көрсетілген ашықхаттарда көбелек, фотосурет ішкі жағынан желімделген. Бейнебір көбелек гүлдерге қарай ұшып бара жатқандай.4-сурет 2-3 суреттердегі композицияның негізінде жасалады. Безендіру барысында аппликация, «оригами» фигураларын және өз шеберлігіңді пайдалануыңа болады.

Сергіту сәттері: Туған күнмен құттықтау ашықхаттарын құрастыр.

ІV.Жаңа материалды меңгергенін тексеру кезеңі: 1.Оқушыларға оқыту: іштей, дауыстап-тізбектей. 2. Сұрақтарға жауап алу. – Қағаз деген не? Қағаз – әр түрлі бұйымдар жасауға ыңғайлы материал. - Қағазды қалай жасайды?

- Қағазбен қандай операцияларды жасай аласыңдар?

Техника қауіпсіздік ережелерін қайталау. (қайшы, пышақ): Қағаз дайындау. (кесу, тесу)

V. Қорыту. Ашық хаттардың түрлерін дайындау

Күні: 22.12

Сынып:4

Шебер қолдар

Тақырыбы: Гофре қағазымен жұмыс.

Мақсаты:Гофре қағазынан гүл шоғын дайындау тәсілін түсіндіру. Білімін, ой – өрісін дамыту. Еңбексүйгіштікке тәрбиелеу.

Гүл шоғын дайындау технологиясы. 1. Құрамақ дайындау мақсатын анықтау. 2. Материал дайындау. 3. Құрал – сайман мен жабдықтарды таңдап алу. 4.Бұйымның композициясы мен құрылымын құру. 5. Құрылымның жекелеген бөліктерін орындау: себет қатырма қағаздан жасалады. 6. Бөліктерді біріктіру: себеттің түбіндегі көк шөпке не ермексазға өсімдік орнықтыру. Себеттің құлағын оның негізіне желімдеп бекіту (құлақты сабаннан өрілген таспадан не қағаз жолағына желімдеп жапсырылған қатырма қағаздан жасауға болады).

Сурет бойынша гүл шоғын құрастыр. Сергіту сәті.

IV. Жаңа материалды меңгергенін тексеру кезеңі: 1. Оқулық бойынша жұмыс

- оқушыларға оқыту: іштей, дауыстап – тізбектей. 2. Сұрақтарға жауап алу

V. Қорытындылау. Гофре қағазынан жасалған әсемдік бұйымдарды бағалау.Оқушыларды мадақтау

Күні

Шебер қолдар

Тақырыбы: Фольгамен жұмыс

Мақсаты: Фольгамен әр түрлі бұйымдарды жасап үйрету. Білімін, ой – өрісін дамыту.Ұқыптылыққа, еңбекке тәрбиелеу.

Сабақ типі: жаңа білімдерді меңгеру сабағы. Әдісі: түсіндіру,әңгімелеу

Көрнекілігі: Суреттер, фольга, біз,қайшы

Сабақ барысы:I Ұйымдасу кезеңі:Сабаққа дайындық

II Мақсатын қою кезеңі:Тақырыбын,мақсатын хабарлау.Фольгамен жұмыс

IIІ Жаңа материалды түсіндіру кезеңі: 1. Фольга деген не? Фольга жұқа парақша немесе таспа, тілше түрінде әр түрлі металдан жасалады. Ол электр техникасы, баспа өндірістерінде қолданады. Тамақ өнеркәсібінде кәмпит, шай, сүт тағамдарын орау үшін пайдаланады.2.Фольгадан не жасауға болады?Жұқа фольгадан ойыншықтар, қалың, қатты фольгадан ашықхат жасауға болады, оған сурет салуға болады.3.Жұқа фольгадан шырша ойыншықтар дайындау тәсілін үйрету.

Сергіту сәті:Жұмыс реті:1.Бұйымның нобайын әзірлеу.2.Домалақшалардың саны мен өлшемдерін анықтау.3.Домалақшалардың саны мен өлшемдеріне сәйкес шаршыларды белгілеп, қию. Домалақшалар жасау.4.Әрбір домалақшаны бізбен тесу.5.Жасалған тесіктен сым өткізу.6.Ұштарынан 3 см сым ілмегін қалдыру.Қалған сымнан алақанын, аяқтың табанын жасауға болады. Бізбен немесе инемен домалақшаның тура ортасынан тесу керектігі есте болсын.Фольга оңай жыртылып, тесіліп, майысып, өзінің пішінін тез өзгертеді. Сондықтан да фольгадан жасалған бұйымдарды ұқыптап ұстау керек.

ІV. Жаңа материалды меңгергенін тексеру кезеңі: 1. Оқушыларға оқыту: іштей, дауыстап-тізбектей 38 – 40 бет.Сұрақтарға жауап алу. - Фольга деген не? Фольга – әр түрлі металдар мен қорытпалардан өте жұқартылып жасалған материал. - Оның қандай түрлері болады? Одан не жасауға болады? 2. Техника қауіпсіздік ережелерін қайталау. (қайшы, пышақ). 3. Фольгадан құлын пішінін құрастыру.

Құлын пішінін құрастырып көрейік. Ол үшін 40 – беттегі сурет бойынша құлын денесінің негізгі бөліктерін анықтаймыз, олар: денесі, аяғы, құйрығы, басы. Жұмсақ фольгадан әзірленген домалақшалар құлын пішінін жасауға қажет бөлшектер бола алады. Домалақшаларды сымға өткіземіз. Олар инемен оңай тесіледі. Көрме ұйымдастыру.

Қорыту:Фольгамен жұмыс түрлерін көрсету

Күні: Сынып:

Шебер қолдар

Тақырыбы: Қаламсаптармен әсемдік бұйымдар жасау Мақсаты: Бұтақтан құрамақтар жасау тәсілін үйрету.Ұқыптылыққа үйрету.Білімін дамыту.

Сабақ типі: жаңа білімдерді меңгеру сабағы. Әдісі: түсіндіру,әңгімелеу

Көрнекілігі: шыбықтар, қайшы, пышақ, қағаз, лак.

Сабақ барысы: I. Ұйымдастыру кезеңі: Сабаққа дайындық

II. Мақсатын қою кезеңі: Тақырыбын,мақсатын хабарлау. Қаламсаптармен әсемдік бұйымдар жасау IIІ. Жаңа материалды түсіндіру кезеңі: Тармақтары мен шыбықтары көп бұтақтар мен түбірлерді таңдаңдар. Олардан сендер қандай да бір қиялдағы тіршілік иесінің бейнесін байқайсыңдар. Қаламсаптармен әсемдік бұйымдар жасау Бұтақтан құрамақтар жасау.

Ағаштардың қураған бұтақтарына зер салып қараңдар. Әрбір бұтақты жануар бейнесінде елестетуге болады. Бір бұтақ таңдап алып, сәндік бұйым құрастырыңдар.

Қаламсапты тазала. Бұрғымен тесік жасап, шеге қағуға мұғалімнен, үйдегі үлкендерден көмек сұра. Лак жағып безендір.

Түзу қаламсаптардан үй, сарай, балабақша құрылысын жасай аламыз.

Қаламсаптармен әсемдік бұйымдар жасауға тек ескі қаламсаптарды пайдалану керек.

Қаламсаптарды біріне – бірін желіммен жабыстырып, жіппен байлап, ермексазбен және саз балшықпен жапсырмалап біріктіреміз. Мысалы, әдеттегі бұтақтан сыйлыққа арналғанәдемізатжасауғаболады. ІV. Сергіту сәті. V. Жаңа материалды меңгергенін тексеру кезеңі:

Сұрақтарға жауап алу

Қаламсаптан қандай сәндік бұйымдар жасай аласың?

Табиғи материалдармен жұмыс істегенде қандай қиындықтар тууы мүмкін?

Шеберлер деп кімдерді айтамыз?

Тағы қандай нәрселер жасауға болады.

Техника қауіпсіздік ережелерін қайталау.

V. Қорытындылау. Оқушылардың жұмысын бағалау,жақсы жасалған жұмысты мадақтау

Күні

Шебер қолдар

Тақырыбы: Шашақтар жасау.

Мақсаты: Шашақ жасау, тарихымен таныстыру. Ұқыптылыққа тәрбиелеу. Білімін дамыту.

Сабақ типі: жаңа білімдерді меңгеру сабағы. Әдісі: түсіндіру,әңгімелеу

Көрнекілігі: ұсақ моншақтар.

Сабақ барысы: I Ұйымдастыру кезеңі: Сабаққа дайындық.

II Мақсатын қою кезеңі: Тақырыбын,мақсатын хабарлау. Сәндік бұйымдар құрастыру.

IIІ Жаңа материалды түсіндіру кезеңі: шашақ жасау тарихынан. Ұсақ моншақтың пайда болуы (бисер) әйнектің шығу тарихымен байланысты. Бұл арабтың «бұсра» немесе «бусер» деген сөзінен шыққан. Олар кішкентай моншақты және жұмсақ әйнекті осылай атаған. Ал, моншақ шеку ісі алғаш рет Мысырда басталды. Ерте кездерде оны адамдар өздерінің киімдерін ғана емес, сонымен қатар қару – жарақтарды, еңбек құралдарын және үй жабдықтарын безендіруге де жиі қолданылатын болған. Сондай –ақ адамдар қағазды ойлап таппай тұрған кезде ұсақ моншақтар бір жерден екінші жерге ақпарат беретін құжат есебінде пайдаланылған.Ұсақ моншақпен әмиян, жастық, белбеу және әйелдер киімдерін безендірген. Маржан шекумен шеберханаларда суретшілер, осы заманғы үлгі пішушілер (сәнгерлер) айналысады. Кейде моншақты бұйымдарға арнаулы аспаппен шекіп (бастырып) тігеді.

Қажетті материалдар:

Мөлдір полиамид жіп

Ұсақ моншақ бастыруға арналған ине.

Жасыл, күміс, қызыл және сары түсті ұсақ моншақтар. Сыдырма бау.

Мына бұйымдардың бірін жасап көр. ( 1-4 суреттер)

ІV. Сергіту сәті. V. Жаңа материалды меңгергенін тексеру кезеңі:

Сұрақтарға жауап алу. Суреттегі көрсетілген өрнектерді ата.Техника қауіпсіздік ережелерін қайталау.

VI. Қорыту.

Күні

Шебер қолдар

Тақырыбы: Аппликация Табиғатты бейнелеу аппликация бойынша

Мақсаты: Оқушыларға қызықты ойыншықтар жасау туралы түсінік беру. Білімін дамыту. Тазалыққа тәрбиелеу.

Сабақ типі: жаңа білімдерді меңгеру сабағы. Әдісі: түсіндіру,әңгімелеу

Көрнекілігі: Суреттер, әр түсті шар, жіп, кішкене насос.

Сабақ барысы: I. Ұйымдасу кезеңі: Сабаққа дайындық

II. Мақсатын қою кезеңі: Тақырыбын,мақсатын хабарлау

IIІ Жаңа материалды түсіндіру кезеңі: 1. Мұғалімнің түсіндірмесі. Сендер шардан жасалған ұшқыш сайқымазақтарды, көз тартар гүл тізбектері мен гүл шоқтарын, алуан түсті су бұрқағын білесіңдер. Олар қазір көптеген мерекелік, концерттік думандарда, туған күндерде кеңінен қолданылады. Оқулықта шардан жасалған ойыншық үлгілері берілген. Олардың түсін, бет – пішінін өзгерте аласыңдар. 2. Шарды үрлеп, диаметрі шамамен 40 см болғанда ауызын байлаңдар. Көзіне екі дөңгелек шар (диаметрі шамамен 6 – 8 см шамасында) үрлеңдер. 3. Мұрнына диаметрі 10 – 12 см, ал ауызы үшін ұзындығы 10 – 12 см шар алыңдар. Шар ауызбен немесе кішкене насоспен үрленеді. 4. Барлық кішкентай шарларды үлкен шарға желімдейді. Әуе шарларына арналған арнайы каучук желімін қолданыңдар. Жабысқыш таспаны пайдалануға да болады. 6. Шашын үрленбеген шар қиындыларынан жасауға болады. Содан соң көз қарашығын сызыңдар. Бет – пішіні дайын.

Оқулық бойынша жұмыс.

ІV. Сергіту сәті. V. Жаңа материалды меңгергенін тексеру кезеңі: Шардан бет – пішін құрастыру. Өздік жұмыс. VI. Қорыту. VІI. Үйге тапсырма беру кезеңі: . Бағалау

Күні

Сынып:

Шебер қолдар

Тақырыбы: Квилингпен әсемдік бұйымдар жасау

Мақсаты: Қағаз тілшелеріне әшекейлер жасауды үйрету. Білімін, ой – өрісін дамыту. Ұқыптылыққа тәрбиелеу.

Сабақ типі: жаңа білімдерді меңгеру сабағы. Әдісі: түсіндіру,әңгімелеу

Көрнекілігі: Суреттер, әр түсті қағаз кесінділерімен, қайшы,желім.

Сабақ барысы:I Ұйымдасу кезеңі:Сабаққа дайындық

II Мақсатын қою кезеңі:Тақырыбын,мақсатын хабарлау

Қағаз кесінділерінен құрамақтар жасау.

IIІ Жаңа материалды түсіндіру кезеңі: Қағаз – әр түрлі бұйымдар жасауға ыңғайлы материал. Ол жақсы желімделеді. Қағаз кесінділерінен сопақша, үшкір немесе шеңбер тәрізді пішіндер құрастыруға болады. Оларды бір – біріне жалғап желімдесе және бояса, әдемі сәндік композиция шығады. Мұның бәрі сенің шеберлігіңе байланысты. Қалың қағаздан немесе жұмсақ қатырма қағаздан құрастырылған композиция майысып, мыжылмайды. Егер ақ қағаздан жасалса, онда ол өте әдемі көрінеді. Қызықты, сәнді композиция жасау үшін алдымен оның нобайын сызып алу керек. 1. Қағаз тілшелерінен әшекейлер жасау тәсілін түсіндіру.- Қағаз тілшелерін не істеуге болады?(кесуге, өруге, бұрауға, әртүрлі құрастырма заттар жасайды). 2. Сурет бойынша жұмыс. 3. Тілшені қалың қағаздан, жұмсақ қатырма қағаздан жасаса, ол майысып мыжылмайды. Егер ақ қағаздан жасалса, тілшелер әдемі көрінеді. Қағаз тілшелерінен шеңбер тәрізді, сопақша бұрыш пішіндер жасауға болады.

Қызықты, сәндік композицияларды ойша да құрастыра аламыз. Әсіресе әр түрлі механизмдер мен тасымал құралдары әдемі жасалады.

Сергіту сәттері.

ІV. Жаңа материалды меңгергенін тексеру кезеңі: Сұрақтарға жауап алу. – Қағаз деген не? - Қағазды қалай жасайды? - Қағазбен қандай операцияларды жасай аласыңдар? - Қағазды немен кеседі? - Қағаз тілшелерін не істеуге болады? Оны қалай жасайды?

Техника қауіпсіздік ережелерін қайталау (қайшы, пышақ):Қағаз тілшелерінен әшекейлер жасау. Қорытындылау. Оқушылырдың жұмыстарын бағалау

Күні

Шебер қолдар

Тақырыбы: Жалпы жұмыс жоспары ТҚЕ

Мақсаты: Жұмыс орнын дайындау және еңбек қауіпсіздігін сақтау ережесі жайлы түсінік беру, есте сақтау қабілетін дамыту, ұқыптылыққа тәрбиелеу.

Сабақ типі: жаңа білімдерді меңгеру сабағы.

Әдісі: түсіндіру, әңгімелеу

Көрнекілігі: суреттер.

Сабақтың барысы: І Ұйымдастыру кезеңі: сабаққа дайындық.

ІІ Мақсатын қою кезеңі: Тақырыбын, мақсатын хабарлау.

Жұмыс орнын дайындау және еңбек қауіпсіздігін сақтау ережесі.

Жаңа материалды түсіндіру кезеңі: Жұмыс орнын дайындау және еңбек қауіпсіздігін сақтау ережесі жайлы түсінік беру. - сабаққа арнаулы киіммен келу /алжапқыш, жеңсе…