Шетел тілін оқытудағы мультимедиялық оқу құралдары

Сактаганова К.К

Шетел тілін үйрету үдерісінде мультимедиялық құралдарды қолдану

Еліміздегі білім берудің дәстүрлі қалыптасқан жүйесінен әлеуметтік-экономикалық өзгерістер мен бүкіл өркениеттік әлемдегі ақпараттық даму жаңа технологияларды пайдалануды қажет етуде. Өйткені, бүгінде ғылым мен техниканың даму қарқыны білім беру саласында жаңа технологиялық әдістер мен инновациялық құрал-жабдықтарды мейлінше қажет етеді. Еліміздің даму бағыты айқындалған қазіргі уақытта білім берудің маңыздылығы мен мәнділігіне шынайы көңіл бөлініп, сапалы білімге қол жеткізуге нақты міндеттер қойылуы тиіс екендігі белгілі.

Қазақстанның әлемдік білім беру жүйесі, «Қазақстан Республикасының білім беруді дамытудың 2015 жылға дейінгі концепциясы» төңірегіндегі талаптарға сәйкес бәсекелестікті дамыту интеграциясы отандық білім беруді модернизациялауда 12 жылдық орта білім берудің ұлттық моделін құру, соған сәйкес әдіснамасының болуын талап етеді. Бұл процес педагогикалық теория мен оқу практикасы процесіндегі маңызды өзгерістермен қатар жүргізіледі [1].

Оқыту білім беру тәжірибесі педагогикалық үрдістің сапасын үнемі арттырып отыруды талап етеді. Сондықтан да, педагогиканың оқыту тәжірибесінде ақпараттық технологияны қолдану кең өріс тапқан. Сол себепті педагогикалық үрдісті технологияландыру мәселесі маңызды болып табылады. Компьютерлік технологиялардың ішінде оқу үрдісінде қолайлысы – мультимедиялық технологиялар. Мультимедия құралдары деп графика, гипермәтіндер, дыбыс, анимация, видео сияқты әртүрлі орталарды қолдану арқылы адамға компьютермен тілдесуге мүмкіндік беретін бағдарламалық және ақпараттық құралдардың кешені. Мультимедия технологиясын қолданудың педагогикалық мақсаты хабарларды эмоционалдық тұрғыдан қабылдаумен байланысты болып келетін білім берудің мотивациясын арттырумен және хабарларды өңдеуге байланысты атқарылатын өзіндік жұмыстардың түрлі формаларын қолдана білу қабілетін қалыптастырумен айқындалады. Білім беруде мультимедиялық құралдар арқылы оқыту – оқу пәні ретінде шетел тілінің даму мүмкіндіктерін кеңейтіп тілдік оқытуға тұлғалық –әрекеттік тұғырды анықтады. Оны тіл үйренушілердің тек қарапайым қарым-қатынас біліктіліктері мен лингвистикалық көзқарастарын қалыптастыруға көмектесіп қана қоймай, сондай-ақ шет

Қазіргі мультимедиялық технологиялар түсті иллюстрацияларды қолданумен ғана емес, видеофильмдердің әртүрлі тілдерін (анимацияны, құжаттық және ойындық киноны) қолданумен де оқыту құралдарын құруға мүмкіндік береді. Қазіргі заманғы ақпараттық технологияларды пайдалану өз білімін көтеру тиімділігін арттыратыны сөзсіз. Білім беруді жылдамдатуда мультимедияны қолдану білім алушылардың, тіл үйренушілердің оқуға деген ынтасын, белсенділігін, оқу тапсырмаларын игеру мүмкіндіктерін көрсетеді. Оқу барысында материалды білім алушы тыңдау арқылы тек 10%, көру барысында 25%, ал көріп тыңдау барысында 65% қабылдайды. Білім алушының сезім мүшелері мен таным процестеріне әсер ету арқылы мултимедиялық құралдардың көрнекілік сипаты құбылыс пен образдың толық бейнесін қамтамасыз етеді [2].

Мультимедиялық технология құралдары – компьютерлік техника мен желілерді қолдану негізінде ақпараттық үрдістерді жүзеге асыруға бағытталған аппараттық (компьютер, интерактивтік тақта, принтер, проектор, телекоммуникациялық блок, пернетақта және тышқан, компьютер құрылғыларын басқару) және программалық құралдар (интернет, виртуалды конструкторлар, жаттықтырғыштар, компьютерлік тест программалары, электрондық басылымдар, басқарудың ақпараттық жүйелері). Оқытудың мультимедиялық бағдарламалары текст пен анимация, түс, графика, дыбыс, динамикалық қозғалыс эффекттілері және т.б. түрлі медиа сипаттағы мүмкіншіліктердің интеграциялық түрде берілуі ақпараттық құралдардың көрнекілік принципінің толық ашылуын қамтамасыз етеді. Сабақ жоспарын құру барысында мультимедиялық презентациялар қолданысын көбейту арқылы нәтижеге жету жолдарын оңтайландыра аламыз. Материалдардағы объектілерді анимациялық қозғалысқа келтіру, дыбыстық қосымшалар беру, түстік деңгейде қанықтыру, ақпарат көлемін оңтайлы орналастыру арқылы оқу процесін ізгілендіреді және бұл берілген материалды тез қабылдауда қолданылатын амал-тәсілдердің тиімді түрі болып табылады.…