Шығайық білім шыңына арналған зияткерлік ойын

Сабақтың тақырыбы: « Шығайық білім шыңына!» интеллектуалдық сайыс

Сабақтың мақсаты:Оқушылардың алған білімдерін пысықтау. Бастауыш сынып оқушыларын көпшілік алдында сөйлеуге, өз ойын ашық айта білуге баулу.Оқушылардың шығармашылық қабілеттерін арттыру. Шапшаңдыққа, еңбексүйгіштікке тәрбиелеу.

Көрнекілігі: Интербелсенді тақта, плакаттар, сан жазылған жетондар. Сабақтың түрі: Сайыс сабақ

Жүргізуші: -Қош келдіңіздер, құрметті ұстаздар мен қонақтар! Сіздердің назарларыңызға 4 сынып оқушыларының «Шығайық білім шыңына!» атты сайыс түрінде өткізгелі отырған тәрбиелік шараны ұсынамыз. Сайыс 5 кезеңнен тұрады. Оқушылар оқу бағдарламасына сай дайындалған сынақ сұрақтарына жауап береді. Сайыста математика, әдебиеттік оқу, қазақ тілі, дүниетану пәндерінен сұрақтар мен тапсырмалар беріледі.

Сайыс кезеңдері:

1. Таныстыру (Сауран,Отырар,Сығанақ)

2. Елтаным (Тұлғалар, Тарихи жерлер, Ұлттық құндылық)

3. Сөзтаным (Мақал-мәтел,жұмбақ)

4. Ойтаным (Бағдаршам әдісі арқылы өлең шумағын құрастыру)

5. Марапаттау

Сабақтың мазмұны:

Білім деген биік шың,

Бақытқа сені жетелер.

Білім деген ақылшың,

Қиындықтан өткізер – деп білімді сарапқа салар сәтті бастайық.

Әрқашанда білім көптік етпеген,

Талапсыз жан мұратына жетпеген.

Сәлем берді ұландарға талапкер,

Дос көңілмен адал, аппақ ниетпен.

І.Таныстыру

- Ендеше сайысқа қатысушы топтармен таныс болайық:

1 - топ «Сауран»

Ұраны: Жүзден жүйрікпіз,

Мыңнан тұлпармыз!

2 - топ «Отырар»

Ұраны: Ақылды баламыз,

Білілмде тек алда боламыз!

2 - топ «Сығанақ»

Ұраны: Қырандай самғаймыз,

Арқада қалмаймыз!

Мұғалім: Олай болса сайысымызды бастайық.

ІІ. «Елтаным» 3-бөлімнен тұрады , әр бөлімде 4 сұрақтан бар кез келген ұяшықты аша отырып,дұрыс жауапқа тиесілі ұпайды аласыңдар.Бұл кезеңде барлық топтың қатысушылары қатысады.Таңдаған топ сұраққа жауап бере алмаса ,сол сұраққа келесі топ жауап беріп,ұпай жинауға болады.

«Тұлғалар» 5 10 15 20

«Тарихи жерлер» 5 10 15 20

«Ұлттық құндылық » 5 10 15 20

Қажу бар ма тұлпарға,

Талу бар ма қыранға

Білім күшті оларда

Салсын барын ортаға.

ІІІ. «Сөзтаным»

Екінші кезеңде барлық топ қатысушыларына арналаған Тірек сөздер немесе берілген суреттер арқылы мақал-мәтел мен жұмбақтың жауабын табу. Қай топтың мүшесі тетікті бірінші басады сол топ жауап береді(жылдамдыққа байланысты). Нәтижесінде, барынша көп мақал-мәтел мен жұмбақ…