ктж, ктп 3 сынып еңбекке баулу

Түсінік хат

3-сыныпқа арналған «Еңбекке баулу» пәнінің әдістемелік нұсқауы Қазақстан Республикасы Оқу-ағарту министрінің 2022 жылғы 3 тамыздағы № 348 бұйрығымен бекітілген «Еңбекке баулу» пәнінің оқу бағдарламасы негізінде әзірленген.

Әдістемелік нұсқаудың мазмұнында «Шығармашылық идеяларды зерделеу және дамыту», «Шығармашылық жұмысты дайындау және құру», «Презентация, талдау және бағалау» бағытында 3 түрлі іс-әрекет қарастырылған.

Жалпы білім беретін мектептің 3-сыныбына арналған «Еңбекке баулу» пәнінен әдістемелік нұсқау құрылымына енген іс-әрекеттер сабақ, бөлім, тоқсан тақырыптарының мазмұнын ашуға бағытталған.

Әдістемелік нұсқау мазмұны «Табиғи материалдармен жұмыс», «Қағаз және қатырмақағазбен жұмыс», «Техникалық үлгілеу және құрастыру», «Өзіне-өзі қызмет ету» тақырыбында материалдарды төрт ортақ білім беру жүйесі (желісі) арқылы оқып-үйренуді қарастырған. Оқу-әдістемелік нұсқаулықта 34 тақырыптың әр бөлімі үшін арнайы шығармашылық жұмыстар, тапсырмалар беті, шағын аңдатпа, бейнежазба арқылы түсіндіру шығармашылық жұмыстары жасалған. Әдістемелік нұсқауда әдіс-тәсіл, сергіту сәті, дескрипторы, рефлексия, мұғалімнің түсіндірмесі, бағалау оқулықпен байланыстырылған.

Оқу-әдістемелік нұсқаудың базалық білім мазмұны оқу бағдарламасында көрсетілген ортақ тақырыптарды қамтитын 8 бөлімнен тұрады.

бөлім – «Табиғат – менің үйім» (4 сағат). Тек табиғи материалдармен жұмыс жасалады. Жанды және жансыз табиғат түрлері аталып өтіп, жұмыс барысында қолданылады.

бөлім – «Менің Отаным – Қазақстан» (4 сағат). Дәстүрлі және дәстүрлі емес қарапайым материалдарды қолдана отырып жұмыс жасалынады.

бөлім – «Жақсыдан үйрен, жаманнан жирен» (4 сағат). Жақындарына жақсылық жасап үйрену мақсатында жүнмен жұмыс жасалынады. «Атамның ақылы», «Әжемнің текеметі», «Әкемнің өнегесі» деген тақырыптарды қамтиды.

бөлім – «Өнер әлемінде» (4 сағат). Театр, бейнелеу өнері сияқты өнер түрлерімен жұмыс жүргізіледі. Театр өнерінде бетперде, музыка өнерінде аспаптарды жасау, сурет өнерінде мольберт жасауды үйренеді.

бөлім – «Атадан қалған асыл мұра» (5 сағат). Дәстүрлі материалдарды пайдалана отырып, ұлттық нақыштағы бұйымдарды жасайды. Соның ішінде: ши тоқу, күбі жасау, кебеже жасау т.б.

бөлім – «Атақты тұлғалар» (5 сағат). Балаларды елге танымал тұлғалармен таныстыра отырып, түрлі бұйымдармен жұмыс жасалынады.

бөлім – «Бәрін білгім келеді» (4 сағат). Дәстүрлі және дәстүрлі емес қарапайым материалдарды қолданып, судың құпиясымен танысады, суды үнемдеу жолдарын үйренеді. Аквариумдағы балықтарды, роботтарды т.б. жасайды. Фетрмен жұмыс жүргізіледі.

8-бөлім – «Демалыс мәдениеті. Мерекелер» (4 сағат). Бірлік күніне орай көгершін, көңілді әткеншек, көне жәдігер ретінде құмыра жасалады. Отбасылық мерекеге орай дәстүрлі және дәстүрлі емес материалдарды қолдана отырып гүл жасайды.

Еңбекке баулу 3 – сынып

І тоқсан 8 сағат

Сaбaқтың тaқырыптaры

Тaқырыпты меңгертуге aрнaлғaн оқу мaқсaттaры

Сaғaт сaны

Күні

1-тоқсaн (8 сaғaт)

1. Табиғат – менің үйім

Табиғи материалдар.

Күзгі табиғат көрінісін жасау

3.1.1.1 материал түрлерінің қолдану аясын анықтау;

3.2.1.1 әдіс-тәсілдерді пайдаланып, материалдар жинау, сұрыптау, қолдануға дайындау, орындау техникасын анықтау.

Өсімдіктер әлемі.

Икебана құрастыру

3.1.1.2 дәстүрлі және дәстүрлі емес материалдардың түрлерін сипаттау, айтып беру;

3.2.2.1 аралас (қарапайым және күрделенген) тәсілдер арқылы материалдарды өңдеу (өлшеу, белгілеу, қию, формасын және түсін келтіру, жинақтау, модельдеу мен құрастыру);

3.2.3.2 мүмкіндігіне қарай өз жұмыс орнында гигиеналық талаптарды сақтау.

Жануарлар әлемі.

Аққу жасау

3.1.2.3 түрлі материал қасиеттерінің сипатына қарай қолданылу саласын ажырату;

3.2.2.3 шығармашылық жұмысты аяқтау, сыртқы көріністі жақсарту үшін қарапайым әдістерді қолдану;

3.2.3.2 мүмкіндігіне қарай өз жұмыс орнында гигиеналық талаптарды сақтау.

Табиғи материалдар.

Тастан мозаика құрастыру

3.1.2.1 дәстүрлі және дәстүрлі емес қарапайым материалдарды қолдану салаларын білу;

3.2.1.2 ұлттық қолданбалы өнер бұйымдарының жасалу техникаларын талдап, іріктеу;

3.2.2.2 шығармашылық жұмыс жасау барысында ұлттық элементтерді тиімді қолдану.

2. Менің Отаным – Қазақстан

Менің туған ауылым.

Матадан панно жасау

3.2.2.1 аралас (қарапайым және күрделенген) тәсілдер арқылы материалдарды өңдеу (өлшеу, белгілеу, қию, формасын және түсін келтіру, жинақтау, модельдеу мен құрастыру);

3.3.1.1 өз жұмысының идеясы мен процесін шығармашылықпен ұсыну;

Күншуақты мекенім.

Полиэтиленмен жұмыс істеу

3.1.2.1 дәстүрлі және дәстүрлі емес қарапайым материалдарды қолдану салаларын білу;

3.2.1.3 шығармашылық жұмысты орындау техникасын жетілдіру.

Қазақстан қалалары.

Сәулетті ғимарат

3.1.3.3 әртүрлі дереккөздерден алынған ақпаратты (АКТ қолдану) пайдалана отырып, шығармашылық идеяларды дамыту;

шығармашылық жұмысты орындау кезеңдерін анықтау, жұмыс барысын жоспарлау.

Астық – ел дәулеті.

Жүк көлігінің макетін жасау

шығармашылық идеяларды салыстыру, жұмыс эскизін анықтауда қорытынды жасау;

шығармашылық идеяларды дамытуда сәндік-қолданбалы өнердің элементтерін қолдану жолдарын ұсыну;

3.2.3.3 қалдық материалдармен жұмыс істеу кезінде қауіпсіздік техникасын сақтау.

2-тоқсaн

(8 сaғaт)

3. Жақсыдан үйрен, жаманнан жирен

Атамның ақылы.

Жүннен қалпақ жасау

3.1.1.1 материал түрлерінің қолданылу аясын анықтау;

3.2.1.2 ұлттық қолданбалы өнер бұйымдарының жасалу техникаларын талдау, іріктеу.

Әжемнің оюы.

Текемет басу

3.1.3.1 шығармашылық идеяларды салыстыру, жұмыс эскизін анықтауда қорытынды жасау;

3.1.4.1 шығармашылық жұмысты орындау кезеңдерін анықтау, жұмыс барысын жоспарлау;

3.2.3.2 мүмкіндігіне қарай өз жұмыс орнында гигиеналық талаптарды сақтау.

Әкемнің өнегесі.

Былғарыдан қамшы өру

3.1.3.2 шығармашылық идеяларды дамытуда сәндік-қолданбалы өнердің элементтерін қолдану жолдарын ұсыну;

3.2.2.1 аралас (қарапайым және күрделенген) тәсілдер арқылы материалдарды өңдеу