Шындық шыңы ақиқат ашық сабақ жоспары

«Өзін-өзі тану» пәнімен интеграцияланған

биология сабағының жоспары

Мектеп:№6

Мерзімі: 16.04.2018

Мұғалім: Кабакова Жайна

Сынып: 6

Оқушы саны:

Тақырыбы: Шындық шыңы - ақиқат

Құндылық: «Дұрыс әрекет»

Қасиеттер: шыншылдық, жауапкершілік, ұқыптылық.

Сабақтың мақсаты: Оқушыларға бактерия, бактерияның түрлері туралы түсінік беру арқылы дұрыс әрекет құндылығының мәнін ашу.

Сабақтың міндеттері:

Білімділік:оқушыларға жаңа сабақты мазмұндау; оларды жер бетіндегі ең алғашқы тіршілік иелері бактериялармен таныстыру арқылы дұрыс әрекет құндылығының мәнін ашу.

Дамытушылық:оқушыларды бактериялардың алдыл алу үшін гигиеналық талаптарды сақтауға, дұрыс әрекет жасауға баулу.

Тәрбиелік:санитарлық – гигиеналық білім беру, салауатты өмір салтының ұстанымдарын қалыптастыру, ұқыптылыққа, жауапкершілікке тәрбиелеу.

Ресурстар:(құралдар, мәліметтер)

Интербелсенді тақта, оқулық, А3 форматтағы қағаздар, стикерлер, үнтаспа, қима қағаздар, тақия, ағаш үйлер, т.б.

Сабақтың барысы:

Сыртқы интеграция (Өзін-өзі тану сабағының әдістемелік тәсілдерін қолдану)

Ұйымдастыру кезеңі

5 «Т» ережесі:

Т-Тәртіп

Т-Талап

Т-Тыныштық

Т-Тазалық

Т-Татулық

Топқа бөлу: оқушыларды ағаш үйлер (түстері) арқылы 3 топқа бөлу.

Шындық

шыңы-

ақиқат.

Тыныштық сәті: «Орманға ойша саяхат»

Мұғалім: Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны терең жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Айналаңызға зейін салыңыз. Табиғаттың әсемдігі мен балғындығын сезініңіз. Жап жасыл шөптер, жайқалған гүлдер, сылдырлап аққан бұлақ, әнші құстар... Сіз табиғат аясында өзіңізді бақытты әрі қауіпсіз сезінесіз.

Терең тыныс алыңыз және қоршаған айналаның жым- жырт тыныштығына көңіл бөліңіз. (Осы жерде мұғалім 1-2 минут үзіліс жасауына болады).

Бізге қалайша жеңіл әрі тыныш және өзімізді бақытты сезіну қандай ғажап. Осы жым- жырттық, тыныштық, қанағат сезімін өзіңізде сақтаңыз. Көзіңізді ашып, күлімсіреңіз!

Интербелсенді тақта

Ағаш үйлер

Ішкі интеграция (жалпыадамзаттық құндылықтарды сабақ мазмұнына интеграциялау)

2. Үй тапсырмасын тексеру: «Тақия тастамақ»

Бактерия дегеніміз не?

Бактериялогия ғылымын негізін қалаған кім?