Сиқырлы дыбыстар тақырыбына арналған сабақ жоспары

Тақырыбы: «Сиқырлы дыбыстар»Мақсаты: Дыбыстар туралы түсінік беру, дауысты және дауыссыз дыбыстарды естіп, ажырата алуын, фонетико-фонематикалық қабылдауын, байланыстырып сөйлеу тілін дамыту. Дыбыстардың сөйлеу тілінде дұрыс айтылуын қадағалау. Артикуляциялық мүшелерінің қимыл-қозғалысын, қолдың ұсақ моторикасын жаттықтыру. Көрнекіліктер: Айна, тыныс алу жаттығуына қажетті материалдар, суреттер, карточкалар, плакаттар, жұмыс дәптерлері.Әдіс - тәсілі: Түсіндіру, сұрақ - жауап, слайд көрсету.

Сабақтың барысы

Ұйымдастыру кезеңі

Сәлеметсіңдер ме, балалар!

Көңіл-күйлерің қалай?

Балалар, қазір жылдың қай мезгілі?

Қыста неше ай бар?

Қыста айналада қандай құбылыстар болады?

Жаңа сабақ

Сабағымызды бастамас бұрын, ауыз-қуысына арналған жаттығуларды жасап алайық.

Артикуляциялық жаттығулар: «Бақа-Піл», «Сағат», «Әткеншек», «Түтікше», «Сылақшы», «Құлыншақ»

Тыныс алу жаттығулары: «Ыстық шәй», «Ұлпақарлар».

Балалар қараңдаршы, ненің дыбысы шығып жатыр?

(қардың сықыры мен боранның дауысы шығады)

Дұрыс айтасыңдар! Бұл дыбыстар табиғаттан шығып жатқан дыбыстар. Бұлар табиғи дыбыстар.

Ал, қазір қандай дыбыстар естідіңдер?

(қоңыраудың, шапалақтың, машинаның гүрілі)

Бұлар адам қолымен жасалған жасанды дыбыстар.

Демек біздің сабағымыз дыбыстар тақырыбына арналады. Адамнан шыққан дыбыстар да табиғи дыбыстарға жатады. Сөйлеу тілінде дыбыстар 2-ге бөлінеді. Олар дауысты және дауыссыз дыбыстар.

Дауысыты дыбыстар аты айтып тұрғандай олар дауыс пен үннен құралады. Дауысты дыбыстарды айтқанда іштен шыққан ауа кедергілерге ұшырамайды. Қане барлығымыз дауысты дыбыстарды атап шығайықшы. Дауысты дыбыстар қызыл түспен белгіленеді. Қазақ тілінде 12 дауысты дыбыс бар.

Өкпеден шыққан ауаның кедергіге ұшырап шығуынан жасалған дыбыстарды дауыссыз дыбыстар дейміз. Қазақ тілінде 26 дауыссыз дыбыс бар.

Тапсырма 1

«Мұқият бол»

Балалар, мен сендерге дыбыстарды айтамын, сендер қолдарыңдағы текшелерді кезекпен көтересіңдер. Егер дауысты дыбысты естісеңдер қызыл текше, дауыссыз дыбыстарды естігенде жасыл текшені көтереміз.

«Қай дыбыстан басталған»

Тақтаға ілінген суреттердің қай дыбыстан басталғандығын анықтау.

Тапсырма 2

«Сөз ойла, тез ойла»

Берілген дыбыстардан сөздерді атау.

С – сағат, сырға, сиыр, сумка, т.б.

М – мақта, мысық, моншақ, т.б.

Сергіту сәті

Саусаққа арналған жаттығулар кешені. Нейрожаттығу.

Тапсырма 3

«Дыбыстық талдау»

Балалар, алдарыңда тұрған кестеге суреттегі сөздерді текшемен жазып шығамыз.

Тілұстарту