Сөйлем туралы ашық сабақ мектепалды даярлыққа

Ұйымдастырылған оқу іс-әрекетінің технологиялық картасы

Білім беру саласы: Қатынас

Бөлімі: Сауат ашу

Тақырыбы: Сөйлем

Мақсаты:

1. Балаларға сөйлем туралы түсінік беру, өз ойын дұрыс жеткізуге жаттықтыру;

2. Үйренуге, білуге деген қызығушылықтарын ояту; дидактикалық ойындар арқылы ойлау, есте сақтау кабілеттерін арттыру;

3. Ұқыптылықка, мәдениеттілікке тәрбиелеу.

Құрал жабдықтар,көрнекіліктер: әдемі қорапша, қуыршақ, сөйлем белгісі сызылған плакат, жұмыс дәптері.

Әрекет кезеңдері

Педагогтың іс-әрекеті

Баланың іс-әрекеті

Мотивациялық-қозғаушы.

(кіріспе бөлім)

Жылулық шеңбері

Шеңберге тұрғызып, төмендегі өлең жолдарын айтқызады:

Мынау аспан астында

Жақсы дос көп табылар.

Мен де соның бірімін,

Сыйлығымды қабыл ал!

Алақандарындағы жылулықтарын бір-біріне үрлеу арқылы сыйлауға болатынын түсіндіреді.

«Тосынсый» дидактикалық ойыны

Әдемі оралған қорапшаны көрсетеді.

- Қазір ғана жылуымызды сыйлап, бір-бірімізді қуантып едік, енді өзімізге де алыстағы бір кісіден мынадай сыйлық келіпті. Ол кім екен, бізге не жіберді екен?

Балаларды сөйлетіп, ойларын тыңдап болған соң, қорапшаны ашып, ішінен хат алады.

- Бізге сыйлық жіберген Білім ханшасы екен. Сендерге оның хатын оқып берейін: «Балалар, сендердің мейірімді, жақсы екендеріңді біліп, сондай қуанып жүрмін! Егер менің тапсырмаларымды орындасаңдар, өздеріңе жіберген сый-лығымды алуларыңа болады».

Қол ұстасып, шеңберге тұрып, өлең жолдарын тәрбиешімен бірге айтады, бір-біріне алақандарындағы жылуды үрлейді.

Қорапшаны тамашалап, қызығушылық танытады, тәрбиешіні тыңдайды.

Өз ойларын айтады.

Білім ханшасынан келген хаттың мазмұнын тыңдайды.

Тапсырмаларға қызығушылық танытады.

Іздену-ұйымдастыру-шылық.

(негізгі бөлім)

Жаңа тақырып

- Білім ханшасының сыйлығын алғыларың келеме? ... Ендеше, тапсырмаларын орындауға кірісейік.

1-тапсырма

Қорапша ішінен қуыршақ шығарады, тапсырманы оқиды: «Қуыршаққа сұрақ қойыңдар».

Қуыршаққа қандай сұрақтар қоюға болатыны туралы айтады. Балаларды тыңдайды, қуыршақтың ешбір сұраққа жауап бермегеніне назарларын аударады.

- Қуыршақтың атының кім екенін білдік пе? ... Неге ол біздің сұрақтарымызға жауап бермейді?

«Өйткені қуыршақ сөйлемейді» деген қорытынды жасауға жетелейді.

Қуыршақтың орнына ортаға бір баланы (қызды) шығарып, сол сұрақтарды қайталап қойғызады.

- Біз қалайша Еламан туралы бәрін біліп алдық? Неге Еламан біздің барлық сұрақтарымызға жауап берді?

«Өйткені ол сөйлей алады» деген қорытынды жасауға жетелейді. Жаңа тақырыпты түсіндіреді: