Сөйлеу мәдениеті 4 сыныпқа арналған сабақ жоспары

Бекітемін:____________

Қазақ тілі күні:____________

Сабақтың тақырыбы: Сөйлеу мәдениеті.

Сабақтың мақсаты:

Білімділік Оқушыларда сөйлеу туралы ұғым қалыптастыру, тіл мен сөйлеудің бірлігін таныту, оның адамдардың бір-бірімен сөйлесу, пікірлесу құралы екенін білдіру. Сөйлеудің қажеттілігі мен маңызын ұғындыру. Сөйлеу түрлерімен таныстыру. Сөйлеу мәдениетін қалыптастыру.

Дамытушылық: Сауаттылыққа баулу, сауатты және көркем жазу дағдыларын дамыту.

Тәрбиелік: Туған жерін қастерлеуге, адамгершілікке, білімділікке тәрбиелеу. Еңбекке баулу.Үлкенді құрметтеуге тәрбиелеу.

Сабақтың типі: Оқушылардың жаңа білімді меңгеру сабағы.

Әдіс-тәсілдері: Түсіндіру, сұрақ-жауап, көрнекілік көрсету арқылы түсіндіру,

жарыс, ойын.

Көрнекілік: Сөйлем, суреттер, қима қағазар

Сабақтың барысы:

Ұйымдастыру кезеңі: а) Сәлемдесу , оқушыларды түгендеу.

ә) Сабаққа әзірлігін тексеру, оқу құралдарын дайындау.

Үй тапсырмасымен жұмыс: Тіл және сөйлеу. 10-жаттығу

Білімді жан-жақты тексеру кезеңі.

Оқушыларда сөйлеу туралы ұғым қалыптастыру;

Тіл мен сөйлеудің бірлігін таныту;

Тіл мен сөйлеудің адамдардың бір-бірімен сөйлесу, пікірлесу құралы екенін білдіру.

Сөйлеудің қажеттілігі мен маңызын ұғындыру.

Сөйлеу түрлерімен таныстыру.

Оқушылардың білімді белсенді меңгеруге дайындау кезеңі.

Сөйлеу мәдениеті

Осы тақырыпты талқылай отырып сабақ тақырыбы мен мақсатын таныстыру.

Жаңа сабақ.

Дәптермен жұмыс. Көркем жазу сәті

(Қаламсапты дұрыс ұстау мен дұрыс отыру ескертіледі).

1−жаттығу. Көңіл күй лебіздері мен олардыңатауларын сәйкестендір.

АЛҒЫС

ҚҰТТЫҚТАУ

ӨТІНУ

СӘЛЕМДЕСУ

ҚОШЕМЕТ, ҚОСТАУ, ТАҢДАНУ

ЖҰБАТУ

КЕЛІСУ

ҚОШТАСУ

2-жаттығу. Өлеңді мәнерлеп оқы, көшіріп жаз.

Жылы жүрек, тәтті тіл,

Берекені берер, біл.

Ащы сөзді – өзімшіл,

Өнері оның қалар тұл.

Қатесін тапсаң, жұмсақ айт,

Ызаланбай, сабыр қыл.

3-жаттығу

Мысалды түсініп оқы.

Мәтін мазмұны бойынша теледидар мен радионы салыстыра сипатта.

Қайсысының іс әрекетін дұрыс деп бағалайсың

4−жаттығу.

Мәтінді дұрыстап оқы.

Мәтіндегі ақыл-кеңес кімге қаратылып айтылып отыр?

Мәтіндегі өтіну деп әдеп сөздерін қатыстырып, парталасыңмен диалог құрастыр. Оны дәптеріңе жаз

Сабақты қорыту: Біз не білдік? Талқылау.

Үйге тапсырма: Ережелерді пысықтау. 4−жаттығу 9 – бет.

Оқушы білімі мен белсенділігін бағалау