Сөз тақырыбы бойынша сабақ жоспары, 4-сынып

Күні:04.05

Сабақтың тақырыбы: Сөз.

Сабақтың мақсаты: оқушыларға сөз туралы алған білімдерін еске түсірту, тіл байлықтарын, ойлау қабілеттерін дамыту, ұқыптылыққа тәрбиелеу

Сабақтың түрі: аралас

Әдіс –тәсілі: сұрақ- жауап, түсіндіру

Көрнекілік: кесте

Сабақтың барысы:

І. Ұйымдастыру кезеңі: Оқушылармен амандасу, сабаққа дайындықтарын тексеру. Күнге қолдарыңды созыңдар. Күннің жомарт сәулелері ананың нәзік алақанындай аялайды, сипалайды, жылытады.Сиқырлы күн барлық өкпе мен мұңды ерітіп жібереді. Жүрегімізді жылу мен махаббатқа толтырады.

Барлығы: Күн жарығын алақанға саламын, Жүрегіме басып ұстай қаламын.

Ізгі әрі нәзік, жарық, мейірімді, Болып кетер сонда дереу жан-жағым.

-Міне, жүрегіміздегі осындай жылумен сабағымызды бастаймыз

ІІ. Үй тапсырмасын тексеру: 25-жаттығу

ІІІ.Жан-жақты білімдерін тексеру.

- Дыбыс дегеніміз не? -Әріп дегеніміз не?

Дыбыс пен әріптің айырмашылығы қандай?

• Дыбысты айтамыз, естиміз.

• Әріпті жазамыз, көреміз

ІҮ.Мақсат қою. Сабақтың мақсатымен оқушыларды таныстыру.

- Оқушылар бізге не естіліп тұр?

- Дыбыс. Мысалы менің айтқанымды дыбыс арқылы естіп тұрмыз.

-Дыбыс дегеніміз не? Дыбыс - әріптердің ауызша естілуі.

-Әріп дегеніміз не? Әріп – дыбыстың жазбаша таңбалануы.

Дыбысты естиміз, әріпті жазамыз. Әріптен буын, буыннан сөз, сөзден сөйлем құралады.

Ү. Жаңа сабақ: Сөз

Дәптермен жұмыс: күн ретін жазу б. Көркем жазу «Кк» сөз ойла тез ойла

в. Оқулықпен жұмыс.

26- жаттығу: Көшіріп жазып, мағыналары бір-біріне жуық, мәндес сөздердің астын сыз.

Көзммен көріп білгелі,

Ұмытылдым алға, ілгері.

Туыс, тума, туысқан,

Тілдеспей-ақ ұғысқан.

Ұзақ шарлап, ауланы,

Торғай тоңды, жаурады.

27-жаттығу: Мақалды оқып, жатқа жаз.

Ағаш кессең, ұзын кес- қысқартуың оңай.

Темір кессең, қысқа кес- ұзартуың оңай.

Мағынасы карама- қарсы сөздерді тап. Мақалдың мәнін түсіндір.

28-жаттығу: Берілген сөздерді екі түрлі мағында қолданып, сөйлемдер құра.

Алма, қой, өкпе, аула.

29- жаттығу: Суреттегі зат атауларының айтылуы бірдей болғанмен, мағыналары әр басқа екенін дәлелде.

Ара – құрал сайман.Жәндік, немесе бұнақденелер немесе шыбын-шіркейлер

Сурет бойынша сөз құрау

30- жаттығу: Жаңылпашты көшіріп жаз.

Күйе, күйе,күйе ме?

Күйеге қолым күйеме?

Күюін қолым күймейді,

Бетімнен апам сүймейді.