Стандарттау мен метрологиядағы халықаралық тәжірибе мақаласы

Стандарттау мен метрология саласындағы халықаралық тәжірибе: Ташкент университетіндегі тағылымдама нәтижелері

Бүгінде стандарттау, метрология және сапаны басқару саласындағы жаһандық интеграция мен халықаралық тәжірибе алмасу – кәсіби мамандарды даярлауда шешуші рөл атқарады. Әл-Фараби атындағы Қазақ ұлттық университетінің магистранттары осы бағытта тағы бір маңызды қадам жасап, Өзбекстан Республикасының жетекші жоғары оқу орындарында ғылыми тағылымдамадан сәтті өтіп қайтты.

2025 жылдың 21 сәуірі мен 4 мамыры аралығында магистранттар Ташкент қаласындағы «Ташкент ирригация және ауыл шаруашылығын механикаландыру инженерлері институты» Ұлттық зерттеу университетінде тәжірибе алмасу және ғылыми тағылымдамадан өтті. 1923 жылы негізі қаланған бұл университет – стандарттау және сертификаттау саласындағы ғылыми-инновациялық жобаларды жүзеге асыратын, аймақтық және халықаралық деңгейде танылған беделді оқу орны.

Тағылымдама бағдарламасы теория мен практиканы ұштастырып, магистранттарға халықаралық стандарттау жүйелерімен, метрологияның заманауи тәсілдерімен, өнімнің сәйкестігін бағалау әдістерімен терең танысуға мүмкіндік берді. Университеттің жетекші профессорлары өткізген дәрістер мен семинарлар аясында қатысушылар сапа менеджменті жүйелерін енгізу, метрологиялық талдау, ауыл шаруашылығы техникасының стандарттары және техникалық реттеу мәселелерін талқылады.

Атап айтқанда, профессор Каландаров Палван Искандаровичтің «Метрологиядағы мәселелер, міндеттер және оларды шешу жолдары» атты дәрісі үлкен қызығушылық тудырды. Сонымен қатар, профессор Астанакулов Комил Дуллиевичтің ауыл шаруашылығына қатысты техникалар мен оларды стандарттау әдістемелері жайлы дәрісі магистранттардың кәсіби көзқарасын кеңейтті.

Ғылыми тағылымдама барысында магистранттар бірнеше ғылыми конференцияларға қатысып, әлемдік стандарттау саласындағы өзекті мәселелермен және оларды шешу жолдарымен танысты. Тәжірибелік бөлімде метрология зертханаларында жаңа құрылғылармен жұмыс жасап, өз дағдыларын жетілдірді. Сонымен қатар, ауыл шаруашылығын механикаландыру ғылыми-зерттеу институтында және ауыл шаруашылығы техникасын сертификаттау орталығында болып, өндірістік стандарттау жүйесінің нақты жұмысын көрді.

Тағылымдаманың тағы бір маңызды бөлігі – ғылыми зерттеулерге бағытталған кітапхана қорымен жұмыс және ғылыми мақалаларды рәсімдеуге қатысты арнайы тренингтер болды.

Мәдени бағдарламалар да назардан тыс қалмады – Ташкент политехникалық мұражайына ұйымдастырылған экскурсия барысында қатысушылар автомобиль өнеркәсібінің тарихымен және осы саладағы стандарттармен танысты.

Тағылымдама соңында барлық қатысушыларға арнайы халықаралық үлгідегі сертификаттар табысталып, атқарылған жұмыстар қорытындыланды. Магистранттар алған білім мен тәжірибенің Қазақстандағы стандарттау және техникалық…