Стартердің құрылысы мен жұмысы туралы сабақ материалы

Сабақ жоспары

Күні Пәні Трактордың құрылғысы Курс 3 «В» «Б» Сабақ реті 27

Сабақтың тақырыбы: Стартердің құрылысы, жұмысы ақаулары

Сабақтың мақсаты:

1.Білімділік: Стартердің негізгі қызметі, құрлысы, жұмысы жөніндегі

түсінік беру.

2.Дамытушылық: Оқушылардың ой-өрісін кеңейту, білімін

практикада ұштай білу дағдысын қалыптастыру.

3.Тәрбиелік: Оқушылардың өз бетімен жұмыс істеуге,

ұйымшылдыққа, болашақта білікті, саналы маман иесі

болуға, ұқыптылыққа,өз ойларын жеткізе білуге

тәрбиелеу.

Сабақтың түрі: аралас сабақ

Оқыту әдісі: Жаңа сабақты меңгеру

Сабақтың көрнекілігі: интерактивті тақта, проектор, флипчарт, трек конспект, стартердің макеті, түрлі- түсті маркерлер.

Пән аралық байланыс: 1. Машиналарға техникалық қызмет көрсету

2. Электротехника

Сабақ барысы

Ұйымдастыру кезеңі — 1 мин

Үй тапсырмасын сұрау- 10 мин

Жаңа сабақты түсіндіру - 15 мин

Тірек – конспект жазу- 10 мин

Жаңа сабақты бекіту- 7 мин

Үйге тапсырма беру- 1мин

Білімдерін бағалау — 1 мин

I.Ұйымдастыру кезеңі:

1.Сыныптың, тақтаның әзірлігін қадағалау, оқушылардың сабаққа қатысуын тексеру.

2.Оқушылардың зейінін сабаққа аудару

3. Сабақтың мақсатын айту

II. Өткен сабақты қайталау

а) «Ой шақыру сатысы арқылы «Мен магнето туралы не білемін?» (оқушылар тақтаға өздері жазады)

Магнетоның құрылысы

Магнетоның маңызы, атқаратын қызметі

Электр ұшқынымен тұтандыратын жүйенің 2 түрі болады: бірі- батареялық тұтандыру жүйесі, екінші-магнетолдық тұтандыру жүйесі, екіншісі- магнетолық тұтандыру жүйесі. Олардың бір- бірінен айтарлықтай айырмашылығы бар.

Батареялық тұтандыру жүйесінің энергия көзі батарея немесе генератор болса, магнетолық жүйеде- магнето болады. Тракторларда негізінен магнетолық тұтандыру жүйесі қолданылады. Төменгі кернеулі тоқты өндіру және оны жоғарғы кернеу тоғына айналдыру іске қосқыш двигательдің магнето деп аталатын приборында жүреді.

2.Магнетоның құрлысы.

Магнит өткізгіштігі жоғары темірден құралған өзекше таға тәрізді жасалады да, оның ішінде тұрақты магниті бар ротор айналып тұрады. Сол ротормен бір білікте бір жұдырықша бекітілген. Жұдырықша үзгіш қондырғының жылжымалы контактісімен жанасып тұрады. Өзекшенің сыртына екі түрлі орам кигізіледі: біріншісі төменгі кернеулі орам, екіншісі жоғарғы кернеулі орам.

Бірінші орамның бір ұшы өзекше арқылы магнето массасымен, ал екінші ұшы үзгіш қондырғының жылжымалы контактісі арқылы жалғасады, контактісі арқылы жалғасады, контактісі жабық кезінде өзінен тоқ өткізе алады. Екіншісі орамның бір үшы бірінші орам арқылы магнето массасымен , ал екінші ұшы тұтандырғыштың орталық электродымен жалғасады.

Екінші орамнан тоқ жүрсе, тұтандырғыш электродтарының аралығындағы ауа кеңістіктен өтеді де, электр ұшқының тудырады.

3.Магнетоның жұмыс принципі.

Оталдырғыш двигательді іске қосу үшін электр стартерімен оның иінді білігін айналдырады.Онымен муфты арқылы жалғасқан магнето білігі де айналады, яғни ротор айналады.Ротордағы магниттің айналысы өзекшеде шамасы да, бағыты да айнымалы магнит өрісін тудырады. Бұл магнит өрісі өзекшенің сыртында кигізілген бірінші орамдағы өткізгіш сымдарды кесіп өтеді де, олардың бойында айнымалы идукциялық тоқ туғызады. Бірақ бұл тоқтұтандырғышта ұшқын тудыруға қуаты жетпейді. Сондықтан оның кернеуін жоғарлату керек. Ол үшін бірінші орамдағы тоқ ең үлкен болған кезінде жұдырықшаның көмегімен үзгіштің жылжымалы контактісі ажыратылады, бірінші орамдағы тоқ тез жоғалады. Бірінші орамдағы тоқтың тез жоғалуы өзекшеде күшті магнит ағымын тудырады. Енді сол магнит ағымы екінші өткізгіштер бойынша жоғарғы кернеулі тоқ тудырады. Осы жоғарғы кернеулі тоқ тізбектен өтеді.

Магнето массасы – бірінші орам, екінші орам-тұтандырғыш-масса.

Тұтандырғыштан тоқ өткендіктен электр ұшқыны туады да цилиндр ішіндегі жанар май қоспасын тұтандырады.