Статистикалық деректерді көрсету тәсілдері, 5-сынып

Сабақ жоспарлау үлгісі

Ұзақ мерзімді жоспардың тарауы: 5, 4 с Диаграммалар Мектеп:

Күні:

Сынып: 5 Мұғалімнің аты-жөні:

Қатысқандар: Қатыспағандар:

Сабақтың тақырыбы

Статистикалық деректерді көрсету тәсілдері

Осы сабақта қол жеткізілетін оқу мақсаттары(оқу бағдарламасына сілтеме)

5.4.4.3 Кестелер немесе диаграммалар түріндегі берілген статистикалық ақпаратты алады.

Сабақтың мақсаты

Барлық оқушылар: статистикалық деректерді көрсету тәсілдерін біледі.

Басым бөлігі: статистикалық мәліметті кесте түрінде берілген ақпаратты алуды біледі.

Кейбір оқушылар: статистикалық кесте немесе диаграмма түрінде түзілген ақпаратты ала алады.

Бағалау критерийі

- Статистикалық деректерді көрсету тәсілін біледі.

- Статистикалық ақпаратты кесте және диаграмма түрінде алады.

Тілдік мақсаттар

-Диаграммаларды салу алгоритмін түсіндіреді.

-Кестелер және диаграммалармен берілген деректерді оқи алады.

Пәнге тән лексика мен терминология:

-Статистикалық деректер

-Ақпарат

-Деректерді талдау

Диалогпен жазу үшін пайдалы сөздер мен тіркестер

-Диаграмма – бұл статистикалық деректерді графикалық кескіндеу.

-Диаграмма деректеріне сүйеніп . . . айтуға болады.

-Диаграмма (кесте) деректері бойынша келесі қорытынды жасауға болады . . . .

Құндылықтарды баулу

-Топпен жұмыс жасай отырып жақсы қарым-қатынас орнату, жауапкершілікке тәрбиелеу, ынтамақтастықты қалыптастыру.

-Бірлесе шешім қабылдай алу.

Пәнаралық байланыс

География, тарих.

Алдыңғы білім

Дөңгелек секторы диаграмма.

Санның пайызын табу.

Градустық өлшем, бұрыш.

Сабақтың барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

10 минут

Сәлемдесу. Оқушылардың жылдамдық, шапшаңдық дағдысын дамыту үшін бес секундта бірнеше адаммен сәлемдесу тапсырмасын беру.

Үй тапсырмасын пысықтау үшін зейінді шоғырландыруға арналған жаттығу (ширату):

“Ой қозғау”-“Үш сұрақ” тәсілі бойынша. Мұнда өткен сабаққа қатысты үш терминді тақтаға жазып, осы атауларға мынадай сұрақтарға жазбаша жауап беруді тапсырады.

Қайда? Бұл терминді қайда және қандай мағынада кездестіріп едің?

Қалай? Осы атауларды қай жерде көргенің туралы мысалдарын келтіре аласың ба?

Қандай? Осы сабақта бұл атаулар қандай қолданыста болады деп ойлайсың?

Үйге берілген тапсырманы қаншылықты білетінін өзара бағалау үшін “Мен-саған, сен-маған” әдісі арқылы жазба жұмыстарын жұпта тексеру.

“Мозайка” әдісі бойынша сурет арқылы сыныпты топқа біріктіру.

Миға шабуыл:

Балалар қалай ойлайсыңдар мына тақтадан қандай бұрыштың түрлерін көріп тұрсыңдар?

А

В

О

D

Е К С

N

O F

Мозайка (сурет қиындылары)

Презентация

1 слайд

Сабақтың ортасы

Жаңа тақырып түсіндіру

15 минут

Жаңа тақырыпты ашу: біздің сабағымыз дөңгелек диаграмма, бағандық диаграмма, кестелер салуға байланысты

Тақырыбымыз: Статистикалық деректерді көрсету тәсілдері.

Бір шаманың әр түрлі сан мәндерін салыстырап көрсету үшін бағанды диаграмма пайдаланылады.

Бағанды түзу бойында бірдей қашықтықтарда орналасқан ендері бірдей, ұзындықтары шамалардың сан мәндеріне сәйкес бағандардан тұрады.

1-мысал: Ертіс, Есіл, Жайық және Сырдария өзендерінің ұзындықтарын жүздікке дейін дөңгелектеп алғанда: Ертіс өзенінің ұзындығы 4 200 км, Есіл өзенінің ұзындығы 2 500 км, Жайық өзенінің ұзындығы 2 400 км, Сырдария өзенінің ұзындығы 2 200 км. Осы өзендердің ұзындықтарын көрсететін диаграмма сызайық.