Статистикалық деректерді көрсету тәсілдері 5 сынып

Қысқа мерзімді жоспар

Ұзақ мерзімді жоспар бөлімі:

5.4C Диаграмма

Мектеп: №27 М.Маметова физика-математика бағытындағы мектеп-лицейі

Күні:

Мұғалімнің аты-жөні: Масалиева Алтынганым Утегуловна

Сынып: 5

Қатысқандар саны:15

Қатыспағандар саны: 0

Сабақ тақырыбы

Статистикалық деректерді көрсету тәсілдері

Оқу мақсаттары

Кесте немесе диаграмма түрінде берілген статистикалық ақпаратты алу;

Сабақ мақсаттары

- Диаграмма түрлерін таниды, диаграмма сала алады, диаграммадан мәліметтерді ала алады

- Дөңгелек,сызықтық және бағанды диаграммалар сала алады және диаграммалар түрінде берілген статистикалық ақпараттарды ала алады;

- Статистикалық деректерді көрсету және талдау үшін диаграммаларды қолдана алады;

Бағалау критерийлері

- Диаграмма түрлерін ажыратады, салады, диаграммадан мәліметтерді алады

-Дөңгелек,сызықтық және бағанды диаграммалар салады,

диаграммалар түрінде берілген статистикалық ақпараттарды алады.

-Статистикалық деректерді көрсету және талдау үшін диаграммаларды қолданады.

Тілдік мақсаттар

Оқушылар қажетті ережелер мен терминдерді қолданып тұжырымдар жасайды, талдайды

Пәнге тән лексика мен терминология:

-диаграмма;

- сызықтық диаграмма;

- дөңгелек диаграмма

- бағанды диаграмма;

- статистикалық деректер;

- ақпарат;

- деректерді талдау.

Диалогқа/жазылымға қажетті тіркестер:

- диаграмма – бұл статистикалық деректерді графикалық кескіндеу;

- мына диаграмма ... көрсетеді;

- дөңгелек (бағанды) диаграмманы салу үшін ... керек;

- диаграмма деректеріне сүйеніп, ... айтуға болады.

- диаграмма деректерін салыстыра отырып, ... ;

- диаграмма (кесте) деректері бойынша келесі қорытындыны жасауға болады: ...

Құндылықтарды дарыту

«Мәңгілік Ел» идеясының маңызды құрамдас бөліктері болып табылатын азаматтық және жалпыұлттық идея азаматтылығы мен әлеуметтік белсенділігі жоғары деңгейлі зияткер әрі бәсекеге қабілетті тұлғаға тән қасиет-сапаларды жетілдіруге бағытталғандықтан:

Қазақстандық патриотизм және азаматтық жауапкершілік, ашықтық пен ынтымақтастық, өмір бойы білім алу құндылықтары қалыптастырылады.

Пәнаралық (пәнішілік) байланыстар

Геометрия, информатика

АКТ қолдану дағдылары

Excel бағдарламасында диаграмма салу туралы алғашқы түсініктері қалыптасады

Осыған дейін меңгерілген білім

- санның бөлігін таба алады;

-санның пайызын таба алады;

-дөңгелек, сызықтық және бағанды диаграммалар туралы түсініктері болады;

- дөңгелек, сызықтық және бағанды диаграммаларды сала алады;

Сабақ барысы

Сабақтыңкезеңдері

Сабақтағы жоспарланған іс-әрекет

Ресурстар

Сабақтың басы 3 минут

5 минут

7 минут

Сабақтың ортасы

5 минут

10 минут

7 минут

Ұйымдастыру кезеңі

Оқушылармен сәлемдесу, олардың сабаққа даярлықтарын қадағалау.

Топқа бөлу. «Сұрақтар жаңбыры» әдісі

Мұғалім өз бетінше үш оқушыны таңдап оларға үлестірме материалдарды тең бөліп береді.

Олар бір-бір үлестірмеден өздеріне қалдырып, қалғандарын оқушылардың алдына «Жау, жау жаңбыр жау жаңбыр » деп үлестірмелерді оқушылардың алдына шашып тастайды. Оқушылар алған үлестірмесіндегі суреттерге сай топтарға бөлінеді.

І топ суреті

ІІ топ суреті

ІІІ топ суреті

Топтық жұмыс (гендерлік аралас топ) . Әр топтағы оқушылар суретті үлестірмелерінің келесі бетіндегі тапсырмаларын біріктіріп, топпен орындайды ( Бұл тапсырмада ойлау дағдыларының деңгейлері мен үй тапсырмасының орындалуы анықталады).

І топ тапсырмалары:

Сіздің үлестірмеңіздегі диаграмма суреті диаграмманың қай түріне жатады?

Егін алқабының 75%-ы жыртылды. Егін алқабының жыртылған және жыртылмаған бөліктерін дөңгелек диаграмма арқылы көрсетіңіздер.

Саябақтағы ағаштардың 10-ы шырша, 20-сы қайың, 11-і терек, 12-сі емен және 19-ы балқарағай ағаштары. Осы мәліметтерді сызықтық диаграмма түрінде көрсетіңіздер.

Құлпынай тосабының 5 бөлігі құлпынай, ал 4 бөлігі қант. Құлпынай тосабы құрамын дөңгелек диаграмма арқылы көрсетіңіздер.

Бағанды және сызықтық диаграммалардың ерекшеліктерін және ұқсастықтарын Эйлер-Венн диаграммасына салып көрсетіңіздер.

ІІ топ тапсырмалары:

Сіздің үлестірмеңіздегі диаграмма суреті диаграмманың қай түріне жатады?

Егін алқабының 60%-ы жыртылды. Егін алқабының жыртылған және жыртылмаған бөліктерін дөңгелек диаграмма арқылы көрсетіңіздер.

Бақшадағы гүлдердің 15-і раушан гүлі, 10-ы түймедақ гүлі, 13-і қызғалдақ, 8-і жұлдызгүл. Бақшадағы гүлдердің санын бағанды диаграмма түрінде көрсетіңіздер.

Сыныптағы 21 оқушының 7-уі қыздар. Сыныптағы ұлдар мен қыздар санының дөңгелек диаграммасын салыңдар.

Бағанды және дөңгелек диаграммалардың ерекшеліктерін және ұқсастықтарын Эйлер-Венн диаграммасына салып көрсетіңіздер.

ІІІ топ тапсырмалары:

Сіздің үлестірмеңіздегі диаграмма суреті диаграмманың қай түріне жатады?

Егін алқабының 40%-ы жыртылды. Егін алқабының жыртылған және жыртылмаған бөліктерін дөңгелек диаграмма арқылы көрсетіңіздер.

1940 жылы белгілі еңбек ардагері Шығанақ Берсиев әр гектардан 125 ц, 1941 жылы 150 ц тары жинаған. 10 ц-ді 0,5 см деп алып, мәліметтерді бағанды диаграммамен көрсетіңіздер.

Бақылау жұмысының нәтижесі бойынша сыныптағы 30 оқушының 50 %-ы жақсы, 25 %-ы өте жақсы , ал қалған оқушылар қанағаттанарлық деген баға алды. Бақылау жұмысы нәтижесін дөңгелек диаграмма арқылы көрсетіңдер.

Сызықтық және дөңгелек диаграммалардың ерекшеліктерін және ұқсастықтарын Эйлер-Венн диаграммасына салып көрсетіңіздер.

«Галлерея серуен» әдісі. Бірінші тапсырмадан басқаларының нәтижелері А4 форматқа салынып тақтаға ілінеді.

Ойлау дағдыларының деңгейлері: Түсіну, қолдану, талдау

Бағалау критерийлері

Дескриптор

Диаграммаларды ажыратады

Түрін анықтайды

Диаграмма салады

-сектордың градустық өлшемін есептейді;

- берілген градустық өлшеммен секторды салады;

- секторлар атауларын жазады

Диаграмма салады

-Осьтерін белгілейді

-Масштабты дұрыс таңдайды

-бағанды диаграмманы салады

Диаграммаларды ажыратады

- ортақ қасиеттерін анықтайды

- әр диаграммаға тән ерекшеліктерді анықтайды

-Эйлер-Венн диаграммасына салады

Бағалау. «Галлереяға» ілінген нәтижелерді қарау арқылы топтар бір-бірін бағалайды І топ ІІ топты, ІІ топ ІІІ топты, ІІІ топ І топты.

Бағалау әдісі: Келісеміз-тілек айту, Келіспейміз-ұсыныс айту

Мұғалім пәнаралық байланысты көрсету мақсатында оқушыларға интерактивті тақтада Excel бағдарламасында оқушыларды өткен тоқсан бойынша үлгерімін дөңгелек диаграммада кескіндейді.

Саралау тапсырмалары.

Жеке жұмыс. Мұғалім әр оқушыға үлгеріміне сай келетін түстегі үлестірмелі материалдағы тапсырмаларды алуды ұсынады.

А тобы тапсырмасы.

15 м, 30 м, 45 м шамаларын тіктөртбұрышты диаграмма арқылы көрсету үшін тіктөртбұрыш қабырғасының ұзындығын қанша см етіп алу керек.…