Студенттер тобындағы қарым-қатынас пен кері байланыс

ӘЛ-ФАРАБИ АТЫНДАҒЫ ҚАЗАҚ ҰЛТТЫҚ УНИВЕРСИТЕТІНДЕ БАСҚАРУ ПСИХОЛОГИЯСЫ ПӘНІ АЯСЫНДАҒЫ СТУДЕНТТЕР ТОБЫНДАҒЫ ҚАРЫМ –

ҚАТЫНАС ТҮРЛЕРІ МЕН КЕРІ БАЙЛАНЫС

Әл-Фараби атындағы Қазақ ұлттық университеті – еліміздің білім және ғылым саласындағы көшбасшы жоғарғы оқу орны. Оның тарихы тереңде, ғасырдан астам уақыт ішінде университет көптеген ұрпақты тәрбиелеп, еліміздің білікті мамандарын даярлап шығарды. Қара шаңырағымыздың негізгі мақсаты тек білім беру ғана емес, сонымен қатар студенттердің кәсіби құзіреттіліктерін дамыту болып табылады. Бұл мақсатқа жету жолында аталған оқу орны түрлі пәндер мен әдістемелік тәсілдер арқылы студенттердің тұлғалық және кәсіби дамуын қамтамасыз етеді.

Магистратура бағдарламасының құрамында оқытылып жатқан «Басқару психологиясы» пәні студенттерге басқару үдерістерін тиімді жүзеге асыруға қажетті психологиялық дағдыларды меңгеруге мүмкіндік береді. Психология ғылымдарының кандидаты, жалпы және қолданбалы психология кафедрасының профессоры - Болтаева Алия Масакбаевна, бізге осы пәннің аясында басқару жүйесіндегі қарым-қатынас түрлерін, кері байланыс механизмдерін және қабылдау процестерін тереңінен түсіндіруде. Пән аясында алынған теориялық білімді біз өзіміздің педагогикалық тәжірибемізде қолдана отырып, студенттер арасындағы коммуникацияны жақсарту және топтық жұмыстарды тиімді ұйымдастыруға бағытталған түрлі әдістер мен тәсілдерді меңгерудеміз.

Педагогикалық тәжірибе барысында біз тек теориялық білімдерді меңгеріп қана қоймай, оны практикалық тұрғыда да пайдалану мүмкіндігіне ие болдық. Оқытушының ұсынған әдістері мен тәсілдері, әсіресе қарым-қатынас түрлерін, кері байланысты және әлеуметтік қабылдау мәселелерін дұрыс қолдану бізге ұжымдағы психологиялық ахуалды жақсартуға көмектесті. Сонымен қатар, бұл білімдер топтың ішіндегі өзара түсіністік пен ынтымақтастықты арттыруға, топ мүшелерінің мотивациясын күшейтуге, сондай-ақ ұжымдық жұмыстың тиімділігін арттыруға мүмкіндік береді.

Қарым-қатынас адамның өміріндегі маңызды әлеуметтік және психологиялық құбылыс болып табылады. Ол жеке тұлғаның өзара әрекеттесуінің негізі, сондықтан қарым- қатынас түрлерінің алуан түрлілігі мен ерекшеліктері психологияда терең зерттелген. Әсіресе, басқару психологиясында қарым-қатынас жүйесі ұйымдастырушы әрекеттердің тиімділігін арттырудың негізгі факторларының бірі болып табылады. 1. Вербальды қарым-қатынас (ауызша және жазбаша) Вербальды қарым-қатынас – бұл ақпарат алмасудың негізгі құралы болып табылады. Ол адамның сөйлеу қабілетіне, тілдік қарым-қатынас дағдыларына және әлеуметтік коммуникация деңгейіне тәуелді. Біздің педагогикалық тәжірибемізде вербальды қарым- қатынас әсіресе оқытушы мен студенттер арасында маңызды рөл атқарады. Студенттер арасында өз ойларын нақты, дұрыс әрі дәл жеткізе білу қабілеті әрбір ұжым мүшесінің коммуникативті дағдысын арттыруға ықпал етеді. Сондай-ақ, жазбаша қарым-қатынас студенттердің зерттеу жұмыстары мен жобаларын дайындау барысында олардың логикалық ойлау қабілеттерін дамытады. 2. Бейвербальды қарым-қатынас Бейвербальды қарым-қатынас – бұл адамдар арасындағы қарым-қатынас барысында сөздер мен тілдік құралдарды қолданбай-ақ, ым-ишаралар, б