Су өмірдің нәрі ашық сабағы мектепке дейінгі балаларға

Тақырыбы: «Су- өмірдің нәрі»

Мақсаты:

Табиғаттағы судың айналымы туралы білім беру.

Тәжірибе арқылы судың қасиетімен таныстыру;

Бірлесіп жұмыс жасауда өзара сыйластыққа, түсіністікке тәрбиелеу.

Әдіс-тәсілдері: әңгімелеу, түсіндіру, сұрақ-жауап, тәжірибе жасау. Сөздік жұмыс: cу-вода, мұз-лед, қар-снег.Керекті заттар: су, мұз, қар, қант, тұз, бояулар.

Әңгімелесу

«Күн, су, ауа – жақсы достарымыз» атты су туралы білген мәліметтерді балалардың есіне түсіреді.

Су-Жердегі тіршілік көзі. Таза күйінде оның дәмі, иісі мен түсі болмайды. Су аққыш, оның тұрақты пішіні жоқ. Су өмір бойы айналамызда болады. Ол жаңбырмен жерге түседі, артық болып ағып, өзенді құрайды, ал содан кейін қайтадан күн шуағымен бу болып, аспанға көтеріліп, жер бетіне жаңбыр болып, қайта оралады. Жаңбырдан аққан кішкентай сулар бірігіп, жылғалар болып, үлкен теңізді құрайды.

Табиғи су көздеріне өзендер, теңіздер, көлдер, бұлақтар, құдықтар жатады.

Су үш түрі бар: сұйық, қатты, бу.

-Судың қандай қасиеттері бар? Аққыш, еріткіш, қосылған заттың иісін, дәмін, түсін қабылдайды.

1-тәжірибе: «Су сұйық, сондықтан ағады»

Балаларға стакандағы суды екінші бос стаканға төкпей – шашпай құюды ұсынады. Су аға ма? Неліктен? Өйткені - ол сұйық. Егер су сұйық болмаса, онда ол өзендерден, арықтардан аға алмас еді.

2- тәжірибе «Мұз – қатты су»

Балалар жылы бөлмеде мұздың ерігенін бақылайды.

Педагог жартылай еріген ыдыстағы мұзды немесе, тоңазытқышта қатырылған мұздың ерігеніне бақылау жүргізуді ұсынады. Балалардың назарларын мұздың пішінінің бірте – бірте кішірейгеніне аудара отырып, оларға не болғанын сұрайды. Шешім: мұз, қар – бұл да су.

3-тәжірибе «Бу- бұл да су»

Судың тағы бір қасиетін көрсету үшін, қайнаған суы бар шәйнекті алу керек. Одан шыққан буды көру үшін, оны ашып көрсету.

Бу да су екенін дәлелдеу үшін буға әйнек немесе айнаны ұстау керек. Одан су тамшылары кері аққанын балаларға көрсету.

4-тәжірибе «Судың түсі өзгеруі»

Стақандағы мөлдір суға бояуды қосып, судың түсі өзгергенін көреміз.

5-тәжірибе «Су-еріткіш және дәмі өзгереді»

Стақандағы суға тұз бен қант салып, еріткіш екенін дәлелдеу және дәмі өзгергенін анықтау.

Қорытынды