Су өмірдің нәрі мектепалды тәрбие сағаты

Тақырыбы: «Су – өмірдің нәрі»

Мақсаты: Балаларға су туралы түсінік беру, және судың қажеттілігін, адамдар, жануарлар мен өсімдіктердің тіршілігіндегі маңызы туралы түсіндіру. Судың табиғатта баға жетпес сый екенін үйрету.

Суды үнемдеп пайдалануға , суды ластамауға тәрбиелеу.

Барысы:

- Балалар, барлығымыз шаттық шеңберге тұрып, қонақтармен амандасайықшы!

Арайлап бүгін атты күн

Шашты бізге шапағын

Тілейміз сізге ақ таңның

Қуанышын шаттығын.

- Сәлеметсіздер ме? апайлар!

Шаттық шеңбері

Күннен шуақ аламыз

Жерден қуат аламыз

Бейбіт күнде шат күлген

Біз бақытты баламыз.

Судай таза көңілмен

Бүгінгі күнді бастайық.

Балалар суды біз не үшін қолданамыз?

Суды ішеміз, сумен жуынамыз, сумен өсімдіктерді бау-бақшаны суарамыз. Сусыз ас әзірленбейді, сусыз кір жуылмайды.

Балалар су - өміріміздің нәрі, тіршілік көзі екендігіне көз жеткізейік.

Балалардың назарын су құйылған ыдысқа аудару.

- Мынау не?

Су жүргізер тіршіліктің тамырын,

Су жоқ болса, тіршілік тамам, балалар.

Судың біз біле тұра маңызын,

Көп болған соң, ұмытамыз қадірін.

- Балалар, өлең жолдарында айтылғандай, су болмаса тіршілік болмайды. - Су қандай? су таза, мөлдір, иіссіз.

- Ал, кім су туралы тақпақ біледі екен?

1-бала. Сылдыр, сылдыр , сылдыр су,

Сылдыр суға бетің жу.

Жуынсаң сен әрдайым,

Аппақ бетің, маңдайың.

2-бала. Су - тіршілік, білсеңдер,

Судан ырыс күткен жер.

«Суды лайлама, түкірме»,

Деп үйретер үлкендер.

3-бала. Су - табиғат байлығы,

Тап-таза боп жүргейсің.

Кемі екі рет әр апта,

Суға түсіп тұрғайсың.

Судың үш күйін байқау.

Судың түсі қандай? судың түсі мөлдір, сұйық.

Суды стаканға құйып, бір күн мұздатқышқа қойсақ қатты денеге айналады. Суды қайнатқанда буға айналады.

Тәрбиеші: Балалар, мен сендерді судың қасиеті мен, құрамы мен танысу үшін қызықты тәжірибе жасауға шақырамын.

Үстел үстінде ыдыстарға құйылған су бар.

- Судың дәмі барма? Судың дәмі жоқ

- Дұрыс айтасыңдар, су дәмсіз, иіссіз, түссіз осыны біз тексерейік. Алдарыңда ыдысқа су құйылған, сол суды ішіп көріңдер.

«Сумен ойын» осы суға кейбіреулерің қант қосып көріңдер, ал басқаларың тұз қосып көріңдер. Суды ішіп көріңдер, дәмі қандай болады екен? Қант қосқан балалар, тәтті…