Судың қасиеттері мектепке дейінгі ашық сабағы

Білім беру саласы: Таным,Әлеумет Шығармашылық

Бөлімі: Қоршаған ортамен таныстыру, экология,

Тақырыбы: «Судың қасиеттері» Ұ.о.қ әдісі-

Мақсаты

Дамытушылық: Су туралы мағлұмат беру, тәжірибе жасау арқылы судың қасиеттерімен таныстыру.

Білімділік: Табиғатқа деген сүйіспеншіліктерін, қызығушылықтарын арттыра отырып, табиғаттың әдемі сұлулығын көре білуге және оған қамқор болуға тәрбиелеу.

Тәрбиелік: Табиғатқа қамқорлық жасау және аялауға тәрбиелеу.

Көрнекіліктері: Суреттер су, құм, сүт, қасық, бояу Құрал жабдықтар: СТО

Билингвалды компонент: Су – вода -water , құм – песок-sand, сүт – молоко-milk.

Әдіс тәсілі: Үйрету әңгімелеу, түсіндіру, сұрақтар, сергіту сәті

Сөздік жұмыс: сұйық сусымалы.

Инклюзивтік әлеумет: баяу әңгімелесетін балалармен жұмыс жасауы.

Іс – әрекет кезеңдері

Тәрбиешінің іс – әрекеті

Балалардың іс – әрекеті

Мотивациялық қозғаушы

Ұйымдастыру – ізденістік.

Қорытынды

Шаттық шеңберге тұрғызу

Күндей жарқырап,

Айдай арайлап,

Жұлдыздай жарқырап,

Судай мөлдір, таза көңілмен,

Бүгінгі күнді бастайық.

Балалар, бүгінгі ұйымдастырылған оқу іс – әрекетіміз табиғат туралы. Табиғат дегеніміз – бізді қоршаған орта. Табиғат өлі және тірі табиғат болып екіге бөлінеді. Өлі табиғатқа құм, топырақ, су ал тірі табиғатқа өсімдіктер ағаштар, гүлдер, шөптержатады.

Осы сәтте үн таспа арқылы судың сарқыраған, толқынның ескен лебінің дыбыстары қосылады.

Балалар қандай дыбыстар естідіңдер?

Су қандай табиғатқа жатады?

Балалар , суды адамдар не үшін пайдаланады?

Ал жануарлар, балықтар мен өсімдіктерге не үшін қажет?

Қане балалар бәріміз мына жұмбақты шешейік.

Жылт – жылт еткен,

жылғыдан өткен

бұл не?

Аспаннан домалап,

көп моншақ төгілді

бұл не?

Ғажайып сәт:

Су патшалығы топқа келеді. Сәлеметсіңдер ме балалар! Көңіл күйлерің қалай. Мен су патшалағынан келдім. Сендерге су жайлы айтқалы келдім.

Балалар су біздің өміріміздің бір мәні, сусыз өмір жоқ суды төгіп шашпаумыз керек, орынсыз жұмсамағанымыз жөн.

Тәрбиеші: Рахмет су патшалығы

Балалар , судың пішіні бола ма?

(тарелкага суды құйып) көрсету.

Өте дұрыс жарайсыңдар!

Ал сендер суға байланысты қандай мақал – мәтелдер білесіңдер?

Су - табиғат ажары

Су – тазалық досы

Дұрыс айтасыңдар!

Ал енді мен сендерге жұмбақ жасырамын: (жауабын тапқан бала сол суреттерді тақтаға іледі.)

Дәмі де жоқ, түсі жоқ пайдаланбас кісі жоқ

Моншағымын көктің,

тесті түбін шөптің

көз жасын төгіп елжіреп, жүреді көкте көлбіреп,

жел құса кетер селдіреп

-жарайсыңдар балалар! Міне осылардың барлығы сумен байланысты.

Сергіту сәті

Биік болып өсеміз,

Жапырақтай жайқалып

Ағаштарға су құйып,

Өсіреміз сая бақ

Ал енді балалар сендер мен бірігіп бірнеше тәжірибелер жүргізіп көрейік.

Судың түрін ажырату

І – тәжірибе

2 стакан аламыз Біреуіне су, ал екіншісіне сүт құйамыз. Екі ыдысқа да қасық салып оның қайсысынан көрінетінін , көрінбейтінін бақлаймыз. Суы бар ыдыстан қасықты көруге бола ма? Әлде сүт тұрған ыдыстан қасықты көруге бола ма?

Ия дұрыс айтасыңдар.

«Су – мөлдір, сүт мөлдір емес»

ІІ – тәжірибе

Судың түсін өзгерту. Әр балаға бояу жағылған қылқалам беру. Суды араластырамыз .

Қане балалар судың түсі өзгердіма?

ІІІ – тәжірибе

2 ыдыста су бар, пішіндері әр түрлі.

Бұлардың ішінде су бар. Судың пішіні қандай?

Дұрыс, суды қандай ыдысқа құйсаң ыдыстың пішіні сондай болады.

IV – тәжірибе

Енді ыдысқа құм саламын. Ол да ыдыстың пішініндей. Сонда құм сұйық зат болғаны ма? Осыны тексеріп көз жеткізейік. Суды жалпақ табаққа төгем, су жайылып кетті. Яғни су – сұйық зат.

Ал құмды төгейін , ол үйіліп қалды.

Олай болса, құм сұйық зат емес, сусымалы зат екен. Демек , су мен құм әр түрлі заттар екен.

Құм – сусымалы зат

Су – сұйық зат.

Балалар, біз бүгін қандай тақырыппен таныстық? Судың біздің өмірімізге тигізер пайдасы қандай? Қонаққа кім келді?