Сүйікті мамандық және жаңашыл әдіс-тәсілдер материалы

Коктеубаева Эльмира Бекбергенқызы

Қазақ тілі мен әдебиеті пәні мұғалімі

Жамбыл облысы,Меркі ауданы,Гранитогор кенті

«Көп балалы және аз қамтамасыз етілген отбасылардың

балаларына арналған мектеп - интернаты» КММ

Эссе

«Менің сүйікті мамандығым және инновациялық әдіс-тәсілдерім»

Менің мамандығым - мұғалім. Менің ойымша, бұл жай мамандық емес – бұл әрбір адам баласын дұрыс бағытқа сілтейтін ең ғажап мамандық. Мен балалық шағымнан мұғалім болуды армандадым. Тіпті менің балалық ойындарымның барлығы дәл осы мамандықпен байланысты болды.Менің мұғалім болуыма себепкер әрине дәл осы мамандық иелері еді. Дәлірек айтсақ, мектеп табалдырығын аттаған сәттен бастап біз үшін еңбек еткен ұлағатты ұстаздар қауымы болатын. Олар маған жаңа әлем есігін ашқандай әсер етті. Сол үшін де ұстаздар мен үшін өмірімдегі ең маңызды тұлғалардың бірі болды. Уақыт өте келе ересек шаққа аяқ басқанда бұл мамандықтың нағыз адамының бірі «мен» екенін түсіндім.

Мен үшін мұғалім болу нені білдіреді? Бұл мамандық оқушыларға бір нәрсені үйретудің мүмкіндігі ғана емес, сонымен бірге олармен күнделікті қарым-қатынас жасай отырып, үйрете жүріп, үйренуге жол ашатын мамандық. Оқушылар сана деңгейінде өзгереді әрі өседі, ал мен олармен бірге білім әлемінде тәжірибемді кеңейтемін. Мен шындығында бүкіл әлемге оқушылардың сөздерімен, ойларымен бір табан жақындап, сонымен қатар олардың көзімен қарап қуаныш сезіміне бөленемін.Ия, мен үшін «мұғалім» мамандық емес, әлеуметтік лауазым да емес, тіпті жұмыс емес ... Мен үшін мұғалім болу, мұғалім болып өмір сүруді білдіреді. Қазіргі таңда мен қазақ тілі пәнінің мұғалімімін. Мен өз пәнімді жақсы көремін, мен үшін сабаққа дайындалу қызықты. Білім алушының білімін жоғары деңгейге көтеру осы мақсаттарды алға қоя отырып, жаңа технологиялардың қолданылуын, тәжірибе алмасу, тіл мамандарының күнделікті жұмыстары болып табылады. Тілдің руханиятымыздың өзегі болуы да ,қолданылу аясының тарылып көмескіленуі де жастардың тілге деген жанашырлығына,тілдік сезіміне, тілдік талғамына тікелей байланысты.Тіл – біздің ең қымбат қазынамыз.

Мұғалім болу оңай емес. Бір жағынан, бұл үлкен жауапкершілік, екінші жағынан, өз бойыңдағы «шығармашылық әлеуеттің теңізі» іспеттес. Мұғалім – ең мықты жасаушы. Мұғалімге басты қазынаның есігі ашық – ол жылылықты, жылы сөзді, жаңа білімді…