Сыбайлас және вертикаль бұрыштар, 7 сынып

Күні: 3.10.2019

Пәні: Геометрия

Сыныбы: 7 «Г»

Сабақтың тақырыбы: Сыбайлас және вертикаль бұрыштар

Жалпы мақсаты: «БжС» технологиясының «Ауызша сабақ -1» картасы бойынша сыбайлас және вертикаль бұрыштар туралы мәлімет беру, өз түсінгендерін тәжірбиеде қолдана білу.

Білімділік: Сыбайлас және вертикаль бұрыштар анықтамасымен танысу, қасиеттерін есеп шығаруда қолдана білуге үйрету.

Дамытушылық: Зейінді, ойлау жылдамдығын, есте сақтауды дамыту және сабаққа қызығушылықтарын арттыру сөздік қорларын молайту.

Тәрбиелік мәні: Тиянақты болуға, достыққа, ұйымшыл бола білуге жетелеу.

Оқу мақсаты: 7.1.1.9 сыбайлас және вертикаль бұрыштардың анықтамасын білу

7.1.1.10 сыбайлас және вертикаль бұрыштардың қасиеттерін дәлелдеу және қолдану

Міндеттері:

Қосымша материалдармен жұмыс істеу арқылы жаңа тақырыпты түсіну іскерлігін қалыптастыру;

Оқушылардың өздік жұмыстары арқылы білім беруге ықпал жасау.

Жаңа тақырыпты түсіну деңгейлерін анықтау;

Мұғалім үшін оқу нәтижелері:

Теориялық білімдерін практикалық жұмыстармен ұштастыру;

Оқушылардың өзін және достарын бағалауға мүмкіндік жасау.

Оқушылардың сыни көзқарасын дамыту.

Сабақтың түрі, әдіс-тәсілдері: «БжС» технологиясы бойынша жаңа тақырыпты түсіндіру.

Сабақта қолданылатын технологиялар: «Биоақпараттану және синергетика» технологиясы және ақпараттық коммуникациялық технология.

Карта түрі: «Ауызша сабақ-1 » картасы.

Сабақтың көрнекілігі: матрица, тірек сөздер, сын тұрғысынан сұрақтар , қарама-қарсы сұрақтар;

Сабақтың барысы:

І. Ұйымдастыру кезеңі.(оқушылармен амандасу, сабақтың тақырыбы мен мақсатын айту) – 1 мин

Ұжымды белсендіру үшін көшбасшыға сөз беріледі.

Сабақтың ұраны:

Білген сайын келеді біле бергім,

Білімдіні сүйетінін білем елдің

ІІ. Оқушылардың субъекті тәжірибесін өзектендіру. Өткен сабақ тақырыбы бойынша қарама-қарсы сұрақ қою - 8 мин

Зейіндерін тұрақтандыру-1 (шапалақ)I. Өткен тақырыптан сұрақтар

1) Геометрия сөзі қандай мағына береді? (грек сөзінен аударғанда жерді өлшеймін)

2) Геометрия ғылымы нені зерттейді ? (геометриялық фигуралардың қасиеттерін)

3) Мектеп геометрия курсы қандай бөлімдерге бөлінеді?(планиметрия мен стереометрия)

4) Планиметрия сөзі қандай мағына береді?(жазықтықты өлшеймін)

5) Стереометрия сөзі қандай мағына береді? (кеңістікті өлшеймін)

6) Аксиома деп нені айтады? (дәлелдеуді қажет етпейтін тұжырым)

7) Теорема деп нені айтады? (ақиқаттығы дәлелденетін сөйлем)

8) Планиметрияның негізгі ұғымдары? (нүкте мен түзу)

9) Жазықтықтағы нүктелерді қалай белгілейді? (латын алфавитінің бас әріптерімен)

10) Жазықтықтағы түзулерді қалай белгілейді?(латынның кіші әрпімен немесе екі бас әрпімен)

11) Негізгі ұғымдар дегеніміз не? (анықтамасыз қабылданатын ұғымдар)

12) Жазықтықты қалай белгілейді?(гректің әріптерімен)

13) Қандай түзулер қиылысатын түзулер деп аталады? (бір ортақ нүктесі бар екі түзу)

14) Қандай түзулер параллель деп аталады? (екі түзу бір жазықтықта жататын болса және ортақ нүктелері болмаса)

15) Қандай бұрыш тік бұрыш деп аталады? (градустық өлшемі 900 болатын бұрыш)

16) Сызбада түзуді сызу үшін қандай құрал пайдаланамыз? (сызғыш)

17) Жазықтық деп нені мысалға алуға болады? (үстелдің бетін, терезе әйнегінің бетін, тақтаның бетін)

18) Қандай кесінділерді тең кесінділер деп атаймыз? (беттестіргенде ұштары дәл келетін кесінділер немесе ұзындықтары тең )

19) Қандай бұрыштар тең бұрыштар деп аталады? (градустық бұрыштары тең немесе екі бұрышты беттестіргенде сәйкес қабырғалары және төбелері дәл келсе))

20) Жазыңқы бұрыштың градустық өлшемі нешеге тең? (1800)

21) Екі түзудің бір ортақ нүктесі болса,олар өзара қалай орналасады? (қиылысады)

22) Нүкте түзуді неше бөлікке бөледі? (екі жарты түзуге)

23) Сәуле дегеніміз не? (Жарты түзуді сәуле деп атайды немесе түзудегі бір нүктенің бір жағында орналасқан нүктелер жиыны)

24) Кез келген екі нүкте арқылы неше түзу жүргізуге болады? (бір ғана түзу)

25) Бұрыштың градустық өлшемін есептеу үшін қандай құрал пайдаланылады? (транспортир)

26) Теореманың шарты мен қорытындысы деген не? («Егер» деген сөзден «онда» деген сөзге дейін-теореманың шарты, «онда» сөзінен сөйлемнің соңына дейін –теореманың қорытындысы деп аталады)

27) Теореманы дәлелдеудің қандай тәсілдері бар? (тура және кері жору)

Біріншілік белгілеу. Барлық оқушылардың нәтижелері бойынша «-» немесе «+»

белгілері қойылады.

Сергіту сәті

ІІІ. Жаңа тақырыпты түсіндіру.

Мұғалім жаңа тақырыпқа қысқаша кіріспе мәлімет береді.

а) Қабылдауды ұйымдастыру. Тірек сөздермен жұмыс. 1 минут

Тақтадағы тақырыпқа байланысты тірек сөздерді балалар 45 сек минут ішінде оқып, есте сақтайды. Белгіленген уақыт біткен соң блок жабылады. Балалар естерінде қалған сөздерді дәптерлеріне жазады, жазып болған соң көршісімен алмасады, тексереді. Сөздердің саны матрицаға енгізіледі, сонан соң блок ашылады да, балалар қалдырып кеткен сөздерді дәптерлеріне жазып алады. Егер оқушылар 7 сөзді тез есте сақтап, дәптерлеріне жазып берсе, бұл ТКШ (төменгі көрсеткіш шектігіндегі) тапсырманы орындағаны, келесі сабақта жоғары АКШ (аралық көрсеткіш шектігіндегі) тапсырмаға қарай өту керек.…