Сын тұрғысынан ойлауды дамыту коучингінің рефлексиясы

Сабақ барысында оқушылардың сын тұрғысынан ойлау дағдыларын

дамытуға бағытталған құралдарды қолдану

Қазіргі замaнда мұғалім үшін ең басты назар аударатын нәрсе – бұл сабақ беру әдісі. Менің ойымша, мұғалім алға қойған мақсатына жету үшін қай әдісті қалай қолдану керектігін алдын ала жоспарлап алып, тиімді қолдана алған жағдайда ғана жетістікке жете алады. Осыған орай әріптестеріме сабақ кезеңдері мен онда қолданатын құралдарды ұғындыру мақсатында коучинг сабағымның тақырыбын «Сабақ барысында оқушылардың сын тұрғысынан ойлау дағдыларын дамытуға бағытталған құралдарды қолдану» тақырыбын таңдадым. Ондағы мақсатым әріптестерім сабақ кезеңдері мен сын тұрғысынан ойлау дағдыларын дамытуға бағытталған құралдарды сабақтарында тиімді қолдануға дағдыландыру. Бұдан күтетін нәтижем: мұғалімдер сын тұрғысынан ойлаудың бірнеше құралдарын үйренеді, сабақтарында ұтымды қолдануға машықтанады.

Коучинг сабағымды «Қозғалыстағы сурет» тренингімен бастадым. Мұғалімдер қозғала жүріп, арқаларына сурет салып, оған тілек жазып бір-біріне сыйлады. Осылай жағымды ахуал қалыптастырып алған соң стикер түстері арқылы «сары», «қызыл», «жасыл» топтарға бөлдім. Топқа бөлінбес бұрын «Егер өз түсіне қарай бөлінбей отырған мұғалім болса мен оны «Ыстық орындыққа» отырғызып, сұрақтар қоямын» деген ұсыныс жасаған едім мұғалімдер бірден өз топтарына барып отырды. Менің осы коучингтегі ең бірінші ұтымды шыққан жерім, бұған дейінгі коучингтерде кездескен кейбір мұғалімдердің сыңаржақтылық танытып, топқа бөлінбей отыру мәселесін осындай тәсіл арқылы шешкенім болды.

Осыдан кейін мұғалімдердің сыни ойлауын шыңдау мақсатында «Адамның бейнелері» серетін қойып, «қанша адамды байқадыңыздар» деп сұрағанымда түсініксіз суреттен Р деген әріптесім бірнеше адамның суретін атап өзінің сыни ойлауы жоғары екендігін байқатты. Төменгі деңгейлі сұрақтардан бастап, жоғарғы деңгейлі сұрақтарды қоюдың тиімді болғанын «Мармозетта дегеніміз не?, Ол не немесе кім?т.б» деген сұрақтарыма Ж. деген әріптесімнің «Ол маймыл емес пе» деп ой ұшқырлығының жымдамдығынан байқадым. Осыдан соң сабақтың кезеңдерін үш топқа «мотивация тудыру немесе қызығушылықты ояту», «мағынаны ажырату», «ой толғаныс» деп бөліп бердім. Мұғалімдер оқып шығып, топта талқылап, ішінен өздері «елші» сайлап ол елші басқа топтарға түсіндірді. Осы «Өкіл» әдісін қолданудағы мақсатым осы үш кезеңді барлық топ мүшелері бір сәтте толық…