Сыңғырла соңғы қоңырау бастауыш сыныпқа арналған материал

«Сыңғырла, күміс қоңырау» салтанатты жиыны

( Адай күйі ойналып тұрады.)

І жүргізуші: Құрметті ата-аналар, қадірлі қонақтар, аяулы ұстаздар, қымбатты

Оқушылар!

Міне, бүгін қызығы мен қиыншылығы мол, әр оқу жылы қайталанбас тарихқа толы мектептің мерекесі, оқушылардың сыныптан – сыныпқа көшіп, асыға күткен жазғы демалысқа шығарып салатын- соңғы қоңырау салтанаты.

ІІ жүргізуші: Кеше ғана тұлымдары желбіреп, жүректері лүпілдеп, мектеп қабырғасын имене аттаған ұл-қыздарымыз ойы толып, бойы өсіп, алтын ұя мектебімен қоштасқалы отыр. Бұл күн мектеп тарихында, мектеп бітіруші түлектер есінде мәңгі өшпесі анық.

Өзіңменен өлшеусіз нарқым менің,

Асқар тау, арқа тұтар алтын белім.

Ұядан ұрпағыңды ұшырмаққа,

Қош келдің, айналайын халқым менің!

І жүргізуші:

Өлшеулі ар-намыс пен нарқымыздың,

Қорғаны адамдық пен салтымыздың.

Армысыздар, аяулы ұстаздарым,

Сенері сіздерсіздер халқымыздың.

ІІ жүргізуші: Бүгінгі күні кең байтақ Отанымыз Қазақстанның түкпір- түкпіріндегі білім ордаларында «Соңғы қоңырау» мерекесі өткізілуде. Мектеп бітіруші түлектер үшін ең қымбат, ең бір қыймас ұмытылмас сәт, соңғы рет естілетін соңғы қоңырау үні. Ендеше бүгінгі «Сыңғырла, күміс қоңырау» атты салтанатты жиынымызды бастаймыз.

ІІ жүргізуші:

Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Түлектерді шақырайық ортаға.

( Музыка ойналып тұрады.)

І жүргізуші: Биылғы оқу жылында оқу жылында мектебімізді бітіргелі тұрған, алтын ұя мектебімен қоштасқалы отырған мектеп бітіруші түлектерді құрметпен ортаға шақырамыз.

Қарсы алайық, тамсанайық біз енді,

Бозбала мен бойжеткен сап түзеді.

Алтын ұя мектебімен қоштасу,

Аға ұрпақтан келе жатқан із еді.

Алдарыңызда 11а сыныбы. Сынып жетекшісі тәжірибелі ұстаз

І жүргізуші: Бүгін міне есте мәңгі сақтар күн,

Алып ұшқан түйініндей хаттардың

Түлектерге қыймас сезім сыйлаған

Куәсіндей балалық бал шақтардың

Алдарыңызда 11ә сыныбы. Сынып жетекшісі тәжірибелі ұстаз

Бойларында жігер күші тасыған

Кездері жоқ қиындықтан жасыған.

Түлектерім келе жатыр сап түзеп

Арналсыншы оларға ду шапалақ.

( Бітіруші түлектер ортаға келіп тұрады.)

Оқушылар! Түзеліңдер! Тік тұрыңдар! Егеменді еліміздің туы астында сап түзеңдер! Қазақстан Республикасының Мемлекеттік туы енгізілсін!

Мектеп қой еліміздің қаны, жаны,

Мектептен басталады бәрі-бәрі.

Бүгінгі мектеппен қоштасу салтанатында,

Шырқалсын Қазақстан әнұраны.

( Әнұран орындалады.)

Бүгінгі «Сыңғырла,соңғы қоңырау»атты салтанатты жиынымыздың қадірлі қонақтарымен таныстырып өтейік.

І жүргізуші: Келешек қой түлектер барға шүкір

Алдарында ақ қанат арманы тұр.

Жүректері лүпілдеп, тебіреніп.

Жетелейді қиялы алға ұшқыр!

ІІ жүргізуші: Ажырамай ұжымынан бір елі сіз

Жақсылыққа жаралған жүрегіңіз

Сөз берелік мектептің басшысына

Түлектерге арналсын тілегіңіз- дей отырып, «Сыңғырла, күміс қоңырау» атты салтанатты жиынымызды ашу үшін сөз беріледі.

І жүргізуші: Теңіздей тербетіліп көл бетінде,

Бишілер билеп кетті тербетіле

Аққудай қалықтаған теңіздегі,

Бишілер өнерлерін көрсетуде.

Би «Балауса» бишілер тобының орындауында «Домбыра-думан» биі.

Қабыл алыңыздар!

ІІ жүргізуші: Мектеп, мектеп менің жарқын көңілім,

Мектеп, мектеп шаттық толы өмірім!

Мектеп, мектеп әнім болып төгілдің,

Мектеп, мектеп анам боп та көріндің.