Сызу аспаптары мен жабдықтары сабақ жоспары 9-сыныпқа

Сабақтың тақырыбы: Сызу аспаптары мен жабдықтары

Сабақтың мақсаты: 1. Білімділік: Оқушыларға сызу аспаптары мен жабдықтарын таныстыру. Сызба сызу құралдарын

қолдану амал тәсілін үйрету, жаңа мағлұмат беру.

2. Дамытушылық: Сабақ оқытудың негізгі үрдісін есте қалдыру, оқушы санасына терең сіңіру.

3.Тәрбиелік мәні: Сызба сызу арқылы оларды тазалыққа, ұқыптылыққа үйрету.

Сабақтың түрі: Аралас сабақ

Оқыту әдісі: Жаңа сабақты меңгерту

Сабақтың көрнекілігі: А4 пішіміндегі қағаз, қарындаштар, сызғыш, өшіргіш, интерактивті тақта, үлестірмелер,тірек кестелер,шеңберсызар және тағы басқа.Сабақтың өту барысы:

I. Ұйымдастыру кезеңі.

Студенттермен амандасу, сабаққа қатысын тексеру,аудиторияны сабаққа дайындау,студенттердің назарын сабаққа аудару.II. Өтілген тақырыпты қайталау.

1.Сызба дегеніміз не ? 2.Сызу пәні қандай пәндермен байланысты?

III. Жаңа тақырыпты түсіндіру.

Сызба қағазы.Сызбаны кез келген қағазға орындауға болмайды.Сызба салынатын қағаз ақ және тығыз болуы керек.Сондықтан сызба салу үшін арнайы қағаздар шығарылады.Оларды в а т м а н деп атайды.

Қарындаштар.Сызба салуға әдейі жасалған «Чертежник », «Конструктор» деген қарындаштар бар.Оларды графиттеріне қарай қатты,жұмсақ және қаттылығы орташа қарындаштар деп бөледі.Қатты қарындаштарды: Т,2Т,3Т, т.т.. жұмсақ қарындаштарда : М,2М,3М, т.т., ал қаттылығы орташа қарындаштарда ТМ белгісі болады. Мұндағы Т орыстың «твердый», ал М «мягкий» деген сөздерінің бірінші әріптері. 2Т, 3Т,... қарындаштары Т қарындашынан екі,үш,... есе қатты болса, 2М,3М,...қарындаштары М қарындашынан екі,үш,...есе жұмсақ болады.Кейбір басқа елдерде қатты қарындашты Н әріпімен,ал жұмсақ қарындашты В әрпімен белгілейді.Қарындашты дұрыс ұштап,жұмысқа дайындай білу керек.Қарындаштың ұшталған бөлігінің ұзындығы шамамен 30мм, ал графит өзектің ағаш құндақтан шығып тұрған бөлігінің ұзындығы 10мм-ге жуық болуы тиіс.Қарындаштың графит өзегі конус немесе күрекше тәрізді үшкірленеді.

Сызғыш. Сызу пәнінде түзу сызықтарды жүргізу үшін ағаш немесе пластмасса сызғыштар пайдаланылады.Горизонталь сызықтарды жүргізу үшін басы бар ұзын сызғыш қолданылады.Мұндай көлденең планкасы –басы бар сызғышты р е й с ш и н а деп атайды. «Рейсшина» неміс сөзі,қазақшасы «үлкен сызғыш».

Сызба тақтасы.Сызба салынатын қағаз сызба тақтасына бастырмалармен бекітіледі. Сызба тақтасы жұмсақ ағаштан жасалады.Оқушыларға арналған сызба тақтасы рейсшинамен қоса сатылады.