Табиғат тіршілік айнасы ашық сабағы 4 сынып

Класс: 5а

Күні: 20.11.17ж

Тақырыбы: «Табиғат тіршілік айнасы»

Мақсаты: Оқушыларға табиғат ұғымының мәнін ашып, түсіндіру. Танымдық қабілеттерін, логикалық ойлау, есте сақтау қабілеттерін дамыту. Өз ойын жеткізе білуге, ортаға сала білу дағдыларын жетілдіру. Табиғатты аялауға, сүюге тәрбиелеу.

Көрнекіліктер:

Әдіс-тәсілдері: сұрақ-жауап, талдау, түсіндіру;

Сабақ барысы:

Ұйымдастыру кезеңі

Психологиялық дайындық. Амандасу.

Шаттық шеңбер:

Армысыз, шапағатты Аспан!

Армысыз, мейірімді Жер!

Армысыз, шұғылалы Күн!

Армысыз, сарқыраған Су!

Армысыз, шуылдаған Жел!

Армысыз, шуағын шашқан Гүл!

Армысыз, сыңғырлаған Бұлбұл!

Сәлеметсіз бе, апай-ағайлар!

Бәріміз күндей жарқырайық,

Бәріміз бірігіп сабақты бастайық.

Топқа бөлу

(оқушылар қолдарыңыздағы гүлдердің түсіне байланысты екі топқа бөлініп отырады.)

Гүл

Бәріміз тақтадағы экранға қарайық.

Слайд-1

Табиғат адамзаттың, жалпы тіршілік атаулының ежелден өмір сүріп келе жатқан ортасы, алтын бесігі. Табиғат-сұлулықтың таусылмас көзі.Ендеше біз бүгінгі сабағымызды табиғатпен амандасудан бастаймыз.Барлығымыз орнымыздан тұрып мына өлең жолдарын бірге айтайық! Қайырлы күн, күнім, далам, орманым, Қайырлы күн, гүлім, құсым, көлдерім. Қайырлы күн, өсімдіктер, жәндіктер Қайырлы күн, бар тіршілік иесі!

Жұмбақты шешейік.

Көктемде көгереді,

Жазда ырысқа бөленеді.

Күзде пісіп марқаяды,

Қыста ақ көрпе жамылады ( Табиғат. )

Құметті ұстаздар мен оқушылар, бүгінгі «Табиғат тіршілік айнасы» тақырыбымыз.

Мұғалімнің сөзі:

Слайд-2

Табиғат-бүкіл тіршілікатауының алтын ұясы және аялы бесігі, құтты қонысы мен өсіп-өнер мекені. Табиғаттың жасыл желегі мен аң-құсын аялау, көзі ашық, көкірегі ояу әрбір жанның азаматтық борышы. Сондықтан халық оны аялайды, қадір тұтады, күтіп-баптайды. "Адамның екі анасы бар: бірі-туған анасы, екіншісі-табиғат. Егер маған біреу" Дүние дидарындағы ең сұлуды,ең қымбатты, адам баласына ең жақынды,ең қаталды, ең дананы, қара қылды қақ жарған ең әділді аташы" десе,мен соның бәріне де "Табиғат" деп бір ғана сөзбен жауап берер едім деген екен ұлы жазушы А.Сейдімбек. Түсіне білгенге табиғат жаюлы кітап сияқты. Керек десеңіз жұмыр жердің бетіндегі тіршілік атаулыны бір ғана өз заңдылығына бағындырып, ұлы тұтастыққа қозғалысқа келтіруші де табиғат. Табиғат өзінің қайталанбас сұлулығымен, таусылмас қызығымен, мың сан жаратылысымен, асқақ та өрлігімен, өрең жетпес шексіздігімен, ал кейде мизамдай нәзіктігімен қайран қалдырады.…