Табиғаттағы су қоймалары туралы презентация 4-сыныпқа

Сабақтың тақырыбы: Су. Табиғаттағы су айналымы Класы: 4 «Ә»

Өткізген: Қайролла

Сабақтың мақсаты: Судың табиғаттағы айналымы туралы ұғымды қалыптастыру.Өмірдің қайнар көзі мен тіршілік көзі ретінде су туралы түсінік беру. Судың қасиеттері туралы түсініктерін нығайту.

Дамытушылық мақсаты: Өздігінен қорытынды шығара білуге дағдыландыру, ізденімпаздыққа, шығармашылықпен жұмыс істеуге үйрете отырып, ой-өрісін дамыту.

Тәрбиелік мақсаты: Табиғатқа деген сүйіспеншілігін оятуға тәрбиелеу. Ұйымшылдыққа, өз бетімен, жұппен жұмыс істеуге,ізденімпаздыққа тәрбиелеу, табиғатты қорғауға,суды үнемдеп жұмсауға үйрету, экологиялық тәрбие беру.

Сабақтың түрі: топпен жұмыс Құрал-жабдықтар: слайдтар,ассоция, құм,тұз,су, мақал- мәтелдер, үнтаспа, ,оқулық, дәптер.

Әдіс- тәсілдер: талдау, түсіндіру, ізденіс, зертханалық әдіс, ой қозғау, қызығушылықты ояту, Сабақтың барысы:

1.Ұйымдастыру

-Кәне, балалар барлығымыз көзімізді жұмып, денемізді бос ұстап табиғаттағы судың сылдырап аққан әдемі әуенін естиік. -Біздің қоғамымыз үшін сендер де осындай мөлдір, таза, әдемі, пайдалы болыңдар. -Бүгінгі сабағымыз бізге тек ғана қуаныш, сәттілік әкелсін. -Бүгінгі біздің сабағымыздың мақсаты: судың маңызын, қасиетін анықтай отырып, табиғаттағы су айналымын игеру. - Бүгінгі сабағымызда топпен жұмыс істейміз. 1- топ «Зерттеушілер» 2- топ«Қорғаушылар» 3-топ «Жинақтаушылар»

-Әр топтың өз жетекшісі бар. Ол жетекшілер мұғалімнің көмекшісі. -Балалар, бүгінгі сабағымызда бәрімізге сәттілік серік болсын

дегім келеді. Негізгі бөлім:

Мағынаны тану

1слайд: Адам өміріне ең қажетті 5 жағдайды атап, интерактивті тақтада жазу.

(жарық, су, ауа, тағам, жылу)

Ендеше, осы аталған 5 жағдайдың қайсысы шөл далада келе жатсақ керек болады?

-Су

Су туралы ассоцация жүргізу.

-Судың қандай қасиеті бар? ( сұйық, аққыш, еріткіш, иіссіз, мөлдір, түссіз)

-Судың қанша күйі бар?

-Үш күйі бар (сұйық, қатты, бу) жауаптарын жұмбақ шешу арқылы жазады.

1) Жылт-жылт етеді, жылғалардан өтеді (судың сұйық күйі)

2)Өзі судан жаралған, бірақ судан қорқады (мұз , қатты күйі)

3)Көзге көрінгенмен, ұстасаң қолға ілінбейді (газ, бу күйі)

Жаңа сабақ

Глобусты көрсету арқылы түсіндіру.

-Жер бетінде ең көп таралған зат- су. Глобусқа қарасаң жер шарының төрттен үш бөлігі көгілдір түске боялған. Ол-су: мұхиттар, теңіздер, көлдер, өзендер. - «Су-ғажайып зат». Осы сөйлемнің қаншалықты маңызды екенін білу үшін тақтаға назар аударайық.

Табиғаттағы су айналымы — жер шарындағы судың күн қуаты мен салмақ күшінің әсерінен үздіксіз тұйық айналу процесі.

Күн сәулесі қызуынан мұхит, теңіз, өзен, көл суы буланып, ауа қабатына барады. Көзге көрінбейтін су буы ауаның салқын қабатына көтеріліп, бұлт түзейді. Бұлт ауа ағысымен қозғалысқа түсіп, жауын-шашынға айналып,құрлыққа қайта оралады. Бірақ ұзақ тұрақтамай Күн қыздырғанда қайтадан буланып, ауаға көтеріледі.

Бұдан басқа жергілікті немесе құрлық ішіндегі су айналымы болады.

Оқулықпен жұмыс

Мәтінді үш топтан үш оқушы оқиды..

Түртіп алу стратегиясы бойынша түсініксіз сөздерді түртіп алады.

Талдау .Оқушылар мәтін бойынша өз ойларын ортаға салады.

Ситуациялық сұрақтар - Ал, балалар, қалай ойлайсыңдар, суда барлық заттар ери ме? - Ендеше бұған көзімізді жеткізу үшін тәжірибе жасап көрелік. 1- топ, яғни зерттеушілер тобы судың қасиеттерін зерттейсіздер, нәтижесін айтасыздар

1-тәжірибе. Суға тұз салады. (ериді) 2- тәжірибе. Суға қант салғызу (ериді)

3- тәжірибе. Стакандағы суды табаққа құю ( пішіні жоқ)

- Ал, енді балалар судың қасиеттеріне тоқталып көрелік.

Ендеше судың қасиеттерін атап көрелік. Су: - пішіні жоқ;

- түссіз; - мөлдір; - дәмі жоқ; - иісі жоқ; - еріткіш; - ағады;

2-топ Неліктен су ластанады? Суды кімдер ластайды? деген сұрақтарға жауап іздеп, суды қорғау туралы жоба құрастырасыздар.

3-топ Сіздердің алдарыңызда бүгінгі сабағымыздың тақырыбы жазылған кітапшалар бар. Сол кітапшаларға бүгінгі сабағымызда айтылған негізгі ойлар мен тәжірибе нәтижелерін жазып, жинақтайсыздар.

Топ жұмыстарын талқылау.

Сөз құра, тез құра ойыны. -Балалар, мұнда әріптер өзара ренжісіп, орынға таласып. келіспеушілік пайда болды. Біз қазір сол әріптерді дұрыс орынға қою керекпіз. -Жа...быр, мұ...ит, құд...қ, тұ...ы, таз..,мөл...р,мұзд...қ, тере...., саза..., өз...н.

Бұл сөздер қандай затпен байланысты?

-Жауап: (сумен) -Дұрыс, балалар ендеше осы сөздердің ішінен бір-бір сөзден алып, мағыналы сөйлем құрап жазайық.

1-топ: Жаңбыр өлең құрастыру

2-топ: Мұхит сөйлем құрастыру,әңгімелеу

3-топ: Өзен Ақтөбе қаласындағы өзендерді атау, сипаттау

5слайд. Су табиғат байлығы. Тіршіліктің қайнар көзі.

Егін шаруашылығы

Бау-бақша шаруашылығы

Мал шаруашылығы

Дәнді дақылдарды егеді,суарады

Жеміс-жидектер, көкөністерді суарады

Төрт түліктер, аңдар сумен қоректенеді