Тәлімгерліктің табыстылығы туралы әдістемелік эссе

Мүшекенова Хадиша Пірмаханқызы –мектеп

директорының бастауыш сыныптар жөніндегі

орынбасары «Қарағұр» жалпы орта мектебі,

Созақ ауданы, Оңтүстік Қазақстан облысы

Табысты тәлімгерлік

Тәлімгерлік түзету қағидатына емес, даму қағидатына негізделген.

(Оxley 2003 жыл)

Мемлекетіміз білім беру жүйесін әлемдік үздік жүйеге сәйкес деңгейге көтеруді көздеп отыр. Сондықтан да қазіргі білім беру жүйесінің мақсаты - бәсекеге қабілетті маман дайындау болып табылады. Себебі, жаңа XXI ғасырға сай өзгеше қабілет - қасиетке ие ұрпақ қалыптасып келеді. Осыған орай ұстаздықтың мәні жаңа сипаттарға ие болуда. Ал оқыту үрдісі жаңа әдіс-тәсілдерді, жаңаша идеяларды қолдануды талап етеді. Заман көшіне ілесіп жұмыс жасау үшін әр мұғалім өз іс-тәжірибесінде көптеген қиындықтар мен кедергілерге кездесері хақ. Осындай қиындықтан шығудың бірден-бір жолы деп мектеп директорының оқу ісінің орынбасары ретінде жас ұрпаққа білім беруде ұстаздар үнемі білімін жетілдіріп, біліктілігін арттырумен бірге, көшбасшы мұғалімдердің сабақтарына еніп, сабақ өтуде жаңа әдіс-тәсілдермен қаруланып, шеберліктерін шыңдап отырғандары дұрыс деп білемін.

Соның бір дәлелі деп - биылғы жылы мектеп директоры Малбағаров Талғат ағайымыз ақпан айында мектеп басшыларының біліктілігін арттыру курсының бірінші бетпе-бет кезеңін аяқтап, наурыз айында мектеп мұғалімдерімен біліктілік курсында алған білімдерімен бөлісті. Іс-тәжірибеден өту кезеңінде мектеп мұғалімдерімен «Мектеп мәдениеті» тақырыбында өткізген коучинг сессия сабағына қатыстым. Алған әсерім өте жоғары болды. Бұдан мен ізденімпаз мұғалімдердің шығармашылығын шыңдау үшін ең алдымен өз шығармашылығымды, әдіс-тәсілдерімді жетілдіру керек екендігін түсіндім. Сол себепті мен Малбағаров Талғат ағайдан тәлімгерлік етуін өтіндім. Тәлім алушы ретінде ағаймен кәсіби сұхбат барысында теориялық білімімді кеңейтіп, методикалық әдіс-тәсілдерімді жетілдірдірдім. Атап айтар болсам, мектеп мұғалімдерімен «Кері байланыс беру арқылы оқытуды жақсартуға бола ма?» тақырыбында коучинг сессия өту үшін, ментальді картамен жұмыс жасаудың ұтымды тұстары, Шеринг жаттығуларын қолдану жолдары жайлы үйрендім. «Кері байланыс беру арқылы оқытуды жақсартуға бола ма?» тақырыбында өткен коучинг сессия сабағым тәлімгерліктің нәтижесінде сәтті өткендігін аңғардым. Өйткені, біршама мектеп мұғалімдері өздерінің сабақ