Тамаша бақ психологиялық жаттығуы оқушылар жұмысы

Тақырыбы: «Тамаша бақ»

1) Сергіту

Жаттығу «Амандасайық»

Жүргізуші балаларға бүгін ерекше амандасуды ұсынады. Әр қатысушы екі қолымен бір уақытта екі адаммен амандасады. Амандасып тұрған кезде екінші қолыңды тек сенімен амандасатын адам дайын болғанда ғана жібересің ,қол бір сәтте бос болмауы керек. Міндеті -осылайша барлық қатысушылармен амандасып шығу. Жаттығу кезінде ешкім сөйлемейді.

Жаттығудың психологиялық мәні

Сергіту. Қатысушылардың бір-бірімен байланыс орнатуы. Бір-бірімен қол алысуы – бұл ашықтық пен ықыласты білдіреді. Сонымен бірге көзбен байланыс жасалады. Бұл бір-бірін жақын тануға көмектессе, жаттығудың сөзсіз (үнсіз) өтуі топ мүшелерінің зейінін арттырып, іс-әрекетке жаңаша әсемдік көзқарас береді.

2) Негізгі жаттығу

«Тамаша бақ»

Жаттығуды түсіндіру

Қатысушылар дөңгелене отырады. Жүргізуші оларға көздерін жұмып, тыныш отырып, қандай болмасын бір гүлді елестетуін сұрайды. Сен қандай болар едің? Жапырағы қандай, сабағы, әлде тікенек пе? Биік пе әлде аласа ма? Түсі қанық па әлде онша емес пе? Ал енді сол көз алдарыңа елестеткен гүлдеріңді мына қағазға салыңдар. Бәріне қағаз, фломастер, маркер таратылады. Арғы қарай қатысушылар өздерінің салған суреттерін қиып алады да, дөңгелене отырады. Жүргізуші ортаға біртүсті матаны жайып, әр балаға бір-бір түйреуіштен беріп, гүлдерін орнатуын сұрайды.ортадағы бір түсті мата алаң, сол алаңға әр бала бір-бірден шығып, өз гүлін орналастырады.

Талқылау

Қатысушыларға «Тамаша баққа» сүйсіне қарап, ойларына сақтап қалуын гүліміз көп болса да бәріне де орын табылғанын, әркім өз орнын біліп, дұрыс таңдағанын айтып өтеді. Бір-біріне ұқсамайтын көп гүлдің ішінде өз гүлі бар екендігін сезіндіру. Әр гүлге күннің жылуы мен мейірім керек.

Жаттығудың психологиялық мәні

Негізі мұндай арттерапия өте күшті құрал болғандықтан, көбіне психологиялық түзетуде пайдаланылады. Бүгінгі жаттығу қатысушыларға өзін түсініп, сезіне білуге, өз ойымен сезімдерін ашық жеткізе білуге, сондай-ақ үлкен әлемнің ішінен өз орнын тауып, өзін сол тамаша әлемнің кішкентай бөлшегі ретінде сезіне білуге үйрету.

Қорытынды жаттығу