Тарихи тұлға туралы авторлық бағдарлама 9 сынып

БАҒДАРЛАМА

элективті курс

гимназиялық компонеттің арнайы курстары

«ТАРИХИ ТҰЛҒА »

9-10 сынып оқушыларына арналған

аптасына 1 сағат , барлығы 34 сағат

С.З Дюсембаева

«Жаңа Ғасыр» №175 гимназия тарих мұғалімі

Түсініктеме хат

Оқу бағдарламасы Қазақстан Республикасы Үкіметінің 2012 жылғы 23 тамыздағы № 1080 қаулысымен бекітілген Орта білім берудің (бастауыш, негізгі орта, жалпы орта білім беру) мемлекеттік жалпыға міндетті стандартына сәйкес әзірленген.

Пәнді оқытудың мақсаты – оқушылардың білімі мен дайындық деңгейін, жас ерекшеліктерін ескере отырып, Қазақстан тарихының ежелгі дәуірден бүгінгі күнге дейінгі нақты тарихы бойынша білім беру.

Қойылған мақсаттарға сай пәнді оқытудың келесі міндеттері орындалуы тиіс:

оқушыларға «тарихи тұлғалар» бағдарламасы бойынша толыққанды, жүйелі білім беру;

«тарихи тұлғалар» бағдарламасы бойынша тарихи терминологияларды меңгерту;

оқушылардың тарихи фактілер мен құбылыстарды талдап-қорыту, тарихи оқиғалардың мақсаты мен мәнін анықтай білу, оның маңызын бағалай білу дағдыларын қалыптастыру;

оқушыларды оқытылатын кезеңдегі ғылым мен мәдениеттің көрнекті өкілдері мен саяси жетекшілердің қызметіне, тарихи оқиғаларға салыстырмалы талдау жасауға дағдыландыру;

оқушылардың қазақ және басқа да халықтардың мәдени мұраларына қызығушылығын қалыптастыру;

оқушылардың жас ерекшелігін ескере отырып, түрлі дерек көздерінен қажетті ақпаратты іздестіру арқылы өзіндік жұмыспен айналысуына мүмкіндік беру.

Келесі пәндермен пәнаралық байланыстар жүзеге асырылады: әдебиет, география, дүние жүзі тарихы, құқықтану негіздері.

Мақсаты.

1. Отан тарихын ұлттық мәдени құндылықтармен үйлестіре отырып тереңдетіп оқыту.

2 .Тарих ғылымының ғылыми базалық түсінігін кеңейту

3. Тарихи құбылыстармен оқиғаларды өзіндік талдауға және бағалауға үйрету

Міндеттері :

1. Оқушылар бойында патриоттық азаматтық құндылықтарды дарыту.

2. Туған халқына деген құрмет ,мақтаныш сезімін ұялату.

3 . Ұлттық рұхты дамыту.

4 . Маңызды істерді шешуге қабілетті , жауапкершілікті жеке тұлғаны қалыптастыру.

Өзектілігі:

Бағдарламаның бұрынғы бағдарламаға қарағанда өзектілігі 5 сыныптан бастап жеке тапсырма орындауға, қорғау жұмыстарына сызба кестелерді пайдалана отырып, бастапқы білімдерін жетілдіру, зерттеу жұмыстарына өзіндік тұжырым жасауға үйрету. «Мәдени мұра», «Туған жер» бағдарламалары негізінде Қазақстан жерінде ерте кезден сақталған ескерткіштер туралы бүгінгі күнмен байланыстыра мәліметтер жинақтау , ғаламтор желісі,онлай мектеп, тарихи фильмдер арқылы көзбен көргенінін теориялық білімімен сәйкестендіру қабілеттерін шыңдау.

Теориялық білім беруде 9-10 сынып оқушыларына сабақта алған білімін тиянақтаумен қатар алдын –ала тарихи оқиғалар желісін түсінуге, тереңдете оқуға , қосымша дерек көздерін пайдалануға дағдыландырады.

Практикалық бөлім барысында, тақырып бойынша модель жасау , экскурция жүргізу, өзіндік талдау , жаңа метериалды сызба – нұсқа ретінде көрсету ,сюжет әдістері арқылы көркем әдебиеттен, деректі немесе көркем фильмдерден алған әсерін тұжырымдау , ой елегінен өткізуге үйретеді .

Оқу пәнінің 9-10 сыныптардағы базалық білім мазмұны

Геродот - тарихтың атасы(1 сағат):

«Томирис сақ патшайымы» (1 сағат):

Сақ тайпалары, сақтар – ежелгі Қазақстанды мекендеушілер, сақтар туралы парсы және грек жазбалары, сақтардың тұрмысы, шаруашылығы, олардың әдет-ғұрыптары, сақ билеушілері, сақтардың басқару жүйесі, Томирис пен Зарина – сақтардың атақты патшалары (ханшайымдары), сақтардың тәуелсіздік үшін күрестері, парсылармен соғысы, Шырақтың ерлігі, сақ мәдениеті;

Мөде – Ғұн мемлекетінің негізін қалаушысы (1 сағат):

Қазақстан территориясындағы ғұн тайпалары мөде – ғұн мемлекетінің негізін қалаушы, ғұндардың тарихы, ғұндардың шаруашылығы, тұрмысы, халықтардың ұлы көші;

Әл-Фараби – Шығыстың ғұлама ғалымы (1 сағат):

Шығыс даналары (әл-Фараби – шығыстың көрнекті ойшылы» Аристотельден кейінгі екінші ұстаз)

Қазақ хандары (10 сағат)