Тасжолындағы апаттар санының артуы туралы мақала

«Алматы-Екатеринбург» тасжолындағы апаттар саны артуда

Үкімет отырысында көлік апаты тақырыбында арнайы талқылануы да жағдайдың қалай ушыққанын көрсетті. Ішкі істер министрлігінің дерегінше, тәулігіне жол апатынан орта есеппен 5-6 адам қаза табады екен. Осы уақыт аралығында 1 жарым мыңға жуық адам қайтыс болыпты. Жөнделуі үш жылға созылған «Алматы-Екатеринбург» тасжолында апат тым көп.

Статистикадан сүйенсек, Қарағанды облысында 7 айда 100 адам апаттан қайтыс болған. Бұған соңғы бір ай «Алматы-Екатеринбург» тасжолының Қарағанды-Балқаш бөлігіндегі қатарынан болатын апаттарды қосуға болады. Біреуінде 8 адам, екіншісінде бүтін бір отбасы 5 адам. Күні кеше, 19 қыркүйекте төрт адам, 8 дәрігер зардап шекті. Небары бір ай ішінде.«Әкең өлгенін жасырасың, көмгенде қайтесің?!» дегенді осы арада айтуға мәжбүрміз. Тасжолда көбейіп бара жатқан көлік апатының себебі не?

Қарағанды облысының полиция департаментінің басшысы Ерлан Файзуллин республикалық маңызы бар жолдарда 54 жол-көлік оқиғасы тіркеліп, онда 42 адам қайтқанын мәлімдеген. Оның ішінде, апаттың басым бөлігі «Қарағанды-Балқаш», «Балқаш-Сарышаған» жолдарында орын алған.

Жол-көлік оқиғалары Қарағанды облысының Балқаш қаласында, Осакаров, Нұра, Қарқаралы, Шет аудандарында көп тіркелетінін де департамент жоққа шығармайды. «Қазавтожол» ҰК» АҚ Қарағанды облысы бойынша филиалының басшысы Сырым Хамзин «Қарағанды-Балқаш» жолының жөнделуі барысында оның бөліктеріне арнаулы жол белгілері нормаға сай орнатылғанын айтты. Осы күні 16 айналма жол ұзындығы 8 шақырымды ғана қамтиды. Былтыр 78 айналма жол 148 шақырымды құрапты. Қазіргі таңда 260 шақырым жол ашық. Барлығында тиісті жол белгілері бар. Талапқа толық жауап береді. Биыл айналма жолдардың саны 94%-ға қысқарған. Сырым Хамзиннің айтуынша, 363 шақырымының толық пайдалануға берілуі 2023 жылдың желтоқсанына жоспарланған. Жолдағы құрылыс жұмыстарының іркіліспен жүруіне құрылыс материалдарының қымбаттауы әсер еткен.

Жол апаты адам өмірін жалмайтын індеттердің қатарында. Жаңылмасақ, осыдан үш жыл бұрын арнаулы халықаралық талдаулар Қазақстанда көлік апатынан адам өлімі көп ел қатарына қосқан. Мұның дерттен айырмасы біреу ғана боп тұр. Ауру айтып келеді. Апат аяқ астынан. Осы проблема Парламент қабырғасында да көтерілді. Сенатор Ақмарал Әлназарова бастаған депутаттар халықаралық сарапшылардың көлік апатынан елдің экономикалық шығынын ЖІӨ-нің…