Тәуелсіздік толғауы тәрбие сағаты 9 сынып

Сабақтың тақырыбы: Тәуелсіздік толғауы

Сабақ мақсаты : сабақта норматив талабына сай оқушылардың оқу материалын 63% меңгеруіндегі логикалық және сыни тұрғыдан ойлау шапшаңдығын, сөздік қорын, ақпараттық құзіреттілігін дамыту. Жетістікке жеткен адам көрсеткіші ретінде, пәнді сапалы меңгеруге қызығушылық таныту және ынталандыру.

Міндеттері:

Білімділік: «БжС» технологиясының «Ауызша сабақ -1» картасы бойынша «Тәуелсіздік толғауы» тақырыбы төңірегінде мәлімет беру, өз түсінгендерін практикада қолдана білу.

Дамытушылық: зейінді, ойлау жылдамдығын, есте сақтауды дамыту және сабаққа қызығушылықтарын арттыру, сөздік қорларын молайту.

Тәрбиелік : тиянақты болуға, достыққа, ұйымшыл бола білуге тәрбиелеу. Мамандықты дұрыс таңдай білуге жетелеу.

Сабақ типі: «БиС» технологиясы бойынша жаңа тақырыпты түсіндіру.

Сабақтың көрнекілігі: интерактивті тақта, матрица, тірек сөздер, сын тұрғысынан сұрақтар , қарама-қарсы сұрақтар;

Сабақтың барысы:

І. Ұйымдастыру кезеңі (оқушылармен амандасу, сабақтың тақырыбы мен мақсатын айту( слайд көрсету)

(Ұжымды белсендіру үшін сынып көшбасшысына сөз беріледі).

ІІ.Соңғы өткен тақырыптар бойынша сөздік қорды тексеру

(сөздік норма - 63-тен жоғары, уақыты -5 минут)

Қарама-қарсы сұрақтар:

1.Сенің ата-анаң қандай мамандық иелері?

2. Сенің досың қандай мамандықты таңдайды?

3. Саған қандай мамандықтар ұнайды?

4. Сен қандай мамандықты таңдайсың?

5. Мамандыққа сұранысты кімдер анықтайды?

6.Зерттеушілердің болжамы бойынша, жақын болашақта қандай маман иелері қажет?

7.Ол мамандарға деген қажеттілік неге байланысты туындап отыр?

8.Болашақта өзіңді қандай маман ретінде елестетесің

20. «...адам кез келген жұмысқа жарамды бола бермейді, ...Жұмысты неғұрлым жетік және жақсы атқарса,білгір және шебер болып шығады ...» Бұл кімнің сөзі?

Матрицаны толтыру, пайызды анықтау.(Балалардың жауабы саналады, тақтаға белгі қойылады).

ІІІ. Жаңа тақырыпты түсіндіру.

Мұғалім жаңа тақырыпқа қысқаша кіріспе мәлімет береді.

Сабақты Елбасы сөзінен бастайды (слайд көрсетіледі)

«Халқымыздың қастерлі Тәуелсіздігі мен Мәңгілік Еліміздің болашағы мені үнемі толғандырады. Тәуелсіздіктің өмірлік философиясы қандай болуы қажет деген сауалды мен өзіме сәт сайын қоямын. Осы жайлы ой орамдарын қағазға түсіріп, «Тәуелсіздік толғауы» деп атадым. Ол азат еліміздің күллі азаматтарына, жалынды жастарға, бүгінгі буынның ерен істерін лайықты жалғастыратын ертеңгі ұрпаққа арналады.»

Н.Ә.Назарбаев

Балалар, біздер елімізбен, еркіндігімізбен мақтанамыз. Бұл еркіндік оңайлықпен келген жоқ. Қазақ елі еркіндікке жету үшін қаншама қиын - қыстау кезеңдерді бастан кешірді. Мыңдаған жылдық тарихы бар Қазақстан тәуелсіздік алды. Елбасымыз Нұрсұлтан Әбішұлы Назарбаевтың «Тәуелсіздік толғауы» 2014 жылы 15 желтоқсанда Қазақстан Республикасының Тәуелсіздік күніне арналған салтанатты жиында жарияланды.

Толғаудың маңызы мен мәні мына бағыттар бойынша пайымдалады: тәуелсіздік – халқымыздың басты құндылығы; тәуелсіздіктің өмірлік философиясы; тәуелсіздік құндылықтарын нығайту.

Елбасының «Тәуелсіздік толғауы» Қазақстан халқының өз тағдыры мен өз болашағын өздері құру мүмкіндігін анықтауда таңдаған тарихи күшінің дұрыс және көрегендік екенін көрсетіп отыр. Тәуелсіздік – қазақ халқы көксеген көпғасырлық арманы, қазақстандық патриотизм мақтанышының символы.

Толғауда көтерілген мына мәселелер: Қазақстан Республикасының тұңғыш рет тәуелсіз ел атануы, 100-ден астам ұлт өкілдерінің егемен мемлекетте өзара түсіністік пен келісімде өмір сүруі, туған жеріміздің қазба байлықтарына дербес иелік етуіміз, болашағымызды өз қолымызбен жасау мүмкіндігі, еліміздің экономикалық өсуінің кепілі – Тәуелсіздік рухында жатқандығы. Тәуелсіздік – сан буын бабалардың асыл арманы болғандығын, Тәуелсіздік – еліміздің көреген сыртқы саясаты мен ішкі саясатында екендігін, Тәуелсіздік дегеніміз – жалпыға ортақ еңбек екендігін, Тәуелсіздіктің өмірлік философиясы – Мәңгілік Ел екендігін білуіміз керек.

Бүгінгі сабағымыз осы жайында болмақ (сабақ тақырыбы айтылады)

а) Қабылдауды ұйымдастыру. Тірек сөздермен жұмыс.

Тірек сөздерге түсінік беру.

Тақтадағы тақырыпқа байланысты тірек сөздерді балалар

1 минут ішінде оқып, есте сақтайды. Белгіленген уақыт біткен соң сөздер жабылады. Балалар естерінде қалған сөздерді дәптерлеріне жазады. Жазып болған соң, дәптерлерін бір-бірімен ауыстырады. Есте сақтаған сөздерінің саны сұралады. Сонан соң тірек сөздер ашылады да, балалар қалдырып

кеткен сөздерді дәптерлеріне жазып алады. ООМ-на (оқушылардың партада отыруы бойынша ) бірінші бағаенгізіледі, тақтаға белгі қойылады.

Уысында ұстау Ен жайлау Билеп-төстеу Айбарлы Азаттық жолында

Бодандыққа түсу Түп-тамыры Заңды мұрагері Төріне оздыру Ұлы мұрат Қажыр-қайрат Тоқмейілсу Ортақ парыз Төтеп беру

Оқушылар есте сақтаған сөздерін жазады – 1 мин.

Дәптерлерімен алмасады.

ІҮ. Ойлауды ұйымдастыру.

Мәтінмен жұмыс- (4 минут)

Балалар мәтінді оқып, одан тірек сөздерді тауып, тақырып бойынша мазмұнын ашуы тиіс (4 минут). Сонымен бірге балалар мәтінді көңіл қойып оқуға нұсқау алады. Себебі, мұғалім сабақты сұрау барысында ұсақ детальдарға көңіл қоятындығын ескертеді.

Мәтін:Тәуелсіздік толғауы

Тарихсыз болашақ жоқ. Ұлы Далада күллі Еуразия құрлығын уысында ұстаған алып мемлекеттер болған. Алып кеңістікті ен жайлап, еркін билеп-төстеген айбарлы халықтар өмір сүрген.Бүгінгі Қазақстан — сол бабалардың заңды мұрагері.

Адамзат тарихында қазіргі қалыптағы мемлекет үлгісі тек соңғы бірнеше ғасырда ғана пайда болды. Бұл кез халқымыздың бостандықтан айырылып, бодандыққа түскен мезетіне тап келді.