Тәуелсіздіктің тал бесігін тербетейік 4 сынып

Бекі бастауыш мектеп ММ

Тәрбие сағаты.

Тәуелсіздіктің тал бесігін тербетейік!

Орындаған: А.Бердібекова

2018 жыл

Тәуелсідіктің тал бесігін тербетейік!

Мақсаты:

а)Қазақстан тарихындағы тәуелсіз мемлекеттің қалыптасуының бастамасы болған желтоқсандағы жастар шеруінің мәнін ашып түсіндіру,тарихына шолу жасау

ә)Оқушыларды ата-бабаларымыздың тәуелсіздік жолындағы ерлігі үлгісінде Отанды, елін сүюге, халқына адал қызмет етуге тәрбиелеу

б)Оқушылардың жауапкершілік, белсенділік, ізденгіштік, зерттеушілік қасиеттерін дамыту.

Мұғалім: Кіріспе.

Құрметті ата – аналар, ұстаздар, оқушылар! Бүгінгі тәуелсіздік күні мерекесіне орай өткізгелі отырған “Тәуелсіздіктің тал бесігін тербетейік” атты тәрбиелік шарамызға қош келдіңіздер!

Міне, Тәуелсіздігімізді тәуетіп, егемендігімізді ту етіп желбіреткелі 27 жыл болыпты. Осы азғантай уақыттың ішінде елдігімізді танытып, еңсемізді көтерген қаншама ұлы оқиғалар болды. Мемлекетіміздің тәуелсіздік алғалы жеткен жетістіктері ғасырға пара-пар. Осы өткен өмір жолымызға қарасақ, әр жылдың өз шежіресі, сыры, тарихы, қасиеті бар. Азаттық, Теңдік. Тәуелсіздік. Осы үш ұғымның салтанат құруы үшін қаншама қан төгілді, қаншама адам құрбан болды. Найзаның ұшымен, қылыштың жүзімен қасық қаны қалғанша ел мен жер үшін айқасқан бабалар аманатын жалғастырған боздақтар қаншама.

Ақтаңдақ жылдардағы қазақ деп қабырғасы қайысқан қайраткерлер де тәуелсіздігімізге жеткізер ұлы жолдағы құрбандар еді. Қашан да өршіл, намысқой, ержүректік қасиетті биік ұстайтын қазақ халқы Ұлы Отан соғысы жылдарында да аянбай шайқасқан. 1986 жылдың 16 желтоқсаны. Қазақтың санасын сілкіндірген желтоқсан ызғары жылдар бойы арман мен тәуелсідіктің қайнар көзі болды. Бұл – теңдік үшін, елдік үшін бас көтерген, тіпті тәнін аямай, жанын пида қылған жастарымыздың аңсаған армандарының, көздеген мақсаттарының ұшқыннан жалынға айналып еңселі ел болған күніміз.

Бұл күн - халқымыздың қуанып, болашақ ұрпақтың ұрандап еске сақтар күні. Бүгінгі жарқын өміріміз сол қаралы күндердің жеңісті жемісі іспетті.

“Тәуелсіз ел ұланы” хор

1986ж 16-18ж отты оқиға болды. Елдің егемендігін аңсаған жастар алаңға шықты. Желтоқсан желі дауылға айналды. Өрттей қайнаған өжет жастар ұлттық намыс құдіретін әлемге паш етті.

Желтоқсан - тәуелсіздік шежіресіне тарихи шолу.

1730 жыл.Қазақ халқының жоңғарларға азаттық күресі барысындағы өте елеулі оқиға –Аңырақай шайқасы. Бұл шайқас көктемде Балқаш көлінің оңтүстік – батыс жағалауындағы Алакөл деген жерде болды. Шайқаста кіші жүздің ханы Әбілқайыр тікелей басшылық етті. Оған қазақтың үш жүзінің жасақтары қатысты.

“Астана” әні

1836 жыл.Бөкей хандығында аса ірі халық – азаттық көтерілістердің бірі болып өтті. Ол көтерілістің басты себебі жердің жетіспеушілігі еді. Халық көтерілісін елге белгілі батырлар И.Тайманұлы мен М.Өтемісұлы басқарып, 200-ден артық сарбаздармен жасақталды.

1837-1847жж. Кенесары Қасымұлы бастаған ірі ұлт – азаттық көтеріліс болды. Оған үш жүздің қазақтары түгел қатысты. Кенесары тарих сахнасына өзінің ұлы бабасы Абылай ханның ісін жалғастырып, басқарушы ретінде 20 мың сарбаздан тұратын жасақ құрды.

“Сарбаздар” биі

1916 жыл. Ұлт – азаттық көтеріліс кезінде 3 мың қазақ құрбан болды.Бұл қозғалыстың ең ірі оқиғаларының бірі Торғай облысында болды. Көтерілісшілер жасағын құрған сарбаз-Амангелді Иманов.

1931-1933ж .Өркениетті қоғам құру шаралары бүкіл елді тығырыққа тіреді. Аштықтан, түрлі індеттерден халықтың 40 қырылды. Ашаршылықтан 6,2 млн халықтың 2,1 млн опат болды. 1 млн 578 мың халық Атамекенін тастап кетті. 40 жылдай уақыт өткеннен кейін ғана бәрі қалпына келді.

“Гүлдей бер елім Қазақстан” хор

1937-1938 жылдардағы сталинизм репрессиясын ойласаң жаның түршігеді, халықтың қамын ойлаған зиялы азаматтарымыз бір түнде репрессия құрбандарына айналды

1937-1938ж Лаңкестік жаппай сипат алды. Бұл жылдарда кеңес үкіметін орнату мен нығай туға қатысқан көрнекті қайраткерлер жазаға тартылды. Олар: С.Сейфуллин, Б.Майлин, А.Байтұрсынов.

“Аққу” биі

Сталиндік репресия мен голощекиндік геноцид құрбандықтарына ұшыраған халқымыздың ұл-қыздары Отан соғысы жылдары неміс фашист

басқыншылықтарына қарсы Ресеймен бірге соғысуға мәжбүр болды. Олар: Бауыржан Момышұлы, Талғат Бегелдинов, Мәншүк Мәметова, Әлия Молдағұлова, Төлеген Тоқтаров, Рақымжан Қошқарбаев, Қасым Қайсенов, сынды азаматтарымыз жан аямай шайқасты.

“Қарабауыр қасқалдақ”

Дүниені дүр сілкіндірген 1986 жылғы Желтоқсан оқиғасының қанды ызғары бүкіл одақ көлемін шарпып, Грузияда, Прибалтикада, Ресейдегі оқиғалардың тұтануына тарихи әсерін тигізді.Қызыл империяның ошағы болған КСРО –ның ыдырауына әкеп соқты. 1986 жылдың 16 желтоқсанында Республика орталық Комитетінің 5 пленумы болды.Небәрі 18 минутқа созылған осы пленумда республиканы ширек ғасыр бойы басқарып келген Дінмұхамет Ахмет ұлы Қонаевтың орнына Г.В.Колбин сайланды.

«Бейнебаян» көрсету. Желтоқсан оқиғасы

Желтоқсан құрбаны- Қайрат Рұсқұлбеков Алматы

архитектура құрылыс институтының студенті.

1988 жылы КСРО Жоғарғы Кеңесі оған берілген ату

жазасын 20 жыл бас бостандығынан айыру жазасымен ауыстырды.1988 жылғы мамырда-қайтыс болды. 1996 жылғы 9 желтоқсан – «Халық қаһарманы» атағы берілді.

Ләззат Асанова 1970 жылы қазіргі Алматы облысы Жаркент ауданына қарасты Айдарлы ауылында дүниеге келген. Жастайынан зерек өскен бала орта мектепті үздік бітіріп, Алматыдағы Чайковский атындағы музыка училищесіне өз талантымен оқуға түсті.

Қайраттын жазған хаты:

Әкетай-ау пайғамбардай жасың бар,

Туа бермес сіз секілді асылдар.

Қартайғанда жүрегіңді жаралап,

Кесір болды-ау біз секілді масылдар.

Айналайын, қарындасым, қарағым,

Қолда кісен, мен айдауға барамын.

Қайғы шегіп азап тартқан ағаңды,

Айтшы жаным, қандай жанға баладың?

Айналайын, інішегім,құлыным,

Сені ойласам үзіледі жұлыным.

Сенің ерке ақ жүзіңді көре алмай,

Кетіп барам мен айдауға, құлыным.

Қайраттың қарындасының хаты

Кеше ғана базарлы еді біздің үй,

Күнде думан көтеріңкі көңіл-күй.

Бүгін жым-жырт, әлдеқайдан бәз біреу,

Дегендей –ақ бар сырыңды ішке түй.

Біле алмаймын, құйын шарпып өткен бе?

Аға-әпкемдер бәрі есейіп кеткен бе?

Ойнатпайды, ойнамайды менімен,

Әлдекім кеп күлмеңдер деп сөккен бе?

Әкем де үнсіз, айналмайды аймалап,

Терезеден отырғандай ай қарап.

Анамның да дауысында діріл бар,

Көз жанары тоқтамайды тайғанап.

Қайраттың ақтық сөзі:

Қайрат деген атым бар,

Қазақ деген затым бар,

Күнәдан таза басым бар,

Жиырма бірде жасым бар,

Қасқалдақтай қаным бар,

Бозторғайдай жаным бар,

«Еркек тоқты-құрбандық»

Атам десең, атыңдар!

“Желтоқсан жел” хор

Тәуелсіздік жылнамасы

1991 жыл. 16 желтоқсан.Бұл күн –біздің тәуелсіздігімізді дүниежүзі мойындаған күн.Қазақстан Республикасының мемлекеттік тәуелсіздігі туралы Ата заңы қабылданды.

1992 жыл.Қазақстан Бірікке нҰлттар Ұйымына мүше болды.

Маусым айында Тәуелсіз Қазақстан ел рәміздері: Туын, Гимні, Елтаңбасын қабылдады.Қазақтың тұңғыш ғарышкері Тоқтар Әубакіров ғарышқа ұшты.

1993жыл. Тәуелсіз Қазақстанның бірінші Конституциясы қабылданды.

15 қараша .Тәуелсіз Қазақстанның ұлттық теңгесі айналымға енді.

1994 жыл.Мемлекеттің тұңғыш ордендері мен медальдары дүниеге келді.

30 маусым ұшқыш Талғат Мұсабаев аспан көгіне көтерілді.Қазақстан ядролық қаруды таратпау жөніндегі шартқа қосылды.

1995 жыл.30 тамыз.Референдумда ұсынылған жаңа Ата Заң бір ауыздан қабылданды.

1996 жыл.Алматыда Тәуелсіздік монументі ашылды.

“Қазақстан” хор

Әділ қазылар алқасын сайлау.

Қазылар орнықтырар әділдікті,

Кімдердің жауаптары кәміл шықты.

Біліммен тапқырлықтың жарысында,

Жеңіске жетер дейміз нағыз мықты.

Сәлемдесу

І топ Ұраны:

Жарыс десе жанамыз,

Бүгінгі бұл сайыста