Тауық пен балапандар ашық сабағы мектепке дейінгі балаларға

Білім беру саласы: «Коммуникация»

Ұйымдастырылған оқу қызметі: Сөйлеуді дамыту

Тақырыбы: Тауық пен балапандар (Сурет бойынша әңгіме құрастыру)

Мақсаты: Сурет бойынша әңгіме құрастыруды үйретуді жалғастыру. Заттардың атын, сапасын сын есімдерді қолдана отырып, заттарды салыстыру, зат есім мен сын есімді байланыстыра білуді бекіту. «Ш» дыбысының дұрыс айтылуын бекіту.

Көрнекіліктері: «Балалар тауық пен балапандарға жем береді» суреті;

Әдіс-тәсілдері: қайталау, сұрақ-жауап, әңгімелеу, әңгімелету;

Сөздік жұмыс: шоқу, жем шашу, мамық жүнді, қақсауық, қыт-қыттап.

Іс-әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушылық

Шаттық шеңбері

Бала, бала, баламыз.

Бақшамызға барамыз.

Сенде мені танисың

Мен де сені танимын

Ендеше біз достасып

Амандасып алайық.

Шеңбер бойында тұрады.

Қол белде, екі аяқпен бір орында жүреді.

Екі қолдарын бір-біріне созады.

Екі қолдарын кеуделеріне ұстайды.

Екі қолдарын бір-бірлеріне созады

Балалар бірін-бірі құшақтайды

Ұйымдастыру-іздестіру

- Балалар, тауық пен балапандарға жем беру үшін, оларды алдымен шақыру керек. Бірақ қалай шақырамыз?

«Шеп-шеп-шеп» деп шақырамыз ба?»

- Балалар, дәл осылай Айгүл деген қыз тауық пен балапандарды шақырған болатын. Қалай ойлайсыңдар, тауық пен балапандар оның шақырғанына келді ме? - Оны мына суретке қарап білейік.

(Суретті көрсету.)

- «Шеп-шеп-шеп» деп шақырғанда тауық пен балапандар жем жеуге келді ме?

- Айгүлдің қолында не бар?

- Тауық туралы не айтуға болады?

- Балапандар қандай?

- Балапандар не істеп жатыр ?

- Ақ жейде киген баланы көрдіңдер ме? Бұл Арман. Ол не істеп жатыр?

- Арман балапандарға бірдеңе айтып жатыр. Не айтып жатыр деп ойлайсыңдар?

Балалардың жауаптарынан соң:

- Бала : «Дәндерді шоқыңдар, шоқыңдар.Олар дәмді»,- деп айтып жатырған сияқты. Кәне, бәріміз балапандарға «Дәндерді шоқыңдар, шоқыңдар» деп айтайық.

- Балалар, қазір мен суретті әңгімелеймін. Жақсылап тыңдаңдар.

Әңгіме: «Айгүл дән салынған табақты алып аулаға шықты. «Шеп-шеп-шеп» деп тауық пен балапандарға жем шашты. Олар Айгүлдің қасына тез жүгіріп келді. Тауық пен екі балапан жем жей бастады. Қалғандары жан-жақтарына қарап, жем жемеді. Айгүлдің қасына ақ жейде киген Арман келді. Ол жүресінен отырды да, балапандарға:…