Тәжірибедегі рефлексия туралы мақала, сынып жетекшіге

Тәжірибедегі рефлексия

Келешегіміз кемел-болашағымыз баянды болсын десек,ұрпақ тәрбиесімен оның алатын білімінің сапасын бүгіннен бастап ойланғанымыз жөн.Мемлекетіміздің ұйымдастырған педагогтердің біліктілігін арттыру курсы халықаралық стандартқа сай білім берудің үлкен қадамы деп білемін. Ендеше осындай үлкен жаңашылдықтың қатысушысы болғаныма қуанамын.Өзім қызмет ететін Бейнеу ауданы,Боранқұл селосы,Қарақұм орта мектебінде алты айдан бері «Тәжірибедегі рефлексия» курсын оқып жатырмын.Тренеріміз Жарылғапова Гулмира Жұмабергенқызы өте білікті маман,шебер көшбасшы.

Бізге курстан тыс уақытта қажетінше көмек көрсетіп,жұмыс барысын қадағалап отырады.Ол кісінің көмегімен біз курста оқығанымызды өз сыныбымызда қолданып, нәтижесін көрудеміз.

Білімді көтеру мақсатында келген оқу барысында көп нәрсені көңілге тоқып,ойға түйіп білімді жетілдіруге деген қызуғушылығымыз арта түсті.Әсіресе осы үшінші деңгейлік курсында ,көп нәрсеге қол жеткізгеніме сенімдімін.Мысалға әр оқушыға сыни турғыда ойлау,өзін-өзі реттеуге ,өз білімін және қасындағы баланың білімін бағалауға ықпал жасап,оқушы пікірімен санаса отырып,оған қолдау көрсету маған ерекше ұнады.

Оқушылардың топпен,жұппен және жеке диалог түрлерінде бір-бірімен талдау,ойлау,талқылау,пікірталасуын,шығармашылығын дамытуға қол жеткізіп келемін.

Мен осы сабақ түрлерін өткізгенде оқушыларға білім алуда және ізденуде көп көмегін беретінін түсіндім.Оқушының дарындылығын және көшбасшылық қасиетінің байқалғанын көрдім.

Сөзімнің соңында бұндай курстың бізге берері көп екенін,технологиялық жүйелілікті сақтай отырып,қазіргі сабақтарға қойылатын талаптарды қатаң ескерген мұғалім,оқушылар шығармашылығын арттырып,білім бәсекелестігіне дұрыс бағыт-бағдар бере алады дегім келеді.

Қарақұм орта мектебінің

Бастауыш сынып мұғалімі

Жарбосынова Айтгул